Ni Nani Hasa Anayeuongoza Ulimwengu?

“Ulimwengu wote unatawaliwa na yule Mwovu.”—1 Yohana 5:19.

“Mwana wa Mungu alikuja . . . kuiharibu kazi ya Ibilisi.”—1 Yohana 3:8, Biblia Habari Njema.

Maelezo yenye kueleweka kuhusu hali za ulimwengu.​—Ufunuo 12:12.

Sababu ya kuamini kwamba ulimwengu wetu utakuwa mzuri zaidi.​—1 Yohana 2:17.

Ndiyo, kwa angalau sababu tatu:

•  Utawala wa Shetani utakomeshwa. Yehova ameazimia kuukomesha utawala wa Shetani. Anaahidi ‘kumwangamiza . . . Ibilisi’ na kuondoa kabisa madhara yote ambayo Shetani amesababisha.—Waebrania 2:14, Tafsiri ya Ulimwengu Mpya.

•  Mungu amemchagua Yesu Kristo atawale ulimwengu. Yesu ni tofauti kabisa na mtawala wa sasa wa ulimwengu huu ambaye ni mkatili, na mwenye ubinafsi. Kuhusu utawala wa Yesu, Mungu anaahidi: “Atamhurumia mtu wa hali ya chini na maskini . . . Atawaokoa kutoka katika ukandamizaji na ukatili.”—Zaburi 72:13, 14.

•  Mungu hawezi kusema uwongo. Biblia inasema hivi waziwazi: “Mungu hawezi kamwe kusema uwongo.” (Waebrania 6:18) Yehova anapoahidi kufanya jambo fulani, ni kana kwamba jambo hilo tayari limetimizwa! (Isaya 55:10, 11) “Mtawala wa ulimwengu huu atatupwa nje.”—Yohana 12:31.