Némbongkeun Sikep Rasrasan

Sikep rasrasan téh paham kana pikiran, parasaan, pangabutuh batur, kaasup ngahargaan manéhna. Batur bakal ngarasakeun urang téh rasrasan lamun urang bener-bener hayang ngabantu manéhna. Waktu urang rasrasan dina dines, urang téh nyonto sipat Yéhuwa nu nyaahan. Ku kituna, jalma-jalma bakal harayangeun kenal ka Yéhuwa.​—Pil 2:4.

Sikep rasrasan téh lain saukur cara ngajar. Tapi sikep éta katémbong tina cara urang ngadéngékeun jeung ngomong. Sikep, gerak awak, jeung raray urang ogé bisa nunjukkeun lamun urang boga minat ka batur. Urang bakal nginget-nginget naon nu dipikaresep ku manéhna, kapercayaanana, jeung kaayaanana. Urang ogé bakal méré bantuan, bari teu maksa manéhna nyieun parobahan. Waktu manéhna daék dibantu, urang pasti leuwih bungah dina palayanan.

TONGTON VIDÉO SING BUNGAH DINA DINES—NINGKATKEUN KAMAMPUH—NÉMBONGKEUN SIKEP RASRASAN, TULUY BAHAS:

• 

  Kumaha Nita némbongkeun sikep rasrasan basa Jasmin datangna telat?

• 

  Kumaha Nita némbongkeun sikep rasrasan basa Jasmin keur jangar jeung teu bisa diajar?

• 

  Kumaha Nita némbongkeun sikep rasrasan sanajan Jasmin lain jalma nu apik?