Mungu wa Haki Atatenda

Makala hii ni ya kutumia kwa mafunzo ya kitabu ya kundi

1, 2. Sababu gani watu wenye mioyo minyofu wana sababu ya kuugua, lakini ni nini kinachowapa sababu kwa tumaini?

JE! INAKUSUMBUA wewe unapoona au kusikia juu ya udhalimu na uonezi? Je! unahuzunishwa kwamba watu waasi, kwa njia ya rushwa, wanaweza kuepuka kufikishwa hukumuni? Je! unahuzunishwa kwamba mamilioni ya watu wanakufa kwa njaa, zaidi kwa sababu ya taratibu iliyopo ya fedha ya ulimwengu? Kwa sababu ya kuenea kwa magonjwa ya kisonono na kaswende ya kuchukiza sana na kuongezeka kwa kunajisi, kutoa mimba na kuzaa watoto wa haramu, je! wewe unachukizwa na viongozi wa dini ambao, kuliko kutegemeza kanuni za Biblia, wanaachilia ufisadi?

² Kwa wazi watu wenye mioyo minyofu duniani kote wana sababu ya kuhuzunishwa na yanayotukia leo. Kama wangekuwa na hekima na uwezo wa kufanya geuzi fulani la kufaa, bila shaka wangefanya hivyo. Basi, si busara kwamba Mungu mwenye upendo aliye na vyote hekima na uwezo atende kwa ajili ya wale wanaotaka kufanya yaliyo haki? Tunaweza kuwa na matumaini kweli kweli kwamba atafanya hivyo, kwa kuwa ameahidi kuyafanya “yote kuwa mapya,” kuondoa sababu zote za kuomboleza, maumivu na kilio. (Ufu. 21:4, 5) Neno lake la ahadi ni la kutegemewa. Linategemezwa na maandishi marefu ya utendaji mwaminifu wa wakati uliopita.

3, 4. Ni hali gani zilikuja kuwako kati ya Waisraeli?

³ Angalia hali iliyotokea katika Yerusalemu wa kale na nchi ya Yuda na namna Yehova Mungu alivyoshughulika nayo:

⁴ Uchafu uliokuja kutokea kati ya Waisraeli unalingana sana na ulioko sasa katika taratibu za kisiasa, biashara na za kidini za ulimwengu, zaidi zile za Kristendomu. Watawala walikuwa waonezi. Jeuri na umwagaji wa damu viliongezeka. Walio maskini na wenye taabu hawangeweza kupata haki. Viongozi wa kidini waliacha kutegemeza haki, na mazoea ya kuabudu sanamu yakazidi.​—2 Fal. 21:11-16; Yer. 18:18; 22:13-16; Hab. 1:4.

5, 6. Yehova alionyeshaje kwamba hangevumilia milele kukosa uaminifu kwa watu?

⁵ Ingawa Yehova Mungu kwa muda fulani alivumilia kukosa uaminifu kwa watu wake wa agano, aliwatuma manabii kuwaonya kwamba nyuma ya muda fulani kuvumilia kwake kungefikia mwisho. Mmoja wa manabii hawa alitolewa kati ya Waisraeli waliokuwa wamepelekwa uhamishoni wa Kibabeli katika mwaka wa 617 B.C.E. Muda mchache kuliko miaka miwili na nusu mbele ya mwanzo wa mazingiwa ya Yerusalemu kwa wonyesho wa hukumu ya kimungu, Ezekieli alipewa amri hii:

⁶ “Mwanadamu, uelekeze uso wako kuelekea Yerusalemu, ukadondoze neno lako upande wa mahali patakatifu, ukatabiri juu ya nchi ya Israeli; uiambie nchi ya Israeli, [Yehova] asema hivi; Tazama, mimi ni juu yako, nami nitautoa upanga wangu alani, nami nitakamkatilia mbali nawe mtu mwenye haki na mtu mbaya. Basi, kwa kuwa nitamkatilia mbali nawe mtu mwenye haki na mtu mbaya, upanga wangu utatoka alani mwake, uwe juu ya watu wote wenye mwili toka kusini hata kaskazini.”​—Eze. 21:2-4.

7. (a) Ni nini “upanga” wa mfano ambao ungekuja kwa Yerusalemu? (b) Ukawaje “juu ya watu wote wenye mwili toka kusini hata kaskazini”?

