Zaburi

79 Ee Mungu, mataifa yamevamia urithi wako;+

Yamelichafua hekalu lako takatifu;+

Yamebadili Yerusalemu kuwa rundo la magofu.+

 2 Wamewapa ndege wa angani maiti za watumishi wako kuwa chakula chao

Na miili ya washikamanifu wako wamewapa wanyama wa mwituni wa dunia.+

 3 Wamemwaga damu yao kama maji kotekote Yerusalemu,

Na hakuna aliyebaki wa kuwazika.+

 4 Tumekuwa kitu cha kushutumiwa na majirani wetu;+

Wale wanaotuzunguka wanatudhihaki na kutufanyia mzaha.

 6 Yamwagie ghadhabu yako mataifa ambayo hayakujui

Na falme ambazo haziliitii jina lako.+

 7 Kwa maana wamemnyafua Yakobo

Nao wameifanya nchi yake ukiwa.+

Tuonyeshe haraka rehema yako,+

Kwa maana tumeshushwa chini sana.

 9 Tusaidie, Ee Mungu wa wokovu wetu,+

Kwa ajili ya jina lako tukufu;

Tuokoe na kutusamehe* dhambi zetu kwa ajili ya jina lako.+

Na ijulikane miongoni mwa mataifa mbele ya macho yetu

Kwamba damu iliyomwagwa ya watumishi wako imelipiziwa kisasi.+

12 Walipize majirani wetu mara saba+

Kwa sababu ya shutuma walizotoa dhidi yako, Ee Yehova.+

13 Kisha sisi, watu wako na kondoo wa malisho yako,+

Tutakushukuru milele;

Nasi tutatangaza sifa yako kizazi mpaka kizazi.+