KAHIRUPAN KRISTEN
Kongrés téh Kasempetan pikeun Némbongkeun Kanyaah
Ku naon urang resep pisan datang ka kongrés? Siga di Israil jaman baheula, dina kongrés ayeuna gé urang bisa ibadah ka Yéhuwa babarengan jeung ratusan nepi ka rébuan dulur saiman. Aya loba pisan dahareun rohani nu bisa ditarima ku urang. Urang ogé resep bisa ngumpul bareng jeung kulawarga sarta babaturan. Lantaran ngahargaan pisan kongrés-kongrés éta, urang hayang datang ka kongrés salila tilu poé.
Waktu kongrés, ulah ngan mikirkeun naon nu bisa ditarima hungkul, tapi pikirkeun ogé kumaha carana nunjukkeun kanyaah ka batur. (Gal 6:10; Ibr 10:24, 25) Misalna, urang bisa mukakeun panto keur batur atawa henteu loba teuing nyadangkeun korsi. Éta hartina, urang téh mikirkeun ogé kapentingan batur. (Pil 2:3, 4) Dina kongrés, aya loba kasempetan pikeun néangan sobat anyar. Urang bisa ngamangpaatkeun waktu saacan acara mulai, sanggeus balik, atawa pas istirahat. (2Kor 6:13) Sosobatan urang jeung maranéhna bisa awét salanggengna. Malah, lamun aya nu ningali kanyaah urang, bisa jadi maranéhna gé kageuing pikeun ngawula Yéhuwa.—Yoh 13:35.
TONGTON VIDÉO PERTEMUAN INTERNASIONAL ”KASIH TIDAK AKAN BERAKHIR”!, TERUS JAWAB PANANYA-PANANYA DI HANDAP:
Basa kongrés internasional 2019, kumaha kanyaah ditémbongkeun ka sadérék-sadérék nu datang ti luar nagri?
Ku naon kanyaah jeung karukunan umat Yéhuwa téh luar biasa?
Kumaha anggota Badan Pingpinan nandeskeun ngeunaan kanyaah Kristen?
Kumaha urang bisa némbongkeun kanyaah dina kongrés-kongrés?
Kumaha kanyaah Kristen ngahijikeun sadérék-sadérék boh di Jerman boh di Korea Selatan?
Naon tékad urang?