114 Israeli alipotoka Misri,+
Nyumba ya Yakobo ilipotoka kati ya watu waliozungumza lugha ya kigeni,
2 Yuda ikawa mahali pake patakatifu,
Israeli, miliki yake.+
3 Bahari iliona hilo na kukimbia;+
Mto Yordani ukarudi nyuma.+
4 Milima ilirukaruka kama kondoo dume,+
Vilima, kama wanakondoo.
5 Ee bahari, ni nini kilichofanya ukimbie?+
Ee Yordani, kwa nini ulirudi nyuma?+
6 Enyi milima, kwa nini mlirukaruka kama kondoo dume,
Kama wanakondoo, enyi vilima?
7 Tetemeka, Ee dunia, kwa sababu ya Bwana,
Kwa sababu ya Mungu wa Yakobo,+
8 Anayeubadili mwamba kuwa dimbwi la maji lenye matete,
Mwamba mgumu kuwa chemchemi za maji.+