Sadérék Hayang Teu Ngadaptar Sekolah bagi Penginjil Kerajaan?

Na Sadérék téh panaratas biasa nu umurna antara 23 nepi ka 65 taun? Na Sadérék séhat kénéh jeung bisa ngawula di tempat nu leuwih ngabutuhkeun pawarta? Lamun enya, pernah teu kapikir pikeun ngadaptar Sekolah bagi Penginjil Kerajaan? Ti saprak mimiti diayakeun, geus aya rébuan salaki pamajikan jeung loba sadérék-sadérék léngoh nu ngadaptar. Tapi, masih kénéh dibutuhkeun loba sadérék lalaki nu léngoh. Pék ménta ka Yéhuwa supaya Sadérék boga kadaék pikeun leuwih nyenangkeun Mantenna jeung nyonto putra-Na. (Jab 40:9; Mat 20:28; Ibr 10:7) Pikirkeun ogé, na aya pagawéan atawa urusan pribadi nu bisa dikurangan supaya bisa ngadaptar?

Sanggeus miluan sakola ieu, jinis palayanan naon waé nu bisa Sadérék lakukeun? Aya nu ditugaskeun di daérah nu maké basa séjén atawa miluan kasaksian husus métropolitan. Aya ogé nu ditugaskeun jadi pangawas wilayah cadangan, pangawas wilayah, atawa utusan injil. Bari mikirkeun kasempetan pikeun ngawula Yéhuwa leuwih loba, mugia Sadérék boga parasaan siga nabi Yésaya, ”Sumuhun abdi! Mangga abdi utus!”​—Yes 6:8.

TONGTON VIDÉO UTUSAN INJIL DI LAPANGAN—PARA PEKERJA PANEN, TERUS JAWAB PANANYA-PANANYA DI HANDAP:

• 

  Kumaha utusan injil dipilih?

• 

  Naon tugas para utusan injil?

• 

  Naon waé berkah nu dirasakeun ku para utusan injil?