Sing Tetep Teger Sabab Ahir Geus Téréh Datang

KU NAON PENTING? Sakeudeung deui, bakal aya kajadian-kajadian nu luar biasa. Dina mangsa éta, kawani jeung iman urang bakal diuji leuwih ti saacanna. Mangsa cilaka bakal dimimitian ku ancurna agama palsu. (Mat 24:21; Wahyu 17:16, 17) Dina mangsa nu kacow ieu, bisa jadi urang kudu nepikeun warta hukuman nu pikareuwaseun. (Wahyu 16:21) Urang bakal diserang ku Gog ti Magog. (Yeh 38:10-12, 14-16) Jadi keur ngabéla umatna, Yéhuwa bakal ”perang dina poe agung, Poena Allah Nu Maha Kawasa”. (Wahyu 16:14, 16) Jadi, supaya bisa wani dina mangsa éta, urang kudu mekarkeun kawani ti ayeuna kénéh. Carana, urang kudu tetep satia waktu iman urang diuji.

CARA NGALAKUKEUNANA:

• Urang kudu terus ngajalankeun standar moral ti Yéhuwa.​—Yes 5:20

• Terus ibadah babarengan jeung dulur saiman.​—Ibr 10:24, 25

• Mun aya pituduh anyar ti organisasi Yéhuwa, sing geura tuturkeun.​—Ibr 13:17

• Pikirkeun kumaha Yéhuwa nyalametkeun umat-Na di jaman baheula.​—2Pet 2:9

• Ngadoa jeung ngandelkeun Yéhuwa.​—Jab 112:7, 8

TONGTON VIDÉO CUPLIKAN—SING WANI NYANGHAREUPAN KAJADIAN DINA MANGSA KAHAREUP, TERUS JAWAB PANANYA-PANANYA DI HANDAP:

• 

  Kumaha para pawarta diuji kataatanana waktu maranéhna kudu ngagabung jeung sidang séjén?

• 

  Naon hubunganana kawani jeung kataatan?

• 

  Ku naon urang kudu wani waktu engké Armagédon datang?

• 

  Kisah Alkitab naon nu ngabantu urang yakin lamun Yéhuwa boga kawasa pikeun nyalametkeun urang?​—2Bab 20:1-24