Mkusanyiko wa “Wasifaji Wenye Shangwe”—Je, Wewe Utakuwapo?

SHANGWE! Je, neno hilo laonekana kama si la kawaida, au la kigeni, katika wakati huu uliojaa matatizo? Hakika magazeti hayatoi sababu nyingi za kuwa na shangwe. Vita vya wenyewe kwa wenyewe, njaa yenye kuenea, ukosefu wa kazi, uchafuzi ulio hatari, misukosuko ya kisiasa, uhalifu—hayo si mambo ya kujaza moyo shangwe, ama sivyo?

Watu wengi leo hunyakua raha yoyote ile wawezayo kupata maishani. Lakini shangwe? Shangwe imefafanuliwa kuwa “hali ya furaha; ya kuchachawa.” Si watu wengi wamepata kuhisi shangwe halisi, na wanapoipata, mara nyingi huwa ya muda mfupi tu.

Lakini, ikitazamia mbele kwa siku yetu, Biblia ilitabiri hivi: ‘Bwana MUNGU asema hivi, Tazama, watumishi wangu watafurahi, bali ninyi mtatahayarika; tazama, watumishi wangu wataimba kwa furaha ya moyo.’ (Isaya 65:13, 14) Hilo lawezekanaje?

Ili kupata jibu, twakualika kuhudhuria mmojapo mikusanyiko ya Mashahidi wa Yehova itakayofanywa katika 1995. Kichwa cha mkusanyiko ni “Wasifaji Wenye Shangwe,” hakuna malipo kwa hudhurio. Programu ya mkusanyiko huo wa siku tatu itakuwa na hotuba, maonyesho, mazungumzo yenye kutegemea Biblia, na mengine zaidi. Kotekote katika programu, kichwa cha shangwe kitakaziwa.

Mikusanyiko itaanza Afrika Mashariki na Rwanda katika juma la kwanza la Novemba hadi Januari 1996. Yaelekea kwamba kuna mmoja utakaokuwa karibu nawe. Mbona usiwaulize Mashahidi wa Yehova waishio katika eneo lenu? Twakukaribisha kwa uchangamfu uwepo.