Naha Sadérék Geus Siap Lamun Aya Karusuhan?

Lantaran ahir dunya beuki téréh, karusuhan, térorisme, jeung perang bakal beuki sering kajadian. (Why 6:4) Kumaha urang bisa nyiapkeun diri?

• Nyiapkeun diri sacara rohani: Pariksa prinsip-prinsip jeung kisah-kisah dina Alkitab nu ngabantu Sadérék tetep percaya ka Yéhuwa jeung organisasi-Na. Ku kituna, Sadérék bisa tetep nétral. (Sil 12:5; jr-IN 125-126 ¶23-24) Ti ayeuna, Sadérék kudu beuki raket jeung sadérék-sadérék di sidang.​—1Pét 4:7, 8

• Nyiapkeun diri sacara jasmani: Siapkeun kabutuhan Sadérék keur sababaraha waktu bisi engké teu bisa kaluar ti imah. Lamun Sadérék kudu ngungsi, jieun rencana ngeunaan naon waé nu kudu dilakukeun. Pariksa naon waé eusi tas bencana Sadérék jeung pastikeun geus aya sarung tangan, masker, jeung duit. Sadérék kudu nyaho kontak para kokolot, jeung pastikeun maranéhna gé bisa ngontak Sadérék.​—Yes 32:2; g17.5-IN 3-7

Salila karusuhan, Sadérék kudu tetep ngalakukeun rutin rohani. (Flp 1:10) Lamun teu pati penting, ulah pundah-pindah ti tempat Sadérék ngungsi. (Mat 10:16) Sing daék babagi dahareun sarta sasadiaan séjénna jeung batur.​—Rm 12:13.

TONGTON VIDÉO NAHA SADÉRÉK GEUS SIAP LAMUN AYA MUSIBAT ALAM? TULUY BAHAS:

• Kumaha Yéhuwa nulungan urang waktu aya musibat?

• Naon waé nu bisa disiapkeun ku urang?

• Kumaha carana nulungan batur nu keur keuna musibat?