Kagiatan Husus pikeun Nawarkeun Palajaran Alkitab di Bulan Séptémber

Salila bulan Séptémber, urang bakal nawarkeun palajaran Alkitab make brosur Hirup Bagja Salilana! ka unggal jalma. Para pawarta bisa milih rék naratas ékstra salila 30 atawa 50 jam. Naon waé pangaturan dina kagiatan husus ieu?

• Waktu Ngawawar: Gunakeun kaca tukang brosurna pikeun ngageuing minat, terus tunjukkeun cara diajarna. Tawarkeun brosurna ka jalma nu boga minat. Urang ogé bisa nawarkeun palajaran Alkitab ka jalma-jalma nu sok didatangan ku urang. Bisa jadi, maranéhna daékeun diajar maké brosur jeung cara diajar nu anyar ieu. Lamun teu panggih jeung nu boga imah, ulah ninggalkeun brosurna. Ulah ngirimkeun brosurna bareng jeung surat ka jalma nu can némbongkeun minat saacanna. Panitia Dines Sidang bakal ngayakeun leuwih loba riungan dines lapangan dina bulan éta.

• Kasempetan Séjénna: Lamun sidang Sadérék sok ngawawar di tempat umum, témbongkeun brosur Hirup Bagja Salilana! dina rak. Tawarkeun palajaran Alkitab gratis ka jalma nu minat nu nyokot brosur ieu. Sadérék bisa langsung nunjukkeun cara diajar Alkitab sacara singget, atawa jangjian deui rék iraha. Pangawas dines bisa nugaskeun pawarta nu minuhan sarat pikeun nawarkeun palajaran Alkitab di daérah bisnis. Sadérék ogé bisa nawarkeun palajaran Alkitab ka batur gawé atawa ka jalma nu panggih jeung Sadérék basa méré kasaksian teu resmi.

Isa maréntahkeun urang pikeun ngadatangan jalma-jalma, ngajadikeun murid jeung ngajar maranéhna. (Mat 28:19, 20) Mugia kagiatan husus pikeun nawarkeun brosur Hirup Bagja Salilana! ieu bisa ngabantu urang ngalaksanakeun tugas ti Isa.