Maisha na Huduma ya Yesu

Yesu Awatuma Nje Wengine 70 Wakahubiri

Nl VULI ya 32 W.K., miaka mitatu kamili tangu ubatizo wa Yesu. Yeye na wanafunzi wake wamehudhuria majuzi Sikukuu ya Mahema (Vibanda) katika Yerusalemu, na inaonekana bado wako hapo karibu. Kwa uhakika, Yesu anatumia sehemu kubwa ya miezi sita inayobaki ya huduma yake ama akiwa katika Yudea ama pale ng’ambo tu ya Mto Yordani katika wilaya ya Perea. Eneo hili linahitaji kufanyiwa kazi pia.

Ni kweli, baada ya Kupitwa kwa 30 W.K., Yesu alitumia karibu miezi sita akihubiri katika Yudea. Lakini baada ya Wayahudi kujaribu kumwua huko katika Kupitwa kwa 31 W.K., yeye alitumia mwaka mmoja na nusu uliofuata akiwa ni kama anafundisha katika Galilaya tu. Wakati huo, yeye alikuza tengenezo kubwa lililozoezwa vizuri la wahubiri, na hicho ni kitu asichokuwa nacho hapo mapema. Kwa hiyo sasa anatokeza kampeni ya hatima ya kutoa ushuhuda mwingi kweli kweli katika Yudea.

Yesu anaanzisha kampeni yake kwa kuchagua wanafunzi 70 na kuwatuma nje wawili-wawili. Hivyo, kwa ujumla, kuna vikoa 35 vya wahubiri wa UfaIme wa kufanya kazi katika eneo. Hawa wanamtangulia kuingia ndani ya kila jiji na mahali ambako Yesu anapanga kuja, kwa wazi akiwa ameandamwa na mitume wake.

Badala ya kuelekeza hao 70 waende kwenye masinagogi, Yesu anawaambia waingie maskani za faragha, akieleza: “Mahali ko kote ambako ninyi mtaingia ndani ya nyumba semeni kwanza, ‘Nyumba hii na iwe na amani.’ Na ikiwa rafiki ya amani yu humo amani yenu itakaa juu yake.” Ujumbe wao utakuwa nini? “Nendeni mkiwa mnawaambia,” Yesu anasema, “ufalme wa Mungu umekuja karibu na ninyi.” Kuhusu utendaji wa wale 70, kielezaji Matthew Henry’s Commentary kinaripoti hivi: “Kama Bwana wao, mahali ko kote ambako wao walizuru wao walihubiri nyumba kwa nyumba.”

Maagizo ya Yesu kwa wale 70 yanafanana na yale waliyopewa wale 12 wakati alipowatuma nje katika kampeni ya kuhubiri katika Galilaya karibu mwaka mmoja mapema. Si kwamba tu yeye anawaonya wale 70 juu ya upinzani watakaoelekeana nao, akiwatayarisha wakawatolee wenye nyumba ujumbe, bali anawatia nguvu pia za kuponya wagonjwa. Hivyo, wakati Yesu anapowasili muda mfupi baadaye, wengi watakuwa na hamu ya kukutana na Bwana ambaye wanafunzi wake wanaweza kufanya mambo hayo ya kustaajabisha.

Kuhubiri kwa wale 70 na kazi ya Yesu ya kufuatishia kuhubiri kwao, kunachukua wakati mfupi kwa kulinganishwa. Karibuni vile vikoa 35 vya wahubiri wa Ufalme vinaanza kurudia Yesu. “Bwana,” wao wanasema kwa shangwe, “hata mashetani wanafanywa wajitiishe kwetu kwa utumizi wa jina lako.” Hakika ripoti nzuri kama hiyo inasisimua Yesu, kwa maana yeye anaitikiza hivi: “Mimi nilianza kuona Shetani tayari amekwisha kuanguka kama umeme kutoka mbinguni. Tazama! Mimi nimewapa ninyi mamlaka ya kuwakanyaga-kanyaga nyoka na nge chini ya nyayo.”

Yesu anajua kwamba baada ya kuzaliwa kwa Ufalme wa Mungu wakati wa mwisho, Shetani na mashetani wake watatupwa nje watoke mbinguni. Lakini sasa mtupo huu wa mashetani wasioonekana unaofanywa na wanadamu wa kikawaida tu unatumika kama uhakikisho wa ziada wa tukio hilo linalokuja. Kwa hiyo, Yesu ananena juu ya anguko la wakati ujao la Shetani kutoka mbinguni kuwa ni uhakika. Kwa sababu hiyo, ni katika maana ya mfano kwamba wale 70 wanapewa mamlaka ya kukanyaga-kanyaga nyoka na nge. Hata hivyo, Yesu anasema: “Msishangilie jambo hili, kwamba wale roho wamefanywa wajitiishe kwenu ninyi, bali shangilieni kwa sababu majina yenu yameandikwa katika mbingu.”

Yesu ana shangwe nyingi sana, na anamsifu peupe Baba yake kwa kutumia hawa watumishi wake wanyenyekevu katika njia hii yenye nguvu. Akigeukia wanafunzi wake, yeye anasema: “Yenye furaha ni macho ambayo yanaona mambo ambayo ninyi mnaona. Kwa maana mimi nasema kwa ninyi, Wanabii wengi na wafalme walitamani kuona mambo ambayo ninyi mnaona lakini hawakuyaona, na kusikia mambo ambayo ninyi mnasikia lakini hawakuyasikia.” Luka 10:1-24; Mathayo 10:1-42; Ufunuo 12:7-12, NW.

◆ Ni wapi Yesu alipohubiri wakati wa miaka mitatu ya kwanza ya huduma yake, na ni eneo gani ambalo yeye anafanyia kazi katika miezi yake sita ya hatimaye?

◆ Ni wapi Yesu anakoelekeza wale 70 wakapate watu?

◆ Kwa nini Yesu alisema aliona Shetani akiwa tayari amekwisha kuanguka kutoka mbinguni?

◆ Ni katika maana gani wale 70 walikanyaga-kanyaga nyoka na nge?