Kichwa cha Mazungumzo
1 Utumishi Wetu wa Ufalme wa Aprili 1977 ulijulisha sehemu “Kichwa cha Mazungumzo” na ukatoa madokezo juu ya jinsi ingeweza kutumiwa kwa matokeo. Sisi sote tumenufaishwa na sehemu hii kwa muda wa miaka 12 iliyopita. Imesaidia wengi kufanyia maendeleo hali yao ya kuwa na matokeo katika kutoa habari njema.
2 Wakati wa miaka michache iliyopita, Kichwa cha Mazungumzo kipya kimejulishwa kila miezi mitatu au minne. Wakati ujao, huenda Huduma ya Ufalme Yetu ikabadili mara nyingi zaidi Kichwa cha Mazungumzo kilichodokezwa. Kwa kawaida, huenda kukawa na kichwa tofauti kila wakati toleo la fasihi linapobadilika. Hiyo itatusaidia kutoka kwa utaratibu zaidi kwenye utoaji wa Kimaandiko kuingia kwenye toleo la fasihi. Pia itaongeza unamna-namna mkubwa zaidi kwa huduma yetu.
KUBADILI-BADILI KICHWA CHA MAZUNGUMZO
3 Kwa kawaida, mtapata kwamba Kichwa cha Mazungumzo cha msingi kilichodokezwa chaweza kutumiwa kwenye kila mlango. Hata hivyo, yeyote asisite kubadili kichwa au kutumia kilicho tofauti ikiwa yaelekea kuna mafaa ya kufanya hivyo. Bila shaka, tunapozoeza wapya au wachanga, huenda ikafaa zaidi kufuata kwa ukaribu Kichwa cha Mazungumzo kilichodokezwa.
4 Bila shaka, mapainia na wote wanaofanyia kazi eneo lao mara nyingi, watapata kwamba inasaidia kutumia unamna-namna katika kichwa kilichodokezwa kuzuia utoaji wao usiwe wa kikawaida tu. Hali tofauti-tofauti huenda zikafanya iwe afadhali kutumia kichwa tofauti na kile kilichodokezwa katika Huduma ya Ufalme Yetu.
CHANZO CHA HABARI KWA AJILI YA UTOAJI
5 Tunapohisi uhitaji wa kuwa na Kichwa cha Mazungumzo tofauti, ni wapi twaweza kupata mawazo mengine ya kutumia? Matoleo yaliyopita ya Huduma ya Ufalme Yetu yatasaidia. Pia kile kichapo unachotoa chaweza kutumiwa kuwa chanzo cha kichwa cha mazungumzo chako. Chagua picha, andiko, au kichwa cha sura na kutoa utoaji mfupi kuamsha kupendezwa. Jaribu kuweka kitabu mikononi mwa huyo anayetazamiwa kuwa msomaji ili akiangalie mwenyewe. Huenda ukashangaa jinsi ilivyo rahisi kuangusha kitabu kwa njia hii. Baadaye, unapofanya ziara ya kurudia, waweza kueleza mambo mengi zaidi. Hivyo, fanya utoaji wa kwanza uwe mfupi.
6 Sisi sote twapaswa kuendelea kumwomba Yehova “ulimi wa waliofundishwa” ili tujue jinsi ya kufundisha wale tunaokuta katika maeneo yetu. (Isa. 50:4, NW) Ni tamaa yetu ya moyo mweupe kutumia Kichwa cha Mazungumzo kwa matokeo. Maisha ziko hatarini.—1 Tim. 4:16.