Ningkatkeun Kamampuh Dines Urang​—Bisa Nyaluyukeun Diri

KU NAON PENTING? Kaom nu diistrénan jeung domba-domba lian ngondang rupa-rupa jalma pikeun nyokot ”cai anu matak hirup”. (Wahyu 22:17) Cai ieu ngalambangkeun kabéh sasadiaan Yéhuwa pikeun ngabébaskeun manusa nu taat tina dosa jeung maot. Pikeun ngabantu jalma-jalma nu boga kabiasaan jeung kapercayaan nu béda-béda, urang kudu nepikeun ”warta hal Injil Kasalametan nu langgeng” ku cara nu narik ati maranéhna.​—Wahyu 14:6.

CARA NGALAKUKEUNANA:

• Pilih topik jeung ayat nu bakal dipikaresep ku jalma-jalma di daérah Sadérék. Sadérék bisa maké salah sahiji conto bahasan atawa topik nu geus kabukti suksés. Naon topik jeung ayat nu dipikaresep ku jalma-jalma? Naha aya berita nu keur héboh? Naon topik nu cocog keur lalaki, jeung naon nu cocog keur awéwé?

• Ucapkeun salam jeung tuturkeun tatakrama nu umum di daérah Sadérék.​—2Kor 6:3, 4

• Sing inget naon waé bacaan sarta vidéo nu aya dina Alat Bantu Pengajaran pikeun dibahas jeung jalma-jalma nu minat

• Download bacaan jeung vidéo tina rupa-rupa basa nu bisa jadi dipaké ku jalma-jalma di daérah dines Sadérék

• Luyukeun topik sangkan cocog jeung pangabutuh nu boga imah. (1Kor 9:19-23) Misalna, naon nu bakal dibahas ku Sadérék lamun nu boga imah kakara dikantunkeun?

TONGTON VIDÉONA, TERUS JAWAB PANANYA-PANANYA IEU:

• Naon hal nu mimiti ditepikeun ku pawarta ka nu boga imah?

• Naon nu kaalaman ku nu boga imah?

• Ayat mana nu paling cocog pikeun dibahas dina kaayaan éta, sarta ku naon?

• Kumaha Sadérék bisa nyaluyukeun topik supaya nu boga imah hayang nyaho leuwih loba?