Sura ya 41

Chakula cha Kutusaidia Sisi Tukumbuke

IKIWA mtu fulani angekupa zawadi je! Wewe ungeonaje juu yake? Je! ungesema tu, “Asante,” kisha umsahau kabisa yeye aliyekupa zawadi? Au ungetaka kukumbuka alichofanya?—

Yehova ametupa sisi zawadi ya ajabu sana. Alimtuma Mwana wake mwenyewe duniani ili afe kwa ajili yetu. Kwa sababu ya hili tunaweza kuokolewa na magonjwa na mauti. Lo! ni jambo Ia upendo kwao namna gani kufanya! Bila shaka sisi hatutaki tusahau ambacho Mungu na Mwana wake wametufanyia sisi, sivyo?

Je! ulijua kwamba Mwana wa Mungu alitupa njia ya pekee ili tukumbuke alichofanya?— Ungependa kusikia juu yake?—

Ebu wazia uko katika chumba cha orofa katika Yerusalemu. Ni wakati wa usiku. Na tuone nani walio katika chumba. Mwalimu Mkuu yumo. Na mitume wake. Wanalala penye vitanda kuzunguka meza. Mezani pana mwana-kondoo aliyeokwa, mikate mipanapana na divai nyekundu. Lakini hiki si chakula cha kawaida. Wanakula chakula cha pekee. Unajua ni kwa sababu gani?

Chakula hiki ni kuwakumbusha jambo moja la maana sana lililotukia mamia ya miaka iliyotangulia. llikuwa usiku wakati Yehova alipoa-cha watu wake Israeli huru kutoka utumwa katika Misri.

Yehova aliwaambia watu wake hivi: ‘Kila jamaa ichinje mwana-kondoo na kuweka damu yake penye vizingiti vya nyumba zenu.’ Kisha akasema: ‘Ingieni ndani ya nyumba zenu mle mwana-kondoo.’

Walifanya hivyo. Usiku ule ule malaika wa Mungu alipita katika nchi ya Misri. Karibu katika nyumba zote malaika alimwua mtoto wa kwanza kuzaliwa. Lakini wakati malaika alipoona damu penye vizingiti, aliipita ile nyumba. Katika nyumba hizo hakuna watoto waliokufa. Ikiwa wewe ungalikuwako, ungalitaka kuwa katika nyumba gani?—

Mfalme wa Misri aliogofishwa na jambo ambalo malaika wa Yehova alifanya. Aliwaambia Waisraeli: ‘Mko huru. Ondokeni katika Misri!’ Basi wakapakia ngamia zao mizigo na punda wakaondoka.

Lakini Yehova hakutaka watu wake wasahau namna alivyowaweka huru. Basi akasema: ‘Mara moja kwa mwaka inawapasa ninyi kula chakula kama chakula mlichokula usiku huu. Na imewapasa mwaambie watoto wenu juu ya jambo lililotukia usiku huu katika Misri.’

Wakakiita chakula hiki cha pekee Kupitwa. Unajua ni kwa sababu gani? Kwa sababu usiku huo malaika wa Mungu alikuwa ‘amezipita’ nyumba zao zilizopakwa damu. Unakumbuka?

Yesu na mitume wake wanafikiria hili wakati wanapokula chakula cha Kupitwa. Kisha Yesu anafanya jambo fulani la maana sana. Angalia vizuri.

Anachukua mmojawapo wa mikate iliyosalia. Akiisha kuomba juu yake, anaumega. Anaupitisha kwa wanafunzi wake na kusema: “Chukueni, mle.” Halafu anawaambia: ‘Mkate huu ni mahali pa mwili wangu ambao mimi nitatoa wakati nitakapokufa kwa ajili yenu.’

Kisha Yesu anachukua kikombe cha divai nyekundu. Akiisha kutoa sala nyingine ya kushukuru, anakipitisha kwa kila mmoja. Anasema: “Nyweni, ninyi nyote.” Tena anawaambia: ‘Divai hii ni mahali pa damu yangu. Karibuni hivi mimi nitaimwaga damu yangu ili kuokoa ninyi na dhambi zenu. Endeleeni kufanya hivi mnikumbuke mimi.’—Mathayo 26:26-28; 1 Wakorintho 11:23-26.

Ulifahamu kwamba Yesu alisema imewapasa waendelee kufanya hivi ili kumkumbuka yeye? Wasingekuwa tena na chakula cha Kupitwa. Pahali pake, mara moja kwa mwaka wangekuwa na chakula hiki cha pekee kukumbuka mauti ya Yesu. Hiki kinaitwa chakula cha jioni cha Bwana. Leo sisi vile vile tunakiita Ukumbusho. Sababu gani? — Kwa sababu kinatukumbusha jambo ambalo Yesu na Baba yake wametufanyia sisi.

Damu ya Yesu ina bei kubwa zaidi kuliko damu ya mwana-kondoo wa kupitwa katika Misri. Unajua ni kwa sababu gani?— Damu ya Yesu inaweza kutuletea msamaha wa dhambi.

Unajua itakuwa na maana gani kuondolewa dhambi zetu zote? — Wakati huo hatutafanya kosa lo tote tena hata kidogo. Na hatutakuwa wagonjwa tena, kuzeeka na kufa! Imetupasa tufikirie hilo wakati tunapokwenda kwenye Ukumbusho.

Je! imempasa kila mtu ale mkate na kunywa divai penye Ukumbusho? Hapana, Yesu aliwaambia wale wanaokula: ‘Ninyi mtashiriki katika ufalme wangu na kukaa penye viti vya enzi mbinguni pamoja na mimi.’ Hiyo ilikuwa na maana wangekwenda mbinguni wakawe wafalme pamoja na Yesu. Wale watakaofanya hivyo peke yao ndio wamepaswa wale mkate na kunywa divai.

Lakini hata ikiwa sisi hatuli mkate au kunywa divai, imetupasa tuhudhurie Ukumbusho. Unajua ni kwa sababu gani? Kwa sababu Yesu alitutolea na sisi vile vile uhai wake. Wakati tunapokwenda kwenye Ukumbusho tunaonyesha kwamba sisi hatukusahau. Tunakumbuka zawadi ya ajabu ya Mungu kupitia kwa Yesu.

(Maandiko mengine ya kusoma kuonyesha maana ya kuhudhuria Ukumbusho ni Luka 22:19, 20, 28-30; 1 Wakorintho 11:27.)