Sura ya 15

“Tokeni Kati Yao”

 1. Ikiwa tunapenda kweli na haki, lazima, pia tuchukie na kuepuka nini?

YEHOVA MUNGU huwatazamia wote wampendao na kumtumikia kujitenga na ibada ya uongo. Kwa habari ya Mwana wa Mungu, Biblia kusema: “Umependa haki, umechukia maasi.” Kwa sababu ya hii Baba yake amembariki kwa njia ya pekee, akimtukuza yeye kama mfalme aliyewekwa wa ufalme wa Mungu. (Waebrania 1:9) Ikiwa wewe unapenda kweli na haki, basi nawe pia utachukia na kuepuka kilicho uongo na kisichompendeza Mungu. Katika njia hii unaweza kupata ulinzi sasa na wakati wa kufikiliza hukumu ya Mungu inayokuja juu ya wale wasiojali mapenzi yake.

 2. Tukiona tofauti baina ya wale wamtumikiao Mungu na wale wasiomtumikia, ni mwendo gani ambao imetupasa kuchukua, na kwa nini?

² Zamani sana Mungu alitabiri kwamba yeye angekuwa na watu ambao wangekuwa ‘hazina yake hasa,’ na kwamba watazamaji bila shaka wangepambanua “kati ya wenye haki na waovu, na kati ya yeye amtumikiaye Mungu na yeye asiyemtumikia.” (Malaki 3:17, 18) Ukiona tofauti hii, basi imekupasa kutenda kwa kupatana. Kushindwa kufanya hivyo kungehatirisha tumaini lako la kupata uzima wa milele. Ni mwendo gani ambao imekupasa uuchukue? Neno la Mungu linasema dhahiri sana: “Msifungiwe nira pamoja na wasioamini, kwa jinsi isivyo sawasawa; kwa maana pana urafiki gani kati ya haki na uasi? Tena pana shirika gani kati ya nuru na giza? . . . Au yeye aaminiye ana sehemu gani pamoja na yeye asiyeamini?” Kwa sababu hapawezi pakawa ushirika unaofaa baina ya wale wanaozoea haki na wale wanao-zoea uasi, Mungu huamuru: “Kwa hiyo, tokeni kati yao, mkatengwe nao.”—2 Wakorintho 6:14-17.

KUTOKA KATIKA “BABELI MKUU”

 3. Ni maneno gani yenye kufanana ambayo Mungu alisema kwa watu wake waliohamishwa katika Babeli wa zamani, na huku kulikuwa ni kuwanyima kitu fulani chema?

³ Kwa wale ambao hapo zamani walikuwa watu wake wateule na ambao walikuwa katika uhamisho katika Babeli wa zamani, Yehova Mungu alisema maneno yanayofanana: “Mimi ni [Yehova], Mungu wako, nikufundishaye iLi upate faida, nikuongozaye kwa njia ikupasayo kuifuata. Laiti ungalisikiliza amri zangu! ndipo amani yako ingalikuwa kama mto wa maji, na haki yako kama mawimbi ya bahari. . . . Jina lake lisingalikatika, wala kufutwa mbele zangu. Haya, tokeni katika Babeli.” (Isaya 48:17-20) Jambo ambalo Yehova alifanya kale lilikuwa kwa faida ya wale wampendao, wasipate kunyimwa cho chote chema. Kwa kushindwa kwa Babeli katika mwaka wa 539 B.C.E. yeye aliwawezesha kuondoka katika Babeli kama watu walio huru.

 4. (a) Ijapokuwa Babeli wa zamani hauko tena, Mungu husema nini juu ya Babeli mwingine? (b) Katika Ufunuo sura ya 17, Babeli huu mkubwa Zaidi unafananishwaje?

⁴ Babeli wa zamani umekoma kuwako. Lakini Mungu husema juu ya Babeli mwingine uitwao “BABELI MKUU.” Na tena yeye hutoa amri: “Tokeni kwake, enyi watu wangu, msishiriki dhambi zake, wala msipokee mapigo yake.” (Ufunuo 18:4) Katika sura iliyotangulia ya Ufunuo, Babeli Mkuu husimuliwa kwa mfano kama mwanamke malaya ambaye hukaa juu au hutawala “jamaa na makutano na mataifa na lugha, na ambaye ana “ufalme juu ya wafalme wa nchi” na ambaye ‘huzini’ na wafalme hawa. —Ufunuo 17:1, 2, 15, 18.

