KAHIRUPAN KRISTEN
Kuatkeun Iman kana Alkitab
Firman Allah boga kawasa pikeun ngarobah kahirupan urang. (Ibr 4:12) Tapi, supaya urang daék nuturkeun bingbingan, pituduh, jeung naséhat ti Alkitab, urang kudu yakin yén Alkitab téh ”kekecapan ti Allah”. (1Tés 2:13) Kumaha carana supaya iman urang kana Alkitab beuki kuat?
Baca Alkitab unggal poé. Waktu maca, téangan bukti-bukti yén Yéhuwa téh pangarangna. Contona, talungtik naséhat nu aya dina buku Siloka, jeung catet naséhat-naséhat nu aya mangpaatna keur Sadérék.—Sil 13:20; 14:30.
Mulai proyék palajaran pribadi. Téangan bukti-bukti nu nguatkeun iman urang yén Alkitab téh bener-bener diilhamkeun Allah. Dina Panduan Riset Saksi-Saksi Yéhuwa, pilih bagian ”Alkitab”, tuluy pilih ”Diilhamkan Allah”. Sadérék bisa yakin yén eusi Alkitab téh teu dirobah ku cara diajar tina Lampiran A3 dina Terjemahan Dunia Baru.
TONGTON VIDÉO KU NAON URANG BOGA IMAN KANA . . . FIRMAN ALLAH, TULUY BAHAS:
Kumaha témbok kuil di Karnak, Mesir, ngabuktikeun yén Firman Allah téh bener?
Ti mana urang nyaho eusi Alkitab teu barobah?
Lantaran Alkitab bisa tetep aya nepi ka jaman ayeuna, kumaha Sadérék yakin Alkitab téh bener-bener Firman ti Allah?—Baca Yesaya 40:8