Gunakeun Hirup Bagja Salilana! pikeun Ngawangun Iman ka Yéhuwa jeung Isa

Supaya bisa nyenangkeun Allah, palajar Alkitab kudu boga iman nu kuat. (Ibr 11:6) Urang bisa ngageuing haténa ngagunakeun buku Hirup Bagja Salilana! Dina buku ieu aya ayat-ayat konci, katerangan nu saderhana, pananya nu alus, vidéo nu nguatkeun, jeung gambar-gambar nu éndah. Lamun urang ngabantu palajar Alkitab mekarkeun sipat-sipat Kristen sarta nyobat jeung Allah, urang keur ngawangun iman palajar Alkitab ku bahan-bahan nu moal kaduruk ku seuneu.​—1Kor 3:12-15.

Sababaraha jalma teu bisa ngabayangkeun nyobat jeung Allah nu teu katingali. Jadi urang kudu mantuan maranéhna kenal jeung percaya ka Yéhuwa.

TONGTON VIDÉO NGAWANGUN IMAN KA YÉHUWA NGAGUNAKEUN ”HIRUP BAGJA SALILANA!” TULUY BAHAS:

• Ti mana urang apal sadérék istri dina éta vidéo persiapan heula saacan mandu palajaran Alkitab?

• Kumaha éta pawarta milih pananya nu cocog supaya palajar Alkitab ngungkabkeun parasaanana ngeunaan Yesaya 41:10, 13?

• Naon pangaruhna ayat jeung vidéo éta keur palajar Alkitab?

Loba jalma teu ngarti tebusan téh naon, atawa teu ngarasa éta téh hadiah ti Allah keur manéhna. (Gal 2:20) Jadi, urang kudu mantuan manéhna ngawangun iman kana korban tebusan Isa.

TONGTON VIDÉO NGAWANGUN IMAN KA ISA NGAGUNAKEUN ”HIRUP BAGJA SALILANA!” TULUY BAHAS:

• Ti mana urang apal sadérék pameget dina éta vidéo persiapan heula saacan mandu palajaran Alkitab?

• Kumaha pawarta éta ngamangpaatkeun bahan nu cocog dina bagian ”Tingali Ogé” pikeun mantuan palajar?

• Ku naon penting pikeun ngadoakeun palajar Alkitab?