Kampeni ya Kuwaalika Watu Kwenye Ukumbusho Itaanza Machi 1
1. Tutaanza lini kuwaalika watu wahudhurie Ukumbusho, na kwa nini kampeni hiyo itachukua muda mrefu zaidi mwaka huu?
1 Ijumaa, tarehe 1 mwezi wa Machi, tutaanza kampeni yetu ya kila mwaka ya kuwaalika wengine wajiunge nasi kuhudhuria Ukumbusho. Ukumbusho utakuwa tarehe 26 mwezi wa Machi, ikimaanisha kwamba kampeni hiyo itachukua muda mrefu zaidi kuliko miaka iliyopita. Jambo hilo litawapa watu wengi zaidi fursa ya kupokea mwaliko, hasa ikiwa wanaishi mahali ambapo kutaniko lina eneo kubwa.
2. Kuna mipango gani ya kupokea mialiko na kuigawanya katika eneo lote?
2 Kujitayarisha Kugawanya Mialiko: Wazee watatoa mwongozo wa jinsi eneo litakavyohubiriwa, kutia ndani ikiwa mialiko inapaswa kuachwa katika nyumba ambazo hatuwapati watu. Ikiwa mialiko itabaki baada ya kumaliza mahubiri ya nyumba kwa nyumba, inaweza kugawanywa katika mahubiri ya hadharani. Mwangalizi wa utumishi atahakikisha kwamba mialiko ya kutosha iliyoandikwa imewekwa juu ya dawati la machapisho au magazeti ili wahubiri waichukue, lakini mialiko yote haitatolewa kwa wakati mmoja. Tunapaswa kuchukua kiasi tutakachohitaji tu, kila juma.
3. Tunapaswa kukumbuka nini tunapotoa mialiko?
3 Tutasema Nini? Ni vizuri zaidi kuzungumza kwa ufupi, kwa sababu kufanya hivyo kutatusaidia kuwafikia watu wengi zaidi iwezekanavyo. Katika ukurasa wa 4 kuna pendekezo ambalo tunaweza kubadili ili lifaane na eneo letu. Bila shaka, hatuhitaji kuondoka haraka ikiwa mwenye nyumba ni mwenye urafiki au ana maswali. Tunapogawanya mialiko katika miisho juma, tunapaswa pia kutoa magazeti iwapo itafaa. Tarehe 2 mwezi wa Machi, tutakazia kugawanya mialiko badala ya kuanzisha mafunzo ya Biblia.
4. Kwa nini tunapaswa kushiriki kwa bidii katika kampeni ya kuwaalika watu kwenye Ukumbusho?
4 Tunatumaini kwamba watu wengi watajiunga nasi kuhudhuria Ukumbusho. Hotuba ya Ukumbusho itafafanua kwa kweli Yesu ni nani. (1 Kor. 11:26) Itaeleza jinsi kifo chake kinavyotusaidia. (Rom. 6:23) Pia, itakazia kwa nini ni muhimu tumkumbuke Yesu. (Yoh. 17:3) Na tushiriki kwa bidii katika kampeni hii!