⁷ Hivyo Yehova alijieleza kama shujaa ambaye angetenda kwa ‘wabaya’ na ‘wenye haki,’ kwa wazi akimaanisha wale waliojidhania kuwa wenye haki. “Upanga” ambao Yehova angetumia kwa kufaa ulikuwa ni wakili wa kidunia wa kufikiliza hukumu, ingawa vile vile huenda lilitiwa ndani tengenezo lake lisiloonekana la kimbinguni la viumbe vya kiroho vyenye nguvu nyingi. Wakili wa kidunia alikuwa Mfalme Nebukadreza wa Kibabeli na majeshi yake. Kama “upanga” wa mfano, Wababeli waliujia Ufalme wa Yuda, ambao ulikuwa katika kusini ya magharibi ya Babeli na kusini ya eneo lililokaliwa wakati fulani na Ufalme wa makabila kumi ya Israeli. Lakini kazi ya kuua ya “upanga” wa mfano haikuwa “kusini” peke yake. “Upanga” ulitoka “kusini hata kaskazini” kukatilia mbali “wote wenye mwili,” kukatilia mbali mataifa yaliyo karibu yasiyo ya Kiisraeli. Sababu gani?

8. Sababu gani “upanga” wa mfano haukuacha kufanya kazi yake nyuma ya kufanya kazi Yerusalemu na “nchi ya Israeli”?

⁸ Kupitia kwa nabii wake Ezekieli, Yehova alitoa jibu: “Watu wote wenye mwili watajua ya kuwa mimi, [Yehova], nimeufuta upanga wangu alani mwake; hautarudi tena.” (Eze. 21:5) Wale walio katika “nchi ya Israeli” na katika Yerusalemu si wao peke yao waliomtenda dhambi. Watu wa karibu, “wote wenye mwili,” vile vile walikuwa wamemtenda dhambi na walistahili kuadhibiwa. Isingewapasa kudhani kwamba, kwa kuwa hawakuwa Waisraeli, walikuwa wamesahauliwa na Yehova. Isingewapasa kuwaza kwamba walikuwa wenye haki zaidi kuliko Israeli. Mataifa yote hayo waliokuwa na chuki kwa watu wa Yehova walipaswa kupigwa kwa “upanga” wa mfano. Kwa kuwa Yehova alikuwa amekwisha tangaza hili mapema, “wote wenye mwili” wangejulishwa kwamba Yeye alikuwa anapigana nao.

ONYO KWA LEO

9. Ni sehemu gani ya ulimwengu leo itakuwa ya kwanza kupigwa na “upanga” wa mfano wa Yehova, na sababu gani?

⁹ Yehova Mungu hajageuza maoni yake juu ya watu wanaoendelea kufanya mabaya. Unabii wa Biblia unaonyesha kwamba katika kizazi hiki “upanga” wa Mungu utayapiga mataifa na watu wanaompinga yeye. (Mt. 24:34) Kama vile walivyopatwa na mabaya wakazi wa Yerusalemu na nchi ya Yuda mbele ya mataifa yaliyo karibu kupatwa nayo, ndivyo na Kristendomu atakavyokuwa wa kwanza kupatwa na maumivu ya “upanga” huo. Sababu gani hivyo? Hii ni kwa kuwa Kristendomu ndiye anayefananishwa na Yerusalemu asiye mwaminifu wa nyakati za kale. Kristendomu anajisema kuwa “nyumba ya Mungu,” akifurahia hali ya kipekee na ujamaa na Mungu kwa njia ya “agano jipya” lake. Hivyo hukumu lazima ianze naye, kama ilivyo wazi kutokana na kanuni iliyowekwa katika 1 Petro 4:17, 18: “Wakati umefika wa hukumu kuanza katika nyumba ya Mungu; na ikianza kwetu sisi, mwisho wao wasioitii injili ya Mungu utakuwaje? Na mwenye haki akiokoka kwa shida, yule asiyemcha Mungu na mwenye dhambi ataonekana wapi?”

10. Je! “upanga” wa mfano utaacha kufanya kazi yake nyuma ya uharibifu wa Yerusalemu wa mfano?

¹⁰ Lakini, “upanga” wa Yehova hautaacha kufanya kazi yake nyuma ya uharibifu wa Kristendomu, anayefananishwa na Yerusalemu wa kale uliokuwa upande wa kusini kutoka Babeli. “Upanga” huo kwa nyakati za kisasa utapungwa vivyo hivyo kwa “wote wenye mwili toka kusini hata kaskazini.” Taratibu zile nyingine za uongo, za kinafiki za kidini lazima nazo vile vile zitiwe kwenye uharibifu.

