33 Hivyo ndivyo alivyotengeneza miimo ya mlango wa hekalu* iliyokuwa ya mbao za msonobari, zilikuwa sehemu ya nne.* 34 Naye alitengeneza milango miwili kwa mbao za mberoshi. Mlango mmoja ulikuwa na bawaba mbili ambazo zilizunguka kwenye maegemeo, na mlango mwingine ulikuwa na bawaba mbili ambazo zilizunguka kwenye maegemeo.+ 35 Alichonga makerubi, mitende, na maua yaliyochanua, na kufunika michongo hiyo kwa bamba jembamba la dhahabu.