• Alifarijiwa na Mungu Wake
    Mnara wa Mlinzi—2011 | Julai 1

    • Kabla hajaelewa vizuri kilichokuwa kikiendelea, moto mkubwa ulipita, ukimlazimisha arudi ndani ya pango ili asiunguzwe na joto kali.—1 Wafalme 19:11, 12.

      Katika kila moja ya matukio hayo, simulizi hilo linatuambia kwamba Yehova hakupatikana katika maonyesho hayo yenye kustaajabisha ya nguvu za asili. Eliya alijua kwamba Yehova si kama mungu wa kuwaziwa, kama vile Baali, ambaye alitukuzwa na waabudu wake waliodanganywa kuwa yeye ni “Mwendeshaji wa Mawingu,” au mleta mvua. Yehova ndiye Chanzo halisi cha nguvu zote zisizo na kifani zinazopatikana katika vitu vya asili, lakini pia ni mkuu sana kuliko kitu chochote alichoumba. Hata mbingu haziwezi kumtosha! (1 Wafalme 8:27) Hayo yote yalimsaidia Eliya jinsi gani? Kumbuka kwamba alikuwa na woga. Akiwa na Mungu kama Yehova, mwenye nguvu nyingi sana, Eliya hakupaswa kuwaogopa Ahabu na Yezebeli!—Zaburi 118:6.

      Baada ya moto kupita, kimya kilitokea na Eliya akasikia “sauti tulivu, ya chini.” Ilimkaribisha ajieleze tena, naye akafanya hivyo, akieleza mahangaiko yake yote kwa mara ya pili.b

  • Alifarijiwa na Mungu Wake
    Mnara wa Mlinzi—2011 | Julai 1

    • b “Sauti tulivu, ya chini” inaweza kuwa ya yule malaika aliyetumiwa kupeleka “neno la Yehova” anayetajwa katika 1 Wafalme 19:9. Mstari wa 15 unamtaja “Yehova” ambaye anawakilishwa na, malaika huyo. Huenda tukakumbuka mjumbe kutoka kwa Yehova ambaye alitumiwa kuwaongoza Waisraeli nyikani na ambaye Mungu alisema hivi kumhusu: “Jina langu limo ndani yake.” (Kutoka 23:21) Bila shaka, hatuwezi kusema kwa hakika kabisa kuhusu hilo, hata hivyo, tunapaswa kukumbuka kwamba kabla ya kuwa binadamu, Yesu alitumika akiwa “Neno,” Msemaji maalumu wa Yehova kwa watumishi wake.—Yohana 1:1.