11. Sababu gani wenyeji wengi wa Yerusalemu ‘walifanya furaha,’ wakidhani kuwa wangeokoka mabaya?

¹¹ Hakuna anayepaswa kufikiri kwamba Kristendomu kwa njia fulani ataweza kuokoka “upanga” wa Yehova wa kuua. Kwa wazi wakazi wengi wa Yerusalemu walidhani wangeachwa bila kuadhibiwa kwa sababu ya hali yao ya kujidhania kuwa yenye kibali cha Mungu. Hii inaweza kuonekana kutokana na uhakika wa kwamba, akikumbuka kazi ya “upanga” wa mfano, Ezekieli aliuliza ulizo, “Je! tufanye furaha?” (Eze. 21:10) Wakazi wasio waaminifu wa Yerusalemu kwa wazi walikuwa wakishangilia kwa sababu ya kujidhania wenyewe kuwa watu wa Mungu na kuwa na hekalu au nyumba ya Mungu kati yao. Halafu, tena, mfalme wao alikuwa mzao wa Daudi, ambaye pamoja naye Mungu alikuwa amekwisha fanya agano kwa ufalme wa milele. Akiwa alikuwa ametiwa mafuta kuingia katika cheo chake, mfalme huyo alikuwa “masihi wa [Yehova].” Na, kama mzao wa Daudi, alisemwa kukalia “kiti cha enzi cha [Yehova].” (2 Sam. 7:4-16; 1 Nya. (Sik.) 29:23; Omb. 4:20) Kushangilia kote huko kwa sababu ya hali kama hizo zenye kibali, hata hivyo, kulikuwa kazi bure. Kupitia kwa Ezekieli Yehova alisema waziwazi:

12, 13. Yehova alionyeshaje kwamba hapakuwa na sababu ya Waisraeli ‘kufanya furaha’?

¹² “Nena, Upanga, upanga, umenolewa na kusuguliwa, umenolewa ili kufanya machinjo; umesuguliwa ili uwe kama umeme . . . Upanga unadharau fimbo ya mwanangu, kama unavyodharau kila mti. Nao umetolewa usuguliwe, upate kushikwa mkononi; upanga umenolewa, naam, umesuguliwa, ili kutiwa katika mkono wake auaye. . . . upanga u juu ya watu wangu, u juu ya wakuu wote wa Israeli; wametolewa wauawe na upanga pamoja na watu wangu. . . . kuna [uharibifu]; itakuwaje, basi, ikiwa upanga unaidharau hiyo fimbo? Haitakuwapo tena; asema Bwana [Yehova].”​—Eze. 21:9-13.

¹³ “Upanga” wa Yehova ungekataa hata fimbo ya enzi yenye fahari ya Ufalme wa Yuda sawa na fimbo nyingine yo yote ya kitaifa au “mti.” Aliyezoea uasi kwa ushupavu asingeachiliwa kwa sababu ya kuwa kama ‘mwana’ kwa Yehova juu ya kiti cha enzi chenye fahari katika Yerusalemu. Yehova angepambana na wote wasio waaminifu na kwa hiyo angempa “auaye,” wakili wake wa kufikiliza hukumu, “upanga.” Kwa utimizo wa neno la Yehova, mkuu aliye juu zaidi wa Israeli, Mfalme Sedekia, hakuachiliwa. Hivyo fimbo au mfano wa uwezo wenye fahari kwa njia ya utendaji ‘haikuwapo tena.’

14, 15. Kupunga “upanga” wa mfano wa kutisha kungekuwa na matokeo gani kwa Mwisraeli?

¹⁴ Kupunga kwa kutisha kwa “upanga” wa mfano kulitosha kumfanya Mwisraeli alie na kuzoma na, pahali pa kupiga kifua kama mwanamke, ajipige pajani lake la kuume. Kulitosha kumfanya apige makofi kwa mshangao, kama si kwa woga. Kama Yehova alivyomwagiza Ezekieli:

¹⁵ “Piga kelele, utoe sauti ya uchungu, Ee mwanadamu, . . . jipige pajani. . . . Basi, wewe mwanadamu, tabiri, ukapige makofi; upanga huo na uongezwe mara mbili, hata mara tatu; upanga wao waliotiwa jeraha kiasi cha kuwaua; ni upanga wa mkuu aliyetiwa jeraha kiasi cha kumwua; uwazungukao pande zote. Nimeweka ncha ya upanga huo juu ya malango yao yote, ili mioyo yao iyeyuke, yakaongezeke makwazo yao; aha! umefanywa kuwa kama umeme, umenolewa, ili uchinje. Jiweke tayari [upanga ukisemwa kama mtu], mahali po pote utakapouelekeza uso wako. Mimi nami nitapiga makofi, mimi nami nitashibisha ghadhabu yangu; mimi, [Yehova], nimenena neno hili.”​—Eze. 21:12-17.

