Kutimiza Huduma Yetu ya Ufalme Katika Kundi
1 Kupitia Yesu Kristo, Kichwa cha kundi la Kikristo, Yehova amemkabidhi daraka “mtumishi wa nyumba mwaminifu,” au msimamizi wa nyumba. (Luka 12:42, 43, NW) Mpango huo umefanya iwezekane kwetu kupokea mwelekezo uliochapwa kuhusu jinsi ‘tunavyopaswa kujiendesha wenyewe katika familia ya nyumba ya Mungu.’ (1 Tim. 3:15, NW) Chombo chetu kikuu cha kupata habari iliyochapwa ni Watch Tower Publications Index. Inaweza kukusaidiaje wewe?
2 Je! wewe ni mzee? Kuna vichwa viwili vya ujumla vinavyoshughulika na madaraka yako: “Wazee” na “Waangalizi.” Ile sehemu ya “Wazee” ina marejezo yaliyo mengi yanayoongoza kwenye habari juu ya kusaidia watu tofauti-tofauti kundini, jinsi ya kutoa shauri, na mahusiano miongoni mwa baraza la wazee, madaraka ya wazee, na kadhalika. Marejezo juu ya sifa za ustahili yanapatikana chini ya “Waangalizi,” kwa kuwa kichwa hicho ndio mtajo unaotumiwa na Biblia wakati wa kuzizungumzia. Pia chini ya “Waangalizi” mna migawo rasmi, kama vile “mwangalizi msimamizi,” “mwangalizi wa utumishi,” na “mwandishi.” Kichwa kikuu “Makundi” kitatoa pia habari yenye msaada.
3 Nyinyi mlio watumishi wa huduma mwatimiza fungu muhimu pia kundini. Kichwa “Watumishi wa Huduma” kinaorodhesha habari juu ya sifa za ustahili na madaraka yenu. Pia mtapata marejezo juu ya habari kuhusu umaana wa mapendeleo ya utumishi yanayofunguliwa kwenu na jinsi ya kufikilia madaraka zaidi.
4 Wote wazee na watumishi wa huduma huwa na mapendeleo kuhusiana na mikutano katika kundi. Kichwa “Mikutano” hutoa marejezo kwa kila upande wa habari hii, kutia na vielelezo vyenye kuchochea chini ya “jitihada za kuhudhuria.” Bila shaka, vilevile mna vichwa vikuu kwa kila mkutano.
5 Zaburi 68:11, NW husema: “Wanawake wanaosimulia habari njema ni jeshi kubwa.” Kama vile washiriki wa kiume wa kundi, akina dada pia lazima washikamane na mwenendo uwafaao katika familia ya nyumba ya Mungu. Nyakati nyingine maswali huzuka juu ya habari kama vile ni wakati gani inapokuwa lazima dada avae kifuniko cha kichwani au ni jambo gani lapasa kufanywa wakati hakuna ndugu aliyepo mwenye uwezo wa kuongoza mkutano fulani au kuwakilisha kundi katika sala. Kile kichwa “Wanawake” chaweza kukuelekeza kwenye vichwa vya habari hizo. Vyenye kusaidia pia ni vichwa “Akina Dada,” “Kufunika Kichwa,” na “Sala.”
6 Sehemu ya kumalizia ya 1 Timotheo 3:15, NW, hulitaja kundi la Kikristo kuwa “nguzo na tegemezo la kweli.” Ni pendeleo letu kutegemeza kweli tujiendeshapo wenyewe ifaavyo katika familia ya nyumba ya Mungu, tutimizapo huduma yetu ya Ufalme ndani ya kundi.