Kusanyiko la Mzunguko Litakalotusaidia Kulinda Hali Yetu ya Kiroho
1. Yehova ameandaa nini ili kutusaidia kutimiza utume wetu wa kueneza habari njema?
1 Yehova huandaa kwa wingi habari, mwongozo, na mambo yenye kutia moyo tunayohitaji ili tutimize utume aliotupa wa kueneza habari njema. (Mt. 24:14; 2 Tim. 4:17) Njia moja ya kunufaika na maandalizi hayo yote ni kuhudhuria kusanyiko letu la mzunguko la kila mwaka. Kusanyiko la mzunguko la mwaka wa utumishi wa 2010 lina kichwa “Linda Hali Yako ya Kiroho,” kinachotegemea Waroma 8:5 na Yuda 17-19. Litaanza katika juma la Agosti 31, 2009.
2. (a) Tutanufaika kwa njia zipi kwa kuhudhuria kusanyiko lijalo la mzunguko? (b) Makusanyiko ya mzunguko yaliyopita yamekusaidiaje katika huduma yako?
2 Jinsi Tutakavyonufaika: Katika kusanyiko hili tutahadharishwa kuhusu mambo yanayoweza kutukengeusha fikira au kula wakati wetu hivi kwamba tunashindwa kutimiza mambo yaliyo muhimu zaidi. Tutajifunza jinsi ya kuepuka mtazamo wa uendekevu, na kuelezwa jinsi tunavyoweza kuwa watu wenye sifa za kiroho. Mfululizo wa hotuba siku ya Jumapili utazungumzia jinsi mtu mmoja-mmoja na watu wa familia wanavyoweza kuchukua hatua ya kuimarisha hali yao ya kiroho ili kukabili majaribu makali ya imani na mashinikizo mbalimbali. Kusanyiko hili litatusaidia kulinda moyo wetu, kudumisha hali nzuri ya kiroho, na litatukumbusha kuhusu baraka za ajabu ambazo wale wanaolinda hali yao ya kiroho watapata.
3. Kusanyiko lenu la mzunguko lijalo litafanywa tarehe gani, na unapaswa kuazimia kufanya nini?
3 Mara unapojua tarehe na mahali pa kusanyiko lenu la mzunguko lijalo, fanya mpango wa kuhudhuria na kusikiliza kwa makini vipindi vyote, siku zote mbili. Uwe na hakika kwamba Yehova anabariki mikono ya mwenye bidii.—Met. 21:5.
4. Kusanyiko letu la mzunguko lijalo litatusaidiaje?
4 Naam, Yehova ndiye anayeandaa zawadi hii njema. Programu ambayo imetayarishwa na mtumwa mwaminifu ni maandalizi ambayo yatatusaidia sana kuendelea na huduma ya Kikristo. Tunamshukuru Yehova kwa maandalizi yote anayofanya kwa upendo ili kutusaidia ‘kushika imara tangazo la hadharani la tumaini letu bila kuyumba-yumba.’—Ebr. 10:23-25; Yak. 1:17.