Naha Sadérék Ningali Jawaban Yéhuwa keur Doa-Doa Sadérék?

Dina Alkitab, aya loba conto doa nu dijawab ku Yéhuwa. Iman hamba-hamba Yéhuwa tangtu dikuatkeun waktu ningali Yéhuwa ngajawab doa-doa maranéhna basa keur hariwang. Ku kituna doa urang kudu rinci, urang gé kudu merhatikeun kumaha Yéhuwa ngajawab doa urang. Bisa jadi jawaban doa urang téh béda atawa leuwih ti nu dipiharep ku urang. (2Kor 12:7-9; Éf 3:20) Jawaban Yéhuwa keur doa-doa Sadérék téh bisa mangrupa naon waé?

• Fisik, émosi, atawa karohanian urang dikuatkeun supaya bisa nyanghareupan masalah.​—Flp 4:13

• Kabijaksanaan pikeun nyieun putusan nu hadé.​—Yak 1:5

• Kahayang jeung kakuatan pikeun nyieun tindakan.​—Flp 2:13

• Dibéré katengtreman waktu hariwang.​—Flp 4:6, 7

• Dukungan fisik atawa émosi ti batur.​—1Yah 3:17, 18

• Jalma-jalma nu urang doakeun meunang bantuan.​—Ras 12:5, 11

TONGTON VIDÉO YÉHUWA NGADANGUKEUN DOA URANG, TULUY BAHAS:

• Kumaha pangalaman sadérék Shimizu negerkeun urang lamun urang boga masalah kaséhatan?

• Kumaha urang bisa nyonto tuladan sadérék Shimizu?