Kumaha Engkéna Dunya Ieu?

JAWABAN KITAB SUCI

”Mantenna bakal nyusutan cipanon maranehna. Paeh, kasedih, piceurikeun, kanyeri, moal aya-aya deui. Sakur nu heubeul geus sirna.”​—Wahyu 21:4, Kitab Suci Nganggo Basa Sunda Sadidinten.

MANGPAATNA KEUR SADÉRÉK

Naon waé nu dipigawé bakal nyenangkeun jeung nyugemakeun.​—Yesaya 65:21-23.

Moal aya deui panyakit atawa sagala kasangsaraan.​—Yesaya 33:24.

Hirup bagja salilana jeung jalma-jalma nu dipikanyaah.​—Jabur 37:11, 29.

KU NAON JAWABAN KITAB SUCI BISA DIPERCAYA?

Sahenteuna aya dua alesan:

• Allah sanggup ngawujudkeun jangji-Na. Numutkeun Kitab Suci, ngan Allah Yéhuwa nu disebut ”Maha Kawasa” lantaran kakawasaana-Na teu aya watesna. (Wahyu 15:3) Jadi, Mantenna sanggup ngawujudkeun jangji-Na pikeun ngarobah ieu dunya jadi leuwih hadé. Kitab Suci nyebutkeun, ”Keur Allah mah teu aya nu mustahil.”​—Mateus 19:26.

• Allah hoyong pisan ngawujudkeun jangji-Na. Contona, Allah hoyong pisan ngahirupkeun deui jalma-jalma nu geus maraot. (Yesaya 25:8) Kitab Suci ogé nyebutkeun, ”PANGERAN teh raket ka jalma nu remuk hate nyalametkeun ka nu pegat pangharepan.” (Jabur 34:19) Gusti hoyong pisan nulungan jalma-jalma nu keur susah. Jadi, urang yakin Yéhuwa bakal ngabantu urang bagja dina mangsa kahareup.​—Jabur 72:12-14; 145:16; 2 Petrus 3:9.