Wimbo wa Safari za Kupanda.
132 Ee Yehova, mkumbuke Daudi
Na mateso yake yote;+
2 Jinsi alivyomwapia Yehova,
Jinsi alivyomwekea nadhiri hii Mwenye Nguvu wa Yakobo:+
3 “Sitaingia katika hema langu, nyumbani mwangu.+
Sitalala kwenye kochi langu, kitandani mwangu;
4 Sitayaruhusu macho yangu yalale usingizi,
Wala kope zangu kusinzia
5 Mpaka nitakapopata mahali kwa ajili ya Yehova,
Makao bora kwa ajili ya Mwenye Nguvu wa Yakobo.”+
6 Tazama! Tulisikia habari hizo huko Efratha;+
Tulizipata katika mashamba yaliyo msituni.+
7 Na tuingie katika makao yake;+
Na tuiname chini kwenye kiti cha miguu yake.+
8 Inuka, Ee Yehova, uje mahali pako pa kupumzikia,+
Wewe na Sanduku la nguvu zako.+
9 Makuhani wako na wavae uadilifu,
Washikamanifu wako na wapaze sauti kwa shangwe.
10 Kwa ajili ya Daudi mtumishi wako,
Usimkatae mtiwa-mafuta wako.+
11 Yehova amemwapia Daudi;
Kwa hakika hatakosa kutimiza neno lake:
“Mmoja wa wazao wako,
Nitamfanya aketi kwenye kiti chako cha ufalme.+
12 Wana wako wakilishika agano langu
Na vikumbusho vyangu ninavyowafundisha,+
Wana wao pia
Wataketi kwenye kiti chako cha ufalme milele.”+
13 Kwa maana Yehova amelichagua Sayuni;+
Amelitamani liwe makao yake:+
14 “Hapa ndipo mahali pangu pa kupumzikia milele;
Nitakaa hapa,+ kwa maana nimepatamani.
15 Nitapabariki sana kwa vyakula;
Nitawashibisha maskini wake kwa mikate.+
16 Makuhani wake nitawavisha wokovu,+
Na washikamanifu wake watapaza sauti kwa shangwe.+
17 Huko nitazifanya nguvu za Daudi zikue.
Nimemtayarishia taa mtiwa-mafuta wangu.+
18 Nitawavisha aibu maadui wake,
Lakini taji lililo kwenye kichwa chake litasitawi.”+