Zaburi

140 Niokoe, Ee Yehova, kutoka kwa watu waovu;

Nilinde kutoka kwa watu wakatili,+

 2 Wale wanaopanga njama za uovu mioyoni mwao+

Na kuchochea vita mchana kutwa.

 3 Wanaunoa ulimi wao kama wa nyoka;+

Sumu ya nyoka vipiri iko nyuma ya midomo yao.+ (Sela)

 4 Nilinde, Ee Yehova, kutoka mikononi mwa waovu;+

Nilinde kutoka kwa watu wakatili,

Wale wanaopanga njama ya kunitega miguu.

 5 Wenye kiburi huuficha mtego ili uninase;

Kwa kamba wanautandaza wavu kando ya njia.+

 7 Ee Yehova Bwana Mwenye Enzi Kuu, Mwokozi wangu mwenye nguvu,

Wewe hukinga kichwa changu katika siku ya vita.+

 9 Vichwa vya wale wanaonizingira

Na vifunikwe na uovu unaosemwa na midomo yao.+

Na watupwe motoni,

Ndani ya mashimo yenye kina,*+ wasiinuke tena kamwe.

12 Ninajua kwamba Yehova atawatetea watu wa hali ya chini

Na kuwatendea haki maskini.+

13 Hakika waadilifu watalishukuru jina lako;

Wanyoofu watakaa mbele za uso wako.*+