“Kwa Ajili ya Watumishi Wangu”

11. Yehova anaonyeshaje kwamba ataokoa mabaki waaminifu?

¹¹ Je, Yehova atawaonyesha rehema waaminifu walio miongoni mwa watu wake? Isaya anaeleza hivi: “BWANA asema hivi, Kama vile divai mpya ipatikanavyo katika kichala, na mtu mmoja husema, Usikiharibu kwa maana mna baraka ndani yake; ndivyo nitakavyotenda kwa ajili ya watumishi wangu, ili nisiwaharibu wote.

Isaya 65:8,

Akiwalinganisha watu wake na kichala cha zabibu, Yehova anatumia mfano wanaoweza kuuelewa kwa urahisi. Zabibu ni tele nchini, na divai inayotayarishwa kutokana na zabibu ni baraka kwa wanadamu. (Zaburi 104:15) Huenda ikawa kwamba wazo linalotolewa hapa ni lile la kichala ambacho kina zabibu kadhaa nzuri, na nyingine zisizo nzuri. Au huenda ikawa kwamba kichala kimoja ndicho kizuri, lakini vichala vile vingine havijaiva au vimeoza. Vyovyote vile, mtunza-mizabibu hataharibu zabibu nzuri. Hivyo Yehova anawahakikishia watu wake kwamba hataliharibu taifa hilo kabisa bali ataachilia mabaki waaminifu.