-
Mtegemee Yehova Ili Kupata FarajaMnara wa Mlinzi—1996 | Novemba 1
-
-
14. (a) Yesu alitoa ahadi gani usiku wa kutangulia kifo chake? (b) Ni nini cha lazima ikiwa tutanufaika kikamili kutokana na faraja ya roho takatifu ya Mungu?
14 Usiku wa kabla ya kifo chake, Yesu aliwadhihirishia wanafunzi wake kwamba karibuni angewaacha na kurudi kwa Baba yake. Hilo liliwataabisha na kuwahuzunisha. (Yohana 13:33, 36; 14:27-31) Akitambua uhitaji wao wa faraja yenye kuendelea, Yesu aliahidi hivi: “Nami hakika nitamwomba Baba naye atawapa nyinyi mfariji mwingine awe pamoja nanyi milele.” (Yohana 14:16, NW, kielezi-chini) Hapa Yesu alirejezea roho takatifu ya Mungu, iliyomwagwa juu ya wanafunzi wake siku 50 baada ya kufufuliwa kwake.a Miongoni mwa mambo mengine, roho ya Mungu iliwafariji wakati wa majaribu yao na kuwatia nguvu ili waendelee kufanya mapenzi ya Mungu. (Matendo 4:31) Hata hivyo, msaada huo haupasi kuonwa ukiwa kitu cha moja kwa moja. Ili kunufaishwa nao kikamili, kila Mkristo lazima aendelee kusali ili kupata msaada wenye kufariji ambao Mungu huandaa kupitia roho yake takatifu.—Luka 11:13.
-
-
Mtegemee Yehova Ili Kupata FarajaMnara wa Mlinzi—1996 | Novemba 1
-
-
a Mmojawapo utendaji-kazi mkubwa wa roho ya Mungu juu ya Wakristo wa karne ya kwanza ulikuwa kuwatia-mafuta kuwa wana wa kiroho walioasilishwa wa Mungu na ndugu za Yesu. (2 Wakorintho 1:21, 22) Hilo wamewekewa wale wanafunzi wa Kristo 144,000 tu. (Ufunuo 14:1, 3) Leo Wakristo walio wengi wamepewa kwa fadhili tumaini la uhai udumuo milele kwenye dunia iliyo paradiso. Ingawa hawatiwi mafuta, wao pia wanapokea msaada na faraja ya roho takatifu ya Mungu.
-