Zaburi

Kwa kiongozi. Wa Daudi.

14 Mpumbavu* husema moyoni mwake:

“Hakuna Yehova.”+

Matendo yao yamepotoka, na shughuli zao zinachukiza;

Hakuna yeyote anayetenda mema.+

2 Lakini Yehova anawatazama wanadamu kutoka mbinguni

Ili aone ikiwa kuna yeyote aliye na ufahamu, ikiwa kuna yeyote anayemtafuta Yehova.+

3 Wote wamegeuka kando;+

Wote wamepotoka.

Hakuna yeyote anayetenda mema,

Hakuna hata mmoja.

4 Je, hakuna mtenda maovu yeyote anayeelewa?

Wanawala watu wangu kana kwamba wanakula mkate.

Hawamwiti Yehova.

5 Lakini watajawa na hofu kubwa,+

Kwa maana Yehova yuko pamoja na kizazi cha waadilifu.

6 Ninyi waovu hujaribu kuharibu mipango ya mtu wa hali ya chini,

Lakini Yehova ni kimbilio lake.+

7 Laiti wokovu wa Israeli ungetoka Sayuni!+

Yehova anapowakusanya tena watu wake waliotekwa,

Yakobo na ashangilie, Israeli na afurahi.