Matangazo

◼ Septemba: Kitabu Je, Kuna Muumba Anayekujali?, Ujuzi Uongozao Kwenye Uhai Udumuo Milele, broshua yenye kurasa 32 Endeleeni Kukesha!, au vitabu vingine vya zamani ambavyo viko kutanikoni vinaweza kutolewa. Oktoba: Magazeti ya Mnara wa Mlinzi na Amkeni! yatatolewa mwezi wote. Tafadhali wape watu wanaopendezwa broshua Anataka, na uwarudie ukiwa na lengo la kuanzisha mafunzo ya Biblia. Novemba: Toa kitabu Jifunze Kutoka kwa Mwalimu Mkuu. Mwenye-nyumba akisema kwamba hana watoto, mtolee kitabu Ujuzi au trakti Je, Ungependa Kujua Mengi Zaidi Kuhusu Biblia? Desemba: Tutatoa kitabu Yule Mtu Mkuu Zaidi Aliyepata Kuishi. Unaweza kutoa vitabu vingine kama vile kitabu Biblia—Neno la Mungu au la Binadamu?, Kitabu Changu cha Hadithi za Biblia, au Unaweza Kuishi Milele Katika Paradiso Duniani iwapo vinapatikana kutanikoni.

◼ Ofisi ya tawi haishughulikii maagizo ya vichapo ya mhubiri mmoja-mmoja. Mwangalizi-msimamizi anapaswa kupanga ili tangazo litolewe kila mwezi kabla ya agizo la kutaniko kutumwa kwenye ofisi ya tawi ili wote ambao wanataka kuagiza kichapo fulani waweze kumjulisha ndugu anayeshughulikia vichapo. Tafadhali shughulikieni ifaavyo bidhaa za ombi la pekee.

◼ Wazee wanakumbushwa watekeleze maagizo yaliyo kwenye ukurasa wa 21-23 wa Mnara wa Mlinzi, la Aprili 15, 1991, kuwahusu watu waliotengwa au waliojitenga na ushirika ambao huenda wakataka kurudishwa.

◼ Hotuba ya pekee ya majira ya Ukumbusho ya mwaka wa 2006 itatolewa Jumapili, Aprili 30. Kichwa cha hotuba hiyo kitatangazwa baadaye. Katika makutaniko ambayo yatakuwa na ziara ya mwangalizi wa mzunguko au kusanyiko mwishoni mwa juma hilo, hotuba ya pekee itatolewa juma litakalofuata. Hotuba hiyo haipaswi kutolewa katika kutaniko lolote kabla ya Jumapili, Aprili 30, 2006.

◼ Kwa kuwa Oktoba una miisho-juma mitano, huo ni mwezi mzuri sana wa kufanya upainia msaidizi.

◼ Makutaniko yanapaswa kuanza kuomba mabuku ya Mnara wa Mlinzi na Amkeni! ya 2005 na CD-ROM Watchtower Library—2005 Edition katika agizo la vichapo litakalofuata. Makutaniko yatapokea orodha ya lugha ambazo vichapo hivyo vinapatikana kupitia “Barua kwa Makutaniko Yote.” Kumbukeni kwamba Watchtower Library—2005 Edition imetolewa kwa ajili ya ndugu na dada waliobatizwa na inaweza kuombwa tu kupitia kutaniko.

◼ Darasa la 16 la Shule ya Mazoezi ya Kihuduma nchini Kenya, lilihitimu Mei 29, 2005. Ilitia moyo sana kuwasikia baadhi ya wanafunzi wa darasa hilo kutoka Ethiopia, Kenya, Sudan, Tanzania, na Uganda wakieleza jinsi walivyothamini shule hiyo. Ndugu waseja wenye umri kati ya miaka 23 na 50 ambao wangetaka kuhudhuria shule hiyo wanaweza kupata habari zaidi kuihusu kwenye mkutano ambao huongozwa na mwangalizi wa wilaya kwenye kusanyiko la mzunguko. Ndugu hao wanapaswa kuwa wametumikia kwa angalau miaka miwili wakiwa watumishi wa huduma au wawe wanatumikia sasa wakiwa wazee. Nchini Kenya, Shule ya Mazoezi ya Kihuduma huongozwa katika Kiingereza. Wale wanaoomba kuhudhuria shule hiyo wanapaswa kujua Kiingereza vya kutosha ili wanufaike.

◼ Katika mwaka wa utumishi wa 2006, wahubiri wote wanaotumika wakiwa mapainia wasaidizi katika mwezi ambao mwangalizi wa mzunguko anatembelea kutaniko lao, wanaweza kuhudhuria sehemu ya kwanza ya mkutano wamapainia unaofanywa na mwangalizi wa mzunguko katika juma la ziara. Wote wanaoweza kuhudhuria mkutano huo wanatiwa moyo kufanya hivyo ili wanufaike na mpango huo wa pekee.