Zaburi

Kwa kiongozi. Maskili.* Wa Daudi, Doegi Mwedomu alipokuja na kumwambia Sauli kwamba Daudi alikuwa ameenda kwenye nyumba ya Ahimeleki.+

52 Kwa nini unajigamba kuhusu matendo yako maovu, ewe mwenye nguvu?+

Upendo mshikamanifu wa Mungu unadumu mchana kutwa.+

2 Ulimi wako, wenye makali kama wembe,+

Hupanga madhara na kutunga mambo ya udanganyifu.+

3 Unapenda uovu kuliko mema,

Kusema uwongo kuliko kusema ukweli. (Sela)

4 Unapenda kila neno linalodhuru,

Ewe ulimi mdanganyifu!

5 Ndiyo sababu Mungu atakubomoa milele na milele;+

Atakunyakua na kukurarua kutoka katika hema lako;+

Atakung’oa kutoka katika nchi ya walio hai.+ (Sela)

6 Waadilifu wataona jambo hilo na kujawa na woga,+

Nao watamcheka.+

7 “Huyu ndiye mwanamume ambaye hakumfanya Mungu kuwa kimbilio lake,*+

Lakini aliutumaini utajiri wake mwingi+

Na kutegemea* njama zake mwenyewe za uovu.”*

8 Lakini mimi nitakuwa kama mzeituni wenye majani mengi katika nyumba ya Mungu;

Ninautumaini upendo mshikamanifu wa Mungu,+ milele na milele.

9 Nitakusifu milele kwa sababu umechukua hatua;+

Mbele ya washikamanifu wako,

Nitalitumaini jina lako,+ kwa maana ni jema.