 5. (a) Je! Babeli Mkuu ni milki ya kisiasa? (b) Kwa nini Babeli Mkuu usingeweza kuwa ni milki ya biashara? (c) Katika Biblia, kwa nini milki ya kidini ingefananishwa na mwanamke malaya?

⁵ Hii humaanisha kwamba Babeli Mkuu ni milki. Ni milki ya aina gani? Kwa kuwa “wafalme wa nchi,” watawala wa siasa, husemekana ‘kuzini’ naye, Babeli Mkuu wenyewe siyo milki ya kisiasa. Kitabu cha Ufunuo kinaonyesha kwamba wakati Babeli Mkuu unapoharibiwa “wafanya biashara” wa dunia husimama mbali na kuomboleza; hivyo siyo ya biashara. (Ufunuo 18:15) Basi, je! ungeweza kuwa milki ya kidini? Naam, bila shaka dini imekuwa na uongozi mkuu juu ya falme za kisiasa, na utawala wake huenea kwa watu wa dunia yote. Lakini kwa nini milki hii ya kidini inafananishwa na mwanamke malaya mwenye hatia ya uzinifu? Kwa sababu inachanganya dini na siasa. Kwa habari ya Kristendomu, Biblia huonyesha kwamba wale wajidaio kumtumikia Mungu lakini si waaminifu na huingia katika uhusiano na mamlaka za kisiasa hutazamwa na Mungu kama malaya au wanawake waasherati wa kiroho.—Ezekieli 16:1, 2, 28-30; Yakobo 4:4.

 6. Dini ya uongo ilianzia wapi baada ya Gharika, na jinsi gani mafundisho yake ya dini na desturi yalienea?

⁶ Ilikuwa muda kidogo baada ya gharika ya dunia yote ya siku za Nuhu kwamba dini ya uongo ikaanza katika Babeli, mahali ambapo Nimrodi alijitukuza mwenyewe “katika upinzani na Yehova.” Walakini, Yehova alichafua lugha ya watu na “akawatawanya waende usoni pa nchi yote.” Kadiri walivyokwenda, walichukua nao mafundisho yao ya dini ya Kibabeli na desturi zao. (Mwanzo 10:8-10, NW; 11:4-9) Kupatana na hili, kitabu The Religion of Babylonia and Assyria (kilichotungwa na Mtaalam Morris Jastrow, ukurasa wa 701) kinasema juu ya “mkazo mkubwa uliofanywa juu ya ulimwengu wa zamani na ufunuo wa ajabu wa wazo la kidini katika nchi ya Babeli na kwa utendaji wa kidini uliokuwako katika jimbo lile.”

 7. Mafundisho mengi ya dini na desturi zinazopatikana katika dini leo zilianzia wapi?

⁷ Hivyo, ijapokuwa watu wengi hawajui juu yake, yako mafundisho mengi na desturi zinazopatikana katika dini katika dunia yote leo zilizo na asili moja katika dini ya Kibabeli ya uongo. Ni nini baadhi ya hizi?

 8. (a) Taja baadhi ya mafundisho ya kidini ambayo yalikuwa yenye kutokeza katika Babeli wa zamani. (b) Je! yanafundishwa katika, Neno la Mungu?

⁸ Miongoni mwa mafundisho yenye kutokeza katika Babeli wa zamani yalikuwa ni: ibada ya utatu wa miungu, imani ya kwamba roho ya kibinadamu isingeweza kufa, na fundisho la kwamba watu hupata mateso baada ya kufa katika ulimwengu wa chini au “nchi ya bila kurudi.” Matumizi ya sanamu pia yalifanya sehemu kubwa katika ibada ya Babeli. Kama ilivyokwisha kuonyeshwa katika sura za kwanza za kitabu hiki, hapana moja la mambo haya linalofundishwa katika Neno la Mungu, Biblia. Walakini, je! tunaona mafundisho na desturi zinazofanana na hizo katika matengenezo ya kidini yaliyo karibu nasi leo?

 9. (a) Jambo gani huainisha dini kuwa sehemu ya Babeli Mkuu? (b) Kwa kuwa Mungu ametabiri kwamba ataleta uharibifu wa ghafula juu ya Babeli Mkuu, ni jambo gani la haraka kufanya?