16. Ni nani ambaye hataokoka hasira yenye uharibifu ya “upanga” wa Yehova wa kuua katika siku zetu?

¹⁶ Kwa kupatana na mfano huu wa kale wa tendo, Mungu asiye na kigeugeu Yehova hataruhusu wo wote wasio watumishi wake waliokubaliwa katika siku zetu kuokoka “upanga” unaozunguka wa kuua. Mara uanzapo kazi yake “upanga” huo wa mfano hautaacha mpaka umewaua wote wazoeao uovu, kutia ndani na wajivuniao haki waliojitakia wenyewe. Hata wafalme wa Kristendomu hawataachiliwa. Uhakika wa kwamba viongozi wa kidini wamewatia mafuta wafalme kutawala “Kwa neema ya Mungu” hauna maana yo yote kwa Mwenye Enzi Yote Aliye Mkuu Kupita Wote. Madai ya watawala hao ya kutouawa yatakataliwa na wakili atakayetumiwa na Yehova kama “upanga” wake wa kuua. Wakili huyo wa kuua atakuwa ni pamoja na Mwana wa Mungu Yesu Kristo na majeshi ya viumbe vya kiroho vyenye nguvu nyingi, malaika. (Ufu. 19:11-21) Kwa hiyo ulinzi unaweza kupatikana kwa kujua mapenzi ya Mungu na kuishi kulingana nayo tu. Hii ni kulingana na shauri lililoongozwa na roho ya Mungu: “Mtafuteni [Yehova], enyi nyote mlio wanyenyekevu wa dunia, ninyi mliozitenda hukumu zake; itafuteni haki, utafuteni unyenyekevu; huenda mtafichwa katika siku ya hasira ya [Yehova].”​—Sef. 2:3.

KUTANGAZA ONYO

17. Sababu gani kuna lazima ya onyo kutangazwa juu ya uharibifu unaokuja?

¹⁷ Uhakika wa kwamba uharibifu wa Kristendomu na sehemu nyingine yote ya taratibu hii ya mambo utakuja unafanya kuwe na lazima ya kutoa onyo. Hiyo ndiyo sababu mashahidi wa Kikristo wa Yehova, mabaki waliotiwa mafuta na wenzi wao wenye nia njema, wanajitahidi kabisa kutangaza onyo hili. Kwa sababu ya hasira yenye kuharibu itakayoletwa na “upanga” wa mfano, maoni yao ni sawa na yale aliyoambiwa aeleze Ezekieli kwa njia ya kuonekana:

18, 19. (a) Ezekieli angeonyeshaje kutisha kwa “habari” katika utu wake mwenyewe? (b) Kutimizwa kwa “habari” kungekuwa na matokeo gani kwa wahamishwa wa Kiyahudi waliokuwa hawaamini?

¹⁸ “Ugua, basi, Ee mwanadamu; kwa kuvunjika kwake viuno vyako, na kwa uchungu, utaugua mbele ya macho yao. Na itakuwa, wakuambiapo, Mbona unaugua? ndipo utakaposema, Kwa sababu ya habari hizo, maana linakuja; na kila moyo utayeyuka, na mikono yote itakuwa dhaifu, na kila roho itazimia, na magoti yote yatalegea kama maji; tazama, linakuja, nalo litatendeka, asema Bwana [Yehova].”​—Eze. 21:6, 7.

¹⁹ Ripoti ya unabii ya uharibifu wa kutisha ambao ungekuja juu ya Yerusalemu ilikuwa sababu ya kutosha kwa Ezekieli kuugua na kutetema. Ripoti hiyo ilipotimizwa na habari za uharibifu wa Yerusalemu zikafika Babeli, Wayahudi wahamishwa huko wasioamini lazima wawe walishtuka. Inaelekea magoti yao yalidondoza zaidi ya jasho la kawaida. Bila shaka walilegea sana katika roho hivyo kwamba minofu ya mviringo ya vibofu vyao ikafunguka, ikifanya magoti yao kudondokwa na mkojo.

20. Kwa sababu ya uharibifu wa Kristendomu unaokaribia sana, mashahidi wa Kikristo wa Yehova wanafanya nini sasa na sababu gani?