Zaburi

84 Jinsi ilivyo nzuri maskani yako kuu,+

Ee Yehova wa majeshi!+

 2 Nafsi yangu imetamani sana na pia imedhoofika kwa kutamani nyua za Yehova.+

Moyo wangu mwenyewe na mwili wangu wenyewe humpigia Mungu aliye hai vigelegele kwa shangwe.+

 3 Hata ndege amepata nyumba,

Na mbayuwayu amepata kiota chake,

Ambapo ameweka vifaranga vyake—

Madhabahu yako kuu, Ee Yehova wa majeshi, Mfalme wangu na Mungu wangu!

 4 Wenye furaha ni wale wanaokaa katika nyumba yako!+

Bado wanaendelea kukusifu.+ Sela.

 5 Wanadamu wenye furaha ni wale ambao nguvu zao ziko kwako,+

Ambao njia kuu zimo moyoni mwao.+

 6 Wakipita katika nchi tambarare ya chini ya mibaka,+

Wanaigeuza kuwa bubujiko;

Naam, mfundishaji+ anajivika baraka.

 7 Wataendelea kutembea kutoka nguvu hata nguvu;+

Kila mmoja huonekana mbele za Mungu katika Sayuni.+

 8 Ee Yehova Mungu wa majeshi, usikie sala yangu;+

Utege sikio, Ee Mungu wa Yakobo.+ Sela.

 9 Ee ngao yetu, ona, Ee Mungu,+

Na uutazame uso wa mtiwa-mafuta wako.+

10 Kwa maana siku moja katika nyua zako ni bora kuliko siku elfu moja kwingineko.+

Nimechagua kusimama mlangoni pa nyumba ya Mungu wangu+

Badala ya kuzunguka katika mahema ya uovu.+

11 Kwa maana Yehova Mungu ni jua+ na ngao;+

Yeye hutoa kibali na utukufu.+

Yehova mwenyewe hatawanyima jambo lolote jema wale wanaotembea bila kosa.+