⁹ Pamoja na mafundisho ya dini ya “Utatu,” kutoweza kufa kwa roho ya kibinadamu na moto wa jehanum wa mateso, fundisho lingine lo lote au desturi iliyo kinyume cha Neno la Mungu lililoongozwa na roho ya Mungu huitia alama dini kama ya uongo na kuiainisha kama sehemu ya Babeli Mkuu. Hata ijapokuwa dini inajidai kutetea ibada ya Mungu wa kweli wa Biblia na hutumia jina la Mwanawe, Yesu Kristo, hii ina thamani gani ikiwa inaambukiwa na mafundisho ya dini na desturi za Kibabeli? (Wagalatia 5:7-9; Mathayo 7:22, 23) Mungu ametabiri kwamba kwa ghafula, “katika siku moja,” mapigo ya “mauti, na huzuni, na njaa” yatakuja juu ya Babeli Mkuu. Kwa hiyo ni jambo la haraka na kwa faida yetu kwamba tujitenge wenyewe kabisa sasa na kila sehemu ya milki hiyo ya kidini ya uongo.—Ufunuo 18:8.

10. (a) Ikiwa mtu anaendelea kushirikiana katika njia yo yote na dini ifundishayo mafundisho ya dini ya uongo, je! yeye ‘anatoka kati yao’? (b) Ni habari gani ambayo imempasa mtu alipashe tengenezo la kidini ambalo zamani alishirikiana nalo?

¹⁰ Maana yake nini ‘kutoka kati yao’? Je! inatosha kwa mtu kutambua tu akilini mwake uongo wa mafundisho ya Kibabeli, huku akiendelea kushirikiana na tengenezo la kidini linalofundisha mafundisho ha-yo? Kweli, je! jambo hili lisingekuwa mwendo wa unafiki? Je! lisingetoa msaada uonekanao kwa jambo fulani ambalo Mungu hulilaumu? Mtu huyo angewezaje kweli kujiona mwenyewe mtiifu kwa amri ya Mungu ya kutoka “kati yao, mkatengwe nao, . . . msiguse kitu kilicho kichafu”? (2 Wakorintho 6:17) Ikiwa sisi hatutaki kuwa kama watu wale waliokusanyika penye hekalu la Baali katika wakati wa Yehu na wakapatwa na uharibifu kwa amri ya Mungu, basi lazima tuachane kabisa na matengenezo yote ya Babeli Mkuu. Lazima tuache kushiriki katika matendo yao. (2 Wafalme 10:20-27) Lazima tuwapashe habari kwamba tunaondoka katika matengenezo yao. Kwa kufanya hivi hatutakuwa ‘tukisita-sita katikati ya mawazo mawili,’ tukijaribu ‘kushiriki meza ya Yehova na meza ya mashetani,’ na hivyo ‘kumtia Yehova wivu.’—1 Wafalme 18:21; 1 Wakorintho 10:21, 22.

11. Ni maoni gani ya Biblia juu ya matangamano ya dini?

¹¹ Lakini je! si jambo nzuri kukusanya dini zote pamoja katika tangamano la dini? Je! Yehova Mungu hulionaje jambo hilo? Habari ya Biblia huonyesha kwamba yeye hakuruhusu tangamano la dini na Wakanaani kwa taifa la Israeli. (Kumbukumbu la Torati 7:3, 4) Na Mwana wa Mungu alionaje tangamano la dini? Yeye hakuingia katika matendo ya tangamano na madhehebu mbalimbali ya dini ya Kiyahudi wakati alipokuwa hapa duniani. Kwa kinyume, yeye aliilaumu waziwazi dini ya uongo ya wakati wake, na akasema bila kutia shaka: “Mtu haji kwa Baba, ila kwa njia ya mimi.”—Yohana 14:6; tazama pia Mathayo 23:13, 38.

KUSIMAMA IMARA KWA AJILI YA KWELI HULETA BARAKA

12. (a) Wakati mtu anapoepukana kabisa na ibada ya uongo, huenda likatokea jambo gani kwa habari ya jamaa za mtu? (b) Ni upendo gani ambao jambo hili hutia katika jaribu?

¹² Kuachana kabisa na ibada ya uongo labda kutaleta matatizo. Yesu alionyesha kwamba huenda ja-maa za mtu wakapinga mwendo wa namna hiyo. Lakini, hata ijapokuwa huenda wale wapingao wakawa karibu na kuwa wapenzi kama vile mshiriki wa jamaa ya mtu, Yesu alisema kwamba jambo hili halitafanya tofauti katika uamuzi wetu. (Mathayo 10:32-37) Si shauri la kuwapenda watu wa namna hiyo kidogo zaidi kuliko tulivyowapenda zamani, bali ni shauri la upendo wetu kwa Yehova na kwa Neno lake la kweli ni wenye nguvu kwa kiasi gani.

