Maelezo ya Chini

c Kwa kielelezo: (1) Kufikia karne ya 16, harakati za kupinga fundisho la Utatu zilikuwa zenye nguvu katika Ulaya. Kwa kielelezo, Ferenc Dávid (1510-1579), Mhungaria, alijua na alifundisha kwamba fundisho la Utatu halikuwa la Kimaandiko. Kwa sababu ya imani zake, yeye alifia gerezani. (2) Minor Reformed Church, ambalo lilisitawi katika Poland kwa miaka mia moja hivi wakati wa karne ya 16 na ya 17, pia lilikataa Utatu, na wafuasi wa kanisa hilo walieneza fasihi yalo kotekote katika Ulaya, mpaka Wayesuiti walipofanikiwa kuwafanya wafukuzwe kutoka Poland. (3) Sir Isaac Newton (1642-1727), katika Uingereza, alikataa fundisho la Utatu na akaandika sababu zenye habari nyingi za kihistoria na za Kimaandiko za kufanya hivyo, lakini yeye hakuzitangaza wakati wa maisha yake, kwa wazi, kwa sababu ya kuogopa matokeo. (4) Miongoni mwa wengine katika Marekani, Henry Grew alifichua Utatu kuwa si wa kimaandiko. Katika 1824 aliandika habari nyingi juu ya jambo hilo katika An Examination of the Divine Testimony Concerning the Character of the Son of God.