KAHIRUPAN KRISTEN
Pék Diajar Cara Pandang Yéhuwa
Urang hayang nyenangkeun Yéhuwa dina sagala tindakan urang. (Sil 27:11) Ku kituna, putusan urang kudu sajalan jeung pandangan Yéhuwa, sanajan teu aya hukum atawa paréntah nu jelas. Naon nu bisa mantuan urang?
Rutin diajar Alkitab. Unggal maca Alkitab, urang téh saolah-olah keur ngadéngékeun Yéhuwa ngomong. Urang bisa nyaho pikiran Yéhuwa waktu ngalenyepan kumaha sikep Anjeunna ka umat-Na sarta ngalenyepan conto umat-Na nu ngalakukeun hal nu alus jeung nu goréng. Jadi waktu urang kudu nyieun putusan, kawasa suci bisa ngingetkeun urang kana prinsip nu aya dina Firman Allah jeung hasil risét urang waktu diajar Alkitab.—Yah 14:26.
Ngarisét. Waktu kudu nyieun putusan, pék pikirkeun, ’Ayat atawa kisah naon dina Alkitab nu bisa ngabantu abdi paham kumaha parasaan Yéhuwa?’ Pék ngadoa ménta pitulung ti Yéhuwa jeung gunakeun alat bantu risét nu aya dina basa Sadérék pikeun manggihan prinsip Alkitab nu cocog jeung kaayaan Sadérék.—Jab 25:4.
TONGTON VIDÉO URANG KUDU TABAH—DAHAR KADAHARAN NU LOBA GIZINA, TULUY BAHAS:
Naon tangtangan nu disanghareupan ku sadérék istri dina vidéo ieu?
Kumaha Sadérék bisa ngagunakeun alat bantu risét pikeun nyanghareupan tangtangan nu sarua?
Ku naon urang bisa nyieun putusan nu alus lamun urang ngarisét jeung palajaran pribadi? —Ibr 5:13, 14