Zaburi

78 Sikilizeni sheria* yangu, enyi watu wangu;

Tegeni sikio lenu kwa maneno ya kinywa changu.

 3 Mambo ambayo tumesikia na tunayojua,

Ambayo baba zetu wametusimulia,+

 4 Hatutawaficha wana wao;

Tutakisimulia kizazi kijacho mambo hayo+

Matendo ya Yehova yanayostahili sifa na nguvu zake,+

Mambo yanayostaajabisha aliyotenda.+

 5 Alianzisha kikumbusho katika Yakobo

Na kuweka sheria katika Israeli;

Aliwaamuru mababu zetu

Wawajulishe watoto wao mambo hayo,+

 6 Ili kizazi kijacho,

Watoto ambao hawajazaliwa, wayajue.+

Hawatasahau kazi za Mungu+

Lakini watashika amri zake.+

 8 Kisha hawatakuwa kama mababu zao,

Kizazi chenye ukaidi na uasi,+

Kizazi kilichokuwa na moyo unaoyumbayumba*+

Na ambacho hakikuwa na roho ya uaminifu kwa Mungu.

 9 Waefraimu walijihami kwa upinde,

Lakini walikimbia siku ya vita.

10 Hawakushika agano la Mungu+

Nao walikataa kutembea katika sheria yake.+

11 Walisahau pia mambo aliyotenda,+

Kazi zake zinazostaajabisha alizowaonyesha.+

12 Alifanya maajabu mbele ya mababu zao,+

Katika nchi ya Misri, eneo la Soani.+

13 Aliipasua bahari ili kuwaruhusu wavuke,

Naye akayafanya maji yasimame juu kama bwawa.*+

14 Aliwaongoza kwa wingu wakati wa mchana

Na usiku kucha kwa mwangaza wa moto.+

15 Aliipasua miamba nyikani,

Akawanywesha maji ya kutosha kana kwamba yanatoka vilindini.+

16 Alivitoa vijito kutoka kwenye jabali

Na kufanya maji yatiririke chini kama mito.+

17 Lakini waliendelea kumtendea dhambi

Kwa kumwasi jangwani yule Aliye Juu Zaidi;+

18 Walimjaribu* Mungu moyoni mwao+

Walidai wapewe chakula walichotamani.*

19 Kwa hiyo wakalalamika kumhusu Mungu,

Wakisema: “Je, Mungu anaweza kuandaa meza nyikani?”+

20 Tazama! Aliupiga mwamba

Hivi kwamba maji yakatiririka na vijito vikafurika.+

“Je, anaweza pia kutupatia mkate,

Au je, anaweza kuwapa watu wake nyama?”+

21 Yehova alipowasikia, alikasirika sana;+

Moto+ ukawaka dhidi ya Yakobo,

Na hasira yake ikawaka dhidi ya Israeli+

22 Kwa sababu hawakudhihirisha imani katika Mungu;+

Hawakuutumaini uwezo wake wa kuwaokoa.

23 Basi akaliamuru anga lililo juu lenye mawingu,

Naye akaifungua milango ya mbingu.

24 Akaendelea kuwanyeshea mana ili wale;

Akawapa nafaka ya mbinguni.+

25 Wanadamu wakala mkate wa wenye nguvu;*+

Aliwapa mkate wa kutosha wa kuwashibisha.+

26 Aliuvumisha upepo wa mashariki mbinguni

Na kwa nguvu zake akaufanya upepo wa kusini uvume.+

27 Naye akawanyeshea nyama kama mavumbi,

Ndege kama mchanga kwenye ufuo wa bahari.

28 Aliwaangusha katikati ya kambi yake,

Pande zote kuzunguka mahema yake.

29 Nao wakala na kujilazimisha kula zaidi;

Aliwapa walichotamani.+

30 Lakini kabla hawajatosheleza kikamili tamaa yao,

Chakula kilipokuwa kingali kinywani mwao,

31 Ghadhabu ya Mungu ikawaka dhidi yao.+

Akawaua wanaume wenye nguvu zaidi;+

Aliwaangamiza wanaume vijana wa Israeli.

32 Licha ya hayo walizidi kutenda dhambi+

Nao hawakudhihirisha imani katika kazi zake zinazostaajabisha.+

33 Basi akazikatisha siku zao kana kwamba ni pumzi tu,+

Na miaka yao kwa matukio ya ghafla yenye kutisha.

34 Lakini kila mara alipowaua baadhi yao, waliosalia walimtafuta;+

Walirudi na kumtafuta Mungu,

35 Wakikumbuka kwamba Mungu alikuwa Mwamba wao+

Na kwamba Mungu Aliye Juu Zaidi alikuwa Mkombozi* wao.+

36 Lakini walijaribu kumdanganya kwa kinywa chao

Na kumwambia uwongo kwa ulimi wao.

