KAHIRUPAN KRISTEN
Carana Ngagunakeun Vidéo-Vidéo pikeun Diajar Alkitab
Urang boga opat vidéo ngeunaan palajaran Alkitab nu bisa dipaké dina dines. Naon tujuan unggal vidéo ieu?
Ku Naon Perlu Diajar Kitab Suci?—Vérsi Lengkep. Vidéo ieu téh dijieun supaya jalma-jalma kataji diajar Alkitab, teu sual kapercayaanana. Vidéo ieu ngabantu jalma-jalma meunang jawaban tina Alkitab ngeunaan pananya-pananya penting dina kahirupan. Dina vidéona gé dijelaskeun carana ménta palajaran Alkitab.
Ku Naon Perlu Diajar Kitab Suci? Vidéo ieu mirip siga versi lengkepna, tapi vidéo ieu mah panjangna ngan samenit. Vidéo ieu leuwih cocog keur jalma-jalma nu keur sibuk atawa teu boga loba waktu keur ngobrol.
Saperti Kumaha Palajaran Alkitab Saksi-Saksi Yéhuwa téh? Vidéo ieu dirancang supaya jalma-jalma kataji kana program palajaran Alkitab gratis jeung ngajawab sababaraha pananya umum ngeunaan Alkitab. Dina vidéona gé dijelaskeun carana ménta palajaran Alkitab.
Wilujeng Sumping dina Palajaran Alkitab Anjeun. Vidéo ieu dirancang pikeun jalma-jalma nu geus mulai diajar Alkitab. Sanajan vidéo ieu aya dina kaca dua buku Hirup Bagja Salilana!, vidéo ieu tetep bisa disetél waktu ngabahas brosur Hirup Bagja Salilana! Vidéo ieu ngajelaskeun bagian-bagian nu aya dina buku jeung naon waé nu bakal dibahas salila palajaran.
Unggal vidéo boga tujuanana masing-masing. Lamun cocog, Sadérék bisa nyetélkeun atawa ngirimkeun vidéona ka jalma nu minat. Pawarta perlu apal tujuan unggal vidéo supaya bisa tarampil ngagunakeunana dina dines.