Mjawe Na Shangwe

‘Wanafunzi walijaa furaha na roho takatifu.’—Matendo 13:52.

 1. (a) Shangwe ni tunda la aina gani? (b) Mungu anapasa kutukuzwa kwa utoaji gani wenye shangwe?

SHANGWE! Sifa hii ya Kikristo imepangwa ikiwa ya pili kwa kutanguliwa na upendo tu katika elezo la Paulo juu ya tunda la roho. (Wagalatia 5:22-25, NW) Na ni nini kinacholeta shangwe hiyo? Ni zile habari njema ambazo malaika wa Mungu alitangaza kwa wachungaji wanyenyekevu miaka zaidi ya 1,900 iliyopita: “Nimewaleteeni habari njema ya furaha kuu kwa watu wote. Kwa maana, leo hii katika mji wa Daudi amezaliwa Mwokozi kwa ajili yenu, ndiye Kristo Bwana.” Ndipo kikundi cha malaika kikatokea na kujiunga na malaika huyo katika kumsifu Mungu kwa shangwe na kusema hivi: “Utukufu kwa Mungu juu mbinguni, na amani duniani kwa watu aliopendezwa nao [watu wa nia njema, NW].”—Luka 2:10-14, HNWW.

2, 3. (a) Kwa nini ilifaa kwamba Mungu atume Mwana wake mzaliwa wa kwanza awe Mkombozi wa ainabinadamu? (b) Ni katika njia gani nyinginezo Yesu alitumikia makusudi ya Mungu akiwa duniani?

² Nia njema ya Yehova kuelekea wanadamu inaonyeshwa katika kutoa wokovu kupitia Kristo Bwana. Huyu Mwana mzaliwa wa kwanza wa Mungu ndiye ufananisho wa hekima ya kweli na anaelezwa kuwa akisema hivi juu ya Baba yake wakati wa uumbaji: “Mimi ndipo nikawa kando yake nikiwa mfanya kazi imara na thabiti, mimi ndipo nikajaa upendezo siku kwa siku, nikiwa na furaha nyingi sana katika kila pindi; nikiwa na furaha nyingi sana katika ile nchi yenye matunda ya dunia yake, naam ujazo wangu wa upendezo ulikuwa pamoja na wana wa wanadamu.”—Mithali 8:30, 31, Rotherham.

³ Kwa hiyo, ilifaa kwamba Yehova akatuma Mwana huyu, aliyepata upendezo mwingi sana katika wana wa wanadamu, ili awe Mkombozi wa ainabinadamu. Na hii ingeletaje utukufu kwa Mungu? Ingemfungulia njia ya kutimiza kusudi lake tukufu la kujaza dunia wanadamu waadilifu walio wapenda amani. (Mwanzo 1:28) Zaidi ya hilo, Mwana huyu, Yesu, akiwa duniani angeonyesha chini ya jaribu kali kabisa kwamba binadamu mkamilifu anaweza kwa uaminifu-mshikamanifu kumtii Yehova Bwana Mwenye Enzi Kuu, hivyo kutetea utawala wa haki wa Baba yake juu ya uumbaji Wake. (Waebrania 4:15; 5:8, 9) Pia mwendo wa Yesu wa kushika uaminifu wa kimaadili uliachia Wakristo wote wa kweli kiolezo cha kufuata hatua zake kwa ukaribu.—1 Petro 2:21.

 4. Uvumilivu wa Yesu unatokeza shangwe gani kubwa, na hii inapasa kututiaje moyo?

⁴ Yesu alipata shangwe inayozidi kwa kufanya hivyo mapenzi ya Baba yake, na hiyo ikiwa ni kwa kutazamia shangwe kubwa hata zaidi, kama vile mtume Paulo anavyoonyesha kwenye Waebrania 12:1, 2, NW: “Acheni sisi tukimbie kwa uvumilivu katika shindano la mbio ambalo limewekwa mbele yetu sisi, tunapotazama kwa mkazo sana Wakili Mkuu na Mkamilishaji wa imani yetu, Yesu. Kwa sababu ya shangwe ambayo iliwekwa mbele yake yeye alivumilia mti wa mateso, akidharau aibu, na amekaa kwenye mkono wa kulia wa kiti cha ufalme cha Mungu.” Ni shangwe gani hii? Ni shangwe ambayo Yesu anayo, si katika kutakasa jina la Baba yake na kukomboa ainabinadamu kutoka kwenye kifo tu bali pia katika kutawala akiwa Mfalme na Kuhani wa Juu anaporudisha ainabinadamu watiifu kwenye uhai usioisha katika dunia paradiso.—Mathayo 6:9, 10; 20:28; Waebrania 7:23-26.

 5. “Ndugu” za Yesu ni nani, nao wanashiriki katika shangwe gani isiyo na kifani?

⁵ Ndiyo, sikuzote Mwana wa Mungu amepata shangwe katika kutumikia ainabinadamu. Na imekuwa shangwe yake kutumikia pamoja na Baba yake katika kuchagua kile kikundi cha wanadamu wanaoshika uaminifu wa kimaadili ambao anawaita “ndugu” zake na ambao wanapokufa wanafufuliwa mbinguni. Hawa wanaingia katika shangwe isiyo na kifani pamoja na Yesu wanatamkwa kuwa ‘wenye furaha na watakatifu,’ nao “watakuwa makuhani wa Mungu na wa Kristo, na watatawala wakiwa wafalme pamoja na yeye kwa miaka elfu.”—Waebrania 2:11; Ufunuo 14:1, 4; 20:6, NW.

 6. (a) Ni mwaliko gani wenye shangwe ambao Mfalme anatolea “kondoo wengine” wake? (b) Ni mapendeleo gani ambayo wengi wa kondoo hawa wanaonea shangwe leo?

⁶ Tena, umati mkubwa wa “kondoo wengine,” ambao Mfalme anayetawala anatenga kwenye mkono wake wa kulia wa kibali, wanapokea mwaliko wake: “Njoni, mliobarikiwa na