Yeremia
20 Sasa Pashuri mwana wa Imeri, kuhani, ambaye pia alikuwa msimamizi mkuu katika nyumba ya Yehova, alikuwa akisikiliza Yeremia alipokuwa akitabiri mambo hayo. 2 Kisha Pashuri akampiga nabii Yeremia na kumweka katika mikatale+ iliyokuwa kwenye Lango la Juu la Benjamini, lililokuwa katika nyumba ya Yehova. 3 Lakini siku iliyofuata Pashuri alipomtoa Yeremia katika ile mikatale, Yeremia akamwambia:
“Yehova hatakuita tena Pashuri, bali Hofu Kila Upande.+ 4 Kwa maana Yehova anasema hivi: ‘Nitakufanya uwe kitu cha kutia hofu kwako mwenyewe na kwa marafiki wako wote, nao watauawa kwa upanga wa maadui wao huku macho yako yakitazama;+ nami nitawatia watu wote wa Yuda mikononi mwa mfalme wa Babiloni, naye atawapeleka uhamishoni kule Babiloni na kuwaua kwa upanga.+ 5 Nami nitatia mikononi mwa maadui wao utajiri wote wa jiji hili, mali zake zote, vitu vyake vyote vyenye thamani, na hazina zote za wafalme wa Yuda.+ Nao watapora vitu hivyo na kuvichukua na kuvipeleka Babiloni.+ 6 Lakini wewe, Pashuri, na wote wanaoishi katika nyumba yako, mtapelekwa utekwani. Utapelekwa Babiloni na kufia huko, nawe utazikwa huko pamoja na marafiki wako wote, kwa sababu umewatabiria uwongo.’”+
7 Umenipumbaza, Ee Yehova, nami nikapumbazika.
Ulizitumia nguvu zako kunipinga, nawe ukashinda.+
Nimekuwa kitu cha kuchekwa mchana kutwa;
Kila mtu ananidhihaki.+
8 Kwa maana kila mara ninapozungumza, lazima nipaze sauti na kutangaza,
“Ukatili na uharibifu!”
Kwa maana neno la Yehova limesababisha nitukanwe na kudhihakiwa siku nzima.+
Lakini moyoni mwangu neno hilo lilikuwa kama moto unaowaka uliofungiwa mifupani mwangu,
Nami nikachoka kulizuia ndani yangu;
Singeweza tena kuvumilia.+
“Mshutumuni; na tumshtumu!”
Kila mtu aliyenitakia amani alisubiri nianguke:+
“Labda atafanya kosa la kipumbavu,
Nasi tutamshinda na kujilipizia kisasi dhidi yake.”
11 Lakini Yehova alikuwa pamoja nami kama shujaa anayetisha.+
Ndiyo sababu wale wanaonitesa watajikwaa nao hawatashinda.+
Wataaibishwa sana, kwa maana hawatafanikiwa.
Fedheha yao ya milele haitasahauliwa.+
12 Lakini wewe, Ee Yehova wa majeshi, unamchunguza mwadilifu;
13 Mwimbieni Yehova! Msifuni Yehova!
Kwa maana amemwokoa maskini* kutoka mikononi mwa watenda maovu.
14 Ilaaniwe siku niliyozaliwa!
Isibarikiwe siku ambayo mama yangu alinizaa!+
15 Alaaniwe mtu aliyemletea baba yangu habari njema, akisema:
“Umepata mwana, mvulana!”
Na kumfanya ashangilie sana.
16 Mtu huyo na awe kama majiji ambayo Yehova aliyaangamiza bila kughairi.
Na asikie kilio asubuhi na sauti ya king’ora adhuhuri.