Wasaidie Wanafunzi Wako wa Biblia Kusitawisha Uhusiano wa Kibinafsi Pamoja na Yehova

Yehova anataka tumtumikie kwa sababu tunampenda. (Mt 22:37, 38) Ni upendo kwa Mungu ambao utawapa wanafunzi wa Biblia nguvu za kufanya mabadiliko yanayohitajika na kusimama imara chini ya majaribu. (1Yo 5:3) Ni upendo wao kwa Mungu utakaowachochea kubatizwa.

Wasaidie wanafunzi wako waone jinsi Mungu anavyowapenda. Uliza maswali kama vile: “Jambo hili linakufundisha nini kumhusu Yehova?” au “Jambo hili linaonyeshaje kwamba Mungu anakupenda?” Wasaidie kuelewa jinsi Yehova anavyowasaidia wao kibinafsi. (2Nya 16:9) Waonyeshe mifano ya jinsi Yehova amejibu sala zako hususa, na uwatie moyo watambue jinsi Yehova anavyojibu maswali yao. Shangwe kubwa hutokea tunapowaona wanafunzi wa Biblia wakiitikia upendo wa Yehova na kuonyesha kwamba wangependa kuwa rafiki zake.

TAZAMENI VIDEO YENYE KICHWA WASAIDIE WANAFUNZI WAKO WA BIBLIA KUSITAWISHA UHUSIANO WA KIBINAFSI PAMOJA NA YEHOVA, KISHA MJIBU MASWALI YAFUATAYO:

• 

  Lulu alikabili kizuizi gani?

• 

  Neema alimsaidiaje Lulu?

• 

  Lulu alifauluje kushinda kizuizi hicho?