“Amefanya Alichoweza”

MARIA alikuwa na mambo mengi sana ya kumshukuru Yesu Kristo. Kwa nini? Kwa sababu alikuwa amefanya mambo mengi yenye fadhili kwa ajili yake, Martha dada yake, na Lazaro ndugu yao. Mara kadhaa Yesu alikuwa amekaa nyumbani kwao huko Bethania, akiwafundisha mambo mengi kumhusu Yehova na kujihusu. Yesu aliwapenda sana, na Lazaro alipokufa, Yesu alimfufua!

Maria alitaka kumfanyia Bwana wake Yesu jambo la pekee. Aliamua kumpa zawadi yenye thamani sana. Zawadi hiyo ilikuwa “ratili moja ya mafuta yenye marashi, nardo halisi, ghali sana” yaliyokuwa ndani ya chupa ya alabasta. Siku hizo, mtu angehitaji kufanya kazi kwa karibu mwaka mmoja ili kupata pesa za kutosha kununua chupa hiyo ndogo ya marashi. Biblia haisemi Maria alipata marashi hayo lini au jinsi gani, lakini inawezekana kwamba hicho ndicho kitu cha bei ghali zaidi alichomiliki.

Siku moja Yesu alipokuwa ameketi mezani akila huko Bethania, Maria aliamua kutumia pindi hiyo kumpa Yesu zawadi yake. Alimkaribia Yesu, akaifungua, na kumimina marashi hayo juu ya kichwa na miguu ya Yesu. Alipomaliza kuyamimina, alitoa mtandio aliokuwa nao kichwani na kutumia nywele zake kufuta miguu ya Yesu. Kulingana na tamaduni zao, huenda baadhi ya Wayahudi wangeliona kuwa ni jambo lisilofaa kwa Maria kufunua nywele zake. Lakini Maria hakuhangaishwa na maoni ya wengine. Alizingatia tu jinsi ambavyo angemwonyesha Bwana wake heshima. Kwa hiyo kwa unyenyekevu alijinyenyekeza na kumpa heshima kubwa aliyostahili.

Harufu tamu ya marashi hayo ikajaa katika nyumba yote. Lakini si kila mtu aliyefurahishwa na jambo hilo. Yuda Iskariote alikasirika, na inaonekana aliwachochea baadhi ya mitume wajiunge naye kupinga kutolewa kwa zawadi hiyo. Yuda akauliza hivi: “Kwa nini mafuta haya yenye marashi hayangeuzwa kwa dinari 300 na maskini wapewe pesa hizo?” Wazia jinsi Maria alivyohisi. Alitoa zawadi hiyo kwa moyo wake wote kwa sababu alimpenda Yesu. Lakini badala ya kupongezwa, wanaume hao walioheshimika, mitume wa Yesu mwenyewe, walikuwa wakimkaripia kwa hasira! Tunaweza kuwazia jinsi alivyoaibika. Lakini Yesu akamtetea Maria.

Yesu akaamuru hivi: “Mwacheni.” Lazima kimya kiwe kilitanda aliposema hivyo. Aliongezea hivi: “Amenitendea jambo jema.” Yesu alieleza kwamba Maria alikuwa amemwonyesha upendo mwingi. Jinsi gani? Ingawa Maria hakujua kwamba Yesu angekufa hivi karibuni, Yesu alisema kwamba aliupaka mwili wake mafuta hayo ili kuutayarisha kwa ajili ya mazishi. Kisha Yesu akasema maneno haya machache yanayokumbukwa sana: “Amefanya alichoweza.” Akaongezea hivi: “Kwa kweli ninawaambia, popote ambapo habari njema itahubiriwa ulimwenguni, jambo alilofanya mwanamke huyu litatajwa ili kumkumbuka.” Yesu alijua kwamba Maria alimpenda sana na kwamba alihitaji ujasiri mwingi kufanya hivyo. Kwa hiyo, alistahili kusifiwa, si kuchambuliwa.

