KAHIRUPAN KRISTEN
Bagian-Bagian nu Alus dina Publikasi Hirup Bagja Salilana!
Naha Sadérék resep ngagunakeun vidéo jeung pananya dina buku Hirup Bagja Salilana? Naha Sadérék ogé resep ngagunakeun bagian ”Aya nu Ngomong”, ”Pék Upayakeun”, jeung ”Tingali Ogé”? Bagian mana nu paling ngabantu Sadérék waktu keur ngayakeun palajaran Alkitab?—Mat 28:19, 20.
Média: Lamun Sadérék leuwih resep mandu palajaran Alkitab maké buku, kumaha carana manggihan kabéh vidéo jeung média pikeun bab nu keur dibahas? Dina versi digital bukuna, pilih salah sahiji bagian utama. Média keur bagian éta aya di paling handap. (Tingali gambar 1.)
Tampilan ”Versi Tercetak”: Lamun Sadérék mandu palajaran Alkitab maké aplikasi JW Library, alus ogé lamun Sadérék ngagunakeun tampilan ”Versi Tercetak”. Dina babna, pilih titik tilu nu aya di luhur beulah katuhu aplikasina, terus pencét ”Versi Tercetak”. Tampilan ieu bisa ngabantu Sadérék paham hubungan sakabéh eusi babna jeung téma utama bab éta. Mun rék balik deui ka versi digital, pilih deui titik tiluna, terus pencét ”Versi Digital”.
”Na Abdi Geus Siap?”: Bagian ieu aya di paling handap tina ”BAGIAN 4”. Bagian ieu méré nyaho sarat-sarat keur saurang jalma nu hayang ngawawar bareng dulur-dulur saiman jeung dibaptis. (Tingali gambar 2.)
Catetan Ahir: Bagian ieu ogé aya di paling handap tina ”BAGIAN 4”. Bagian ieu méré katerangan tambahan ngeunaan bab nu keur dibahas. Dina versi digital bukuna, aya link dina ahir unggal nomerna. Lamun éta link dipencét, Sadérék bakal balik deui ka babna. (Tingali gambar 2.)
Terus bantu palajar Alkitab ngabéréskeun buku Hirup Bagja Salilana! sanajan manéhna geus dibaptis. Waktu mandu palajaran Alkitab jeung manéhna, Sadérék masih bisa kénéh ngalaporkeun jam, kunjungan kembali, jeung PAR dina laporan dines. Batur dines Sadérék gé bisa ngalaporkeun jamna