Bantu Palajar Alkitab Nyingkahan Pergaulan nu Goréng

Supaya bisa jadi sobat Yéhuwa, palajar Alkitab kudu milih babaturan nu hadé. (Jab 15:1, 4) Babaturan nu hadé bakal ngajurung manéhna ngalakukeun nu hadé.​—Sil 13:20; lff bab 48.

Waktu ngabantu palajar Alkitab nyingkahan pangaruh nu goréng, urang kudu ngarti parasaan manéhna. Mimitina, manéhna pasti hésé eureun campur gaul jeung babaturanana. Jadi, urang bisa némbongkeun perhatian nu tulus ka manéhna, kaasup waktu keur teu diajar Alkitab. Urang bisa ngirim SMS, nelepon, atawa datang ka imahna. Waktu manéhna geus nyieun leuwih loba kamajuan, urang bisa ngajak manéhna campur gaul jeung dulur-dulur saiman. Engkéna manéhna bakal sadar yén nu ditarima ku manéhna leuwih loba tibatan nu geus dikorbankeun. (Mar 10:29, 30) Urang ogé bakal bungah waktu ningali kulawarga Yéhuwa téh terus nambahan.

TONGTON VIDÉO BANTU PALAJAR ALKITAB NYINGKAHAN PERGAULAN NU GORÉNG, TULUY BAHAS:

• Naon pergaulan nu goréng téh?​—1Kor 15:33

• Waktu rék ngumpul bareng jeung sadérék-sadérék di sidang, naon nu dibayangkeun ku Jasmin?

• Kumaha Nita ngabantu Jasmin nyingkahan pergaulan nu goréng?