Tilu Cara pikeun Ngandelkeun Yéhuwa

Daud bisa ngéléhkeun Goliat téh sabab ngandelkeun Yéhuwa. (1Sam 17:45) Yéhuwa hayang ngalindungan hamba-hamba-Na ku kawasa-Na. (2Bab 16:9) Kumaha carana sangkan urang leuwih ngandelkeun pitulung ti Yéhuwa tibatan ngandelkeun pangalaman jeung kamampuh urang sorangan? Ieu tilu carana:

• Rutin ngadoa. Tibatan ngadoa ménta dihampura sanggeus nyieun salah, leuwih alus urang ngadoa ménta kakuatan waktu keur nyanghareupan gogoda. (Mat 6:12, 13) Ulah ngan ngadoa ménta supaya putusan urang diberkahan. Saacan nyieun putusan, urang gé kudu ngadoa ménta pituduh jeung bingbingan ti Yéhuwa.​—Yak 1:5

• Rutin maca jeung diajar Alkitab. Baca Alkitab unggal poé. (Jab 1:2) Lenyepan conto-conto dina Alkitab jeung larapkeun palajaranana. (Yak 1:23-25) Waktu rék dines, ulah ngandelkeun pangalaman sorangan. Pék persiapan heula saacan dines. Saacan masamoan, siapkeun heula bahan-bahanna, supaya urang bisa meunang loba mangpaat

• Terus dukung organisasi Yéhuwa. Sing rutin mariksa pituduh nu panganyarna ti organisasi jeung langsung lampahkeun. (Bil 9:17) Urang ogé kudu nurut kana naséhat jeung pituduh ti kokolot.​—Ibr 13:17

SETÉL VIDÉO ULAH SIEUN KU PANGANIAYAAN, TULUY BAHAS:

• Naon nu nyababkeun sadérék-sadérék dina vidéo ieu ngarasa sieun?

• Naon nu ngabantu maranéhna sangkan teu sieun deui?