Kuatkeun Perkawinan Sadérék

Keur Yéhuwa, ikrar perkawinan téh sérius pisan. Yéhuwa hayang salaki pamajikan terus babarengan salilana. (Mat 19:5, 6) Aya loba umat Allah nu perkawinanana bagja. Tapi, euweuh perkawinan nu sampurna. Sakapeung sok aya waé masalah. Urang tangtu moal kapangaruhan ku jalma réa nu sok ngaréngsékeun masalah ku pepegatan jeung pipisahan. Kumaha pasangan Kristen bisa ngajaga perkawinanana?

Perhatikeun lima carana.

1. Jaga haté ku cara henteu ngagoda batur jeung henteu nongton hiburan nu cabul lantaran bisa ngaruksak perkawinan.​—Mat 5:28; 2Pet 2:14.

2. Kuatkeun sosobatan jeung Allah sarta témbongkeun yén Sadérék hayang nyenangkeun Allah.​—Jab 97:10.

3. Terus mekarkeun sipat-sipat nu leuwih hadé jeung jieun kahadéan nu leutik tapi bisa nyenangkeun batur hirup.​—Kol 3:8-10, 12-14.

4. Silih hargaan jeung terus jaga komunikasi nu alus.​—Kol 4:6.

5. Jalankeun kawajiban perkawinan ku cara nu lemah lembut jeung nyaahan.​—1Kor 7:3, 4; 10:24.

Lamun urang ngahargaan perkawinan, urang ngahargaan Yéhuwa, Nu Nyiptakeun perkawinan.

TONGTON VIDÉO URANG KUDU TABAH—TAAT KANA ATURAN BALAP LUMPAT, TERUS JAWAB PANANYA-PANANYA DI HANDAP:

• 

  Sanajan mimitina perkawinan téh lancar, naon waé masalah nu bisa muncul?

• 

  Kumaha prinsip Alkitab ngabantu salaki pamajikan nu ngarasa teu silih cinta deui?

• 

  Yéhuwa nyieun aturan naon waé keur perkawinan?

• Sangkan perkawinan suksés, salaki pamajikan kudu ngalakukeun naon?