37 Moyo wao haukuwa imara kumwelekea;+

Nao hawakuwa waaminifu kwa agano lake.+

38 Lakini alikuwa mwenye rehema;+

Alikuwa akiwasamehe* kosa lao, naye hakuwaangamiza.+

Mara nyingi aliizuia hasira yake+

Badala ya kuichochea ghadhabu yake yote.

39 Kwa maana alikumbuka kwamba walikuwa nyama tu,+

Upepo upitao ambao haurudi.*

40 Jinsi walivyomwasi mara nyingi nyikani+

Na kumtia uchungu jangwani!+

41 Walimjaribu Mungu tena na tena,+

Nao wakamhuzunisha* Mtakatifu wa Israeli.

42 Hawakuzikumbuka nguvu zake,*

Siku ambayo aliwaokoa* kutoka kwa adui,+

43 Jinsi alivyoonyesha ishara zake kule Misri+

Na miujiza yake katika eneo la Soani,

44 Na jinsi alivyobadili mifereji ya Nile kuwa damu+

Hivi kwamba hawangeweza kunywa maji kutoka katika vijito vyake.

45 Alituma makundi ya nzi ili yawale+

Na vyura ili kuwaangamiza.+

46 Mazao yao aliwapa parare wanaokula sana,

Matunda ya kazi yao ngumu akayapa makundi ya nzige.+

47 Aliharibu mizabibu yao kwa mvua ya mawe+

Na mikuyu yao kwa mawe ya mvua.

48 Aliwaua kwa mvua ya mawe wanyama wao wa kubeba mizigo+

Na mifugo yao kwa umeme wa radi.*

49 Aliwamwagia hasira yake inayowaka,

Hasira kali na ghadhabu na taabu,

Makundi ya malaika yanayoleta msiba.

Hakuwalinda wasife;*

Naye aliwaua kwa ugonjwa hatari.

51 Mwishowe aliwaangamiza wazaliwa wote wa kwanza wa Misri,+

Mwanzo wa nguvu zao za uzazi katika mahema ya Hamu.

52 Kisha akawatoa nje watu wake kama kundi la kondoo+

Na kuwaongoza nyikani kama kundi la mifugo.

53 Aliwaongoza kwa usalama,

Nao hawakuogopa;+

Bahari iliwafunika maadui wao.+

54 Naye akawaleta katika eneo lake takatifu,+

Eneo hili lenye milima ambalo mkono wake wa kuume ulilitwaa.+

55 Aliyafukuza mataifa kutoka mbele yao;+

Akawagawia urithi kwa kamba ya kupimia;+

Aliyafanya makabila ya Israeli yakae katika makao yao.+

56 Lakini waliendelea kumjaribu* Mungu Aliye Juu Zaidi, na kumwasi;+

Hawakusikiliza vikumbusho vyake.+

58 Waliendelea kumkasirisha kwa mahali pao pa juu,+

Nao wakachochea hasira yake kali* kwa sanamu zao za kuchongwa.+

59 Mungu alisikia na kuwaka hasira,+

Kwa hiyo akaikataa kabisa Israeli.

60 Mwishowe akaliacha hema la ibada lililo Shilo,+

Hema alimokaa miongoni mwa wanadamu.+

61 Aliacha ishara ya nguvu zake ipelekwe utekwani;

Fahari yake itiwe mikononi mwa adui.+

62 Aliwatoa watu wake wauawe kwa upanga+

Naye akaukasirikia vikali urithi wake.

63 Moto uliwateketeza kabisa vijana wake wa kiume,

Na mabikira wake hawakuimbiwa nyimbo za harusi.*

64 Makuhani wake waliuawa kwa upanga,+

Na wajane wao hawakulia.+

65 Kisha Yehova akaamka kana kwamba anatoka usingizini,+

Kama mwanamume hodari+ aamkavyo baada ya divai kumtoka.

66 Naye akawakimbiza maadui wake;+

Akawatia aibu ya kudumu.

67 Alilikataa hema la Yosefu;

Hakulichagua kabila la Efraimu.

68 Lakini alichagua kabila la Yuda,+

Mlima Sayuni, anaoupenda.+

69 Alipafanya mahali pake patakatifu pawe mahali pa kudumu kama mbingu,*+

Kama dunia ambayo ameiimarisha milele.+

70 Alimchagua Daudi+ mtumishi wake

Na kumtoa katika mazizi ya kondoo,+

71 Alimwondoa katika kazi ya kuchunga kondoo wanaonyonyesha;

Akamfanya kuwa mchungaji wa Yakobo, watu wake,+

Na wa Israeli, urithi wake.+

72 Aliwachunga kwa utimilifu wa moyo,+

Na kwa mikono stadi aliwaongoza.+