KAHIRUPAN KRISTEN
Yéhuwa Mantuan Urang Supaya Tetep Tabah Nyanghareupan Kasusah
Dina ahir jaman téh aya loba pisan kasusah. Sakapeung, urang meureun ngarasa geus teu sanggup nyanghareupan sakitu lobana kasusah. Tapi lamun urang terus ngaraket ka Yéhuwa, urang bakal dibantu pikeun tabah nyanghareupan kasukeran nu nyusahkeun pisan. (Yes 43:2, 4) Kumaha carana urang ngaraket ka Yéhuwa sanajan keur boga masalah?
Ngadoa. Mun urang ngabudalkeun eusi haté urang ka Yéhuwa dina doa, Anjeunna bakal nengtremkeun haté jeung pikiran. Ku kituna urang bisa tetep tabah.—Flp 4:6, 7; 1Tés 5:17.
Masamoan. Ti batan nu enggeus-enggeus, ayeuna urang leuwih ngabutuhkeun dahareun rohani sarta campur gaul jeung sadérék-sadérék di pasamoan. (Ibr 10:24, 25) Lamun urang persiapan, datang ka pasamoan, sarta méré koméntar, urang bakal ngarasakeun bantuan kawasa suci Yéhuwa.—Why 2:29.
Palayanan. Lamun urang tetep sibuk dina palayanan, pikiran urang bakal leuwih positif. Sosobatan urang jeung dulur-dulur saiman sarta Yéhuwa bakal beuki raket.—1Bab 3:5-10.
TONGTON VIDÉO YÉHUWA BAKAL NARIK ANJEUN, TULUY BAHAS:
Kumaha Malu bisa tetep raket jeung Yéhuwa waktu nyanghareupan kasusah?
Siga Malu, kumaha kekecapan di Jabur 34:18 bisa nguatkeun urang waktu ngalaman kasusah?
Kumaha pangalaman Malu ngabuktikeun yén Yéhuwa bakal méré ”kasanggupan nu hébat” waktu urang ngalaman kasusah?—2Kor 4:7.