13. (a) Ni matokeo gani ambayo huenda yakaletwa na kustahimili kwako katika kweli juu ya watu walio karibu nawe? (b) Ni uhakikisho gani ambao Mungu hutoa?

¹³ Kweli, ni kuchukua kusimama imara kwa ajili ya kweli kwamba mtu aweza kweli kutenda kwa faida idumuyo ya jamaa ambao huenda kwanza wakaupinga mwendo mwema wa mtu. Kushindwa na shida huenda kukawatia moyo watu hawa katika kupinga kwao kwa kweli. Kwa upande mwingine, mwenendo wako wa uaminifu katika kushikamana na kweli ya Neno la Mungu na kuishi katika upatano nalo hukuletea wewe baraka na furaha; utakufanya kuwa mtu bora. Hivyo, hatimaye, huenda wale walio karibu nawe wakatambua hekima ya mwendo wako na wakasaidiwa kuona kweli pia. Hili ndilo tumaini ambalo Biblia hututia moyo sisi kulipokea kwa moyo na kulifanyia kazi. (1 Wakorintho 7:12-16; 1 Petro 3:1, 2) Kweli, itataka uvumilivu, imani ya kwamba njia ya Mungu ndiyo iliyo bora zaidi, na, kupita vyote, ni upendo. Lakini kwa upendo Mungu mwenyewe hukuhakikishia wewe kwamba yeye atakusaidia na kukutia nguvu ikiwa unamweka kwanza katika maisha yako.—Warumi 8:38, 39.

14. (a) Je! Mungu hutazamia wazee kujitenga na dini ya uongo na kufuata ibada ya kweli? (b) Jambo hili litafungulia watu wa namna hiyo tumaini gani?

¹⁴ Tena, labda wengine wataona kwamba sasa ni wazee, na kwamba wakati umepita kubadili mwendo wao. Walakini, Yehova Mungu, ambaye mwenyewe huitwa “mzee wa siku,” huwakaribisha wazee pia, kujiunga katika kumsifu yeye. (Danieli 7:9; Zaburi 148:12, 13) Neno lake linaonyesha kwamba uzee hautampa mtu sababu ya kusamehewa ikiwa mtu anashindwa kujitenga na kitu ambacho Mungu hulaumu, bali kwamba “kichwa chenye mvi ni taji ya utukufu, kama kikionekana katika njia ya haki.” (Mithali 16: 31; tazama pia Ezekieli 9:4-6.) Wakati haupiti kamwe katika maisha kusimama kupatana na kile ambacho mtu hujua kuwa ni kweli, hivyo kuthibitisha hatua za mtu katika njia iongozayo kwenye uzima wa milele.—Mithali 10:22.

15. (a) Ni baraka gani twaweza kujifurahisha ikiwa tunatoka miongoni mwa wale ambao hufuata dini ya uongo? (b) Basi, tutakusanyika na nani?

¹⁵ Ikiwa sasa tunachukua tendo la hakika kutoka miongoni mwa wale wenye kufuata dini ya uongo, twaweza kujifurahisha uhusiano wa furaha na wenye baraka na Mungu wetu, Yehova. (2 Wakorintho 6:17, 18) Kwa maana shauri halimaliziki kwa kutoka miongoni mwa wale wafundishao na kuzoea mambo yaliyo kinyume cha Neno la Mungu. Mungu hutoa pia amri kwamba haitupasi ‘kuacha kukusanyika pamoja,’ kama Waebrania 10:24, 25 hutuambia. Basi, tutakusanyika na nani? Na wale ambao humwabudu Mungu katika roho na kweli. Kwa habari ya watu wa namna hiyo Mungu husema: “Nitakaa ndani yao, na kati yao nitatembea, nami nitakuwa Mungu wao, nao watakuwa watu wangu.”—2 Wakorintho 6:16.

16. Kwa kuhudhuria mikutano ya mashahidi wa Yehova, utaona nini kwa habari ya (a) sadaka za fedha? (b) mikutano yenyewe? (c) nia ya watu wahudhuriao?

