Disiplin téh Bukti Kanyaah ti Yéhuwa

Disiplin téh biasana mangrupa papatah jeung pangajaran. Tapi sakapeung disiplin gé kaasup koréksi jeung hukuman. Yéhuwa ngadisiplin urang supaya ibadah urang ditarima ku Mantenna. (Rum 12:1; Ibr 12:10, 11) Bisa jadi pas narima disiplin téh karasana nyeri. Tapi lamun ditarima, urang bisa jadi jelema bener jeung meunang berkah. (Sil 10:7) Naon nu perlu diinget ku nu méré disiplin jeung nu narimana?

Nu méré disiplin. Kokolot di sidang, kolot, jeung nu séjénna, méré disiplin ku cara nu bageur jeung nyaahan siga Yéhuwa. (Yer 46:28) Méré disiplin téh kudu asup akal sarta cocog jeung kaayaan éta jalma.​—Tit 1:12, 13.

Nu narima disiplin. Lantaran teu sampurna, urang kabéh butuh disiplin. Urang bisa meunang disiplin ti rupa-rupa cara. Misalna, waktu maca Alkitab atawa masamoan. Aya ogé nu didisiplin ku panitia pangadilan. Teu sual ti mana urang narima disiplin, urang moal nolak disiplin. Pék tarima jeung geura larapkeun. (Sil 3:11, 12) Mangpaatna, hirup urang ayeuna jeung di mangsa kahareup bakal leuwih hadé.​—Sil 10:17.

TONGTON VIDÉO ”YÉHUWA NGADISIPLIN JALMA-JALMA NU DIPIKANYAAH KU MANTENNA”, TULUY BAHAS:

• 

  Mimitina, kumaha hirupna Canon? Terus kumaha hirupna barobah?

• 

  Lantaran nyaah, Yéhuwa méré disiplin naon ka manéhna?

• 

  Urang diajar naon tina pangalamanana?