Hosea

6 “Njooni, tumrudie Yehova,

Kwa maana ameturarua vipandevipande,+ lakini atatuponya.

Siku ya tatu atatuinua,

Nasi tutaishi mbele zake.

Kuja kwake ni hakika kama mapambazuko;

Atakuja kwetu kama mvua kubwa,

Kama mvua ya masika inayolowesha dunia.”

Niwafanyie nini, enyi watu wa Yuda,

Kwa maana upendo wenu mshikamanifu ni kama ukungu wa asubuhi,

Kama umande unaotoweka haraka.

 5 Ndiyo sababu nitawakatakata kabisa kwa kutumia manabii;+

Nitawaua kwa maneno ya kinywa changu.+

 6 Kwa maana ninapendezwa na upendo mshikamanifu,* si dhabihu,

Na kumjua Mungu, badala ya dhabihu nzima za kuteketezwa.+

 8 Gileadi ni mji wa watenda maovu,+

Umefunikwa kwa nyayo za damu.+

Wanawaua watu barabarani kule Shekemu,+

Kwa maana mwenendo wao ni wa aibu.

Huko Waefraimu hufanya ukahaba;+

Waisraeli wamejichafua wenyewe.+

11 Zaidi ya hayo, enyi watu wa Yuda, wakati wa mavuno umetengwa kwa ajili yenu,

Nitakapowakusanya watu wangu waliotekwa.”+