¹⁶ Wale waliomo katika tengenezo la Kikristo la mashahidi wa Yehova ni watu ambao wamejitenga wenyewe na dini nyingi za upagani na za Kristendomu pia. Hivyo wamekimbia kutoka katika Babeli Mkuu. Kwa kuhudhuria mikutano penye mojawapo wa Majumba yao ya Ufalme, unaweza kujionea mwenyewe tofauti ambayo jambo hili limefanya. Si mahali pa mikutano na jambo la kwamba sadaka za fedha hazitozwi tu, bali zaidi ni mikutano yenyewe na nia ya watu wanaohudhuria ndiyo huonyesha mashahidi wa Yehova kuwa tofauti na dini nyingine. Mikutano hii ni mafunzo halisi ya Biblia, yenye mkazo juu ya jinsi ya kutumia kanuni za Biblia katika maisha zetu za kila siku na pia juu ya jinsi ya kufundisha Neno la Mungu kwa wengine. Kule ndiko utawaona watu ambao kwa unyofu wa moyo ‘hutafuta kwanza ufalme wa Mungu na haki yake,’ na ambao hujitahidi kwa bidii kuzaa matunda ya roho ya Mungu.—Mathayo 6:33; Wagalatia 5:22, 23.

17. Kwa nini ni jambo la muhimu kushiriki kwa kawaida katika mikutano?

¹⁷ Kuhudhuria mara moja au mara mbili labda kutatosheleza udadisi wako, lakini ili ufanye maendeleo ya kweli katika utumishi wa Mungu ni lazima uwe kama Wakristo wa kwanza. Kweli wao walithamini kweli, hata “wakawa wakidumu katika fundisho la mitume . . . Na sikuzote kwa moyo mmoja walidumu ndani ya hekalu.” (Matendo 2:42, 46) Kwa kushiriki kwa kawaida katika mikutano hii ya kundi ndiyo njia peke yake ambayo unaweza kukuza imani, thamani na kusadiki ambako ni kwa lazima kwako ili kupata kibali cha Mungu.

18. Ni ahadi gani ya Yesu itakayotimizwa kwako kwa kujitenga na Babeli Mkuu na kushirikiana kwa kawaida na watu wa Yehova?

¹⁸ Ijapokuwa kujitenga na Babeli Mkuu wa kisasa huenda kukakupotezesha baadhi ya rafiki za zamani, utapata zaidi sana kwa njia ya hudhurio lako la kawaida penye mikutano ya watu wa Yehova. Kama wanafunzi wa kwanza wa Yesu, ambao pia waliacha mambo mengi ili wamfuate, utaona ahadi ikitimizwa kupata “mara mia sasa katika kipindi hiki cha wakati” katika njia ya ndugu na dada na nyumba ambamo utapokewa kwa furaha. Utaona kwamba umekuwa sehemu ya jamaa kubwa ya ndugu za Kikristo, ambao upendo wao na urafiki wao ni wa kweli na mnyofu. Utapata yote haya pamoja na tumaini la uzima wa milele “katika taratibu ijayo ya mambo.” —Marko 10:28-30, NW; Zaburi 27:10.

19. (a) Jinsi gani Mungu anatumia tengenezo lake lionekanalo kwa baraka yetu? (b) Basi ni jambo gani la hekima kwetu kufanya sasa?

¹⁹ Yehova Mungu yuna tengenezo lionekanaloi ambalo anatumia leo ili kuzoeza na kututayarisha sisi kwa uzima katika taratibu yake mpya yenye haki. Baada ya kutoweka kwa taratibu mbovu iliyopo, njia ya Mungu itaenea kila mahali. Serikali yake peke yake ndiyo itakayobaki. (Danieli 2:44) Watu wake waliokubaliwa watakuwa ndio watu peke yake watakaobaki duniani ambao utashirikiana nao. Ila kawaida za Mungu za mema na mabaya ndizo zitakazoruhusiwa. Kutakuwapo dini moja tu. Hivyo jambo la hekima kufanya ni kujileta sisi wenyewe katika upatano na njia ya Mungu ya kufanya mambo sasa, tukitumia kwa faida kamili mazoezi ambayo Mungu hutayarisha kupitia kwa Neno lake lililoandikwa Biblia Takatifu. Kwa njia hii tunathibitisha kwamba kweli tunamaanisha jambo wakati tusemapo kwamba tunataka uzima wa milele katika taratibu mpya ya haki ya Mungu.​—Zaburi 86:10, 11; Mithali 4:10-13.