Baada ya hapo, hakuna mtu aliyejaribu kumshutumu Maria. Yuda aliondoka, na kuanzia wakati huo aliazimia kumsaliti bwana wake. Lakini maneno ya Yesu yalimgusa sana Maria! Maneno ambayo Yesu alimwambia yalitimia siku chache tu baadaye. Bwana wake ambaye alimpenda sana, alikamatwa, akashtakiwa kwa uwongo, akahukumiwa na kuuawa, kisha akazikwa, kama tu alivyokuwa ametabiri. Tunaweza kuwazia jinsi mwanamke huyo mwenye fadhili na huruma alivyohuzunika. Lakini huenda alifarijika sana alipokumbuka maneno yenye fadhili ambayo Yesu alikuwa amemwambia.

Siku ya tatu baada ya kifo cha Yesu, jambo la kustaajabisha sana lilitokea: Bwana Yesu alifufuliwa! Muda mfupi baadaye, alitokea wafuasi wake zaidi ya 500 na kuwapa utume wa kuhubiri habari njema “kwa watu wa mataifa yote.” (Mt. 28:​19, 20) Yesu alikuwa amesema kwamba popote ambapo “habari njema” ingehubiriwa, watu wangefundishwa jinsi ambavyo Maria alivyomwonyesha Yesu unyenyekevu na upendo! Kwa kweli Maria hakujuta kwamba alijipa ujasiri wa kumpa Bwana wake kilicho bora. Bila shaka siku zote za maisha yake Maria hakusahau kwamba Yesu alikuwa amemsifu kwa sababu ya imani na ujasiri wake aliposema: “Amefanya alichoweza.”

Soma simulizi hili katika Biblia:

• Mathayo 26:​6-13

• Marko 14:​3-9

• Luka 10:​38-42

• Yohana 11:​5, 6, 31-35, 41-45; 12:​1-8

Jambo la kuzungumzia:

Maria dada ya Lazaro alionyesha ujasiri katika njia zipi?

Chimba Zaidi

1. 1. Biblia inaonyesha nini kuhusu utu wa Maria na Martha, dada yake? (Luka 10:​39, 40; Yoh. 11:20; ia 173 ¶5-6; 176 ¶17) A

   Jibu lako

   

2. 2. Ni jambo gani lenye kupendeza kuhusu utayari wa Yesu kumfundisha Maria na wanawake wengine pia? (w99 9/1 30 ¶1-4)

   Jibu lako

3. 3. Ni nini kilichofanya mafuta ambayo Maria alimmiminia Yesu yawe yenye thamani sana? (w08 5/1 31) B

   Jibu lako

   

   Indian nard: © Haijie Lu, licensed under CC BY-NC 4.0. Source; dried jatamansi: wasanajai/stock.adobe.com; alabaster jar: © The Trustees of the British Museum. Licensed under CC BY-NC-SA 4.0. Source

4. 4. Kwa nini lilikuwa jambo lenye kupendeza kwamba Maria alimimina mafuta juu ya kichwa na miguu ya Yesu? (w10 11/1 6 ¶4, maelezo ya chini)

   Jibu lako

Tafakari Masomo Tunayojifunza

• Yesu alisema kwamba “Maria alichagua fungu zuri”—alitanguliza mambo ya kiroho kwanza. (Luka 10:42) Tunaweza kumwigaje leo? C

  Jibu lako

  

• Yesu alimpongeza Maria kwa sababu ‘alifanya alichoweza.’ Hilo linatufundisha Yehova anathamini nini ndani yetu? (Marko 12:​29, 30; 14:8)

  Jibu lako

• Unaweza kuiga ujasiri wa Maria katika njia zipi nyingine?

  Jibu lako

Tafakari Kumhusu Yehova na Kusudi Lake

• Simulizi hili linanifundisha nini kumhusu Yehova?

  Jibu lako

• Simulizi hili linahusianaje na kusudi la Mungu kwa wanadamu?

  Jibu lako

• Ni mambo gani yanayokufanya ushukuru kwamba huenda Maria dada ya Lazaro alichaguliwa kutawala na Kristo mbinguni?

  Jibu lako

Jifunze Mengi Zaidi

Watoto wanaweza kujifunza nini kutoka kwa Maria, Martha, na Yesu kuhusu kuanzisha urafiki?

Nichague Nani Awe Rafiki Yangu? (13:14)

Chunguza jinsi Yesu alivyothamini zawadi za bei ghali kama ya Maria na pia zawadi ndogo kama sarafu mbili ndogo za mjane.

“Je, Unajionyesha Kuwa Mwenye Shukrani?” (w99 4/15 16 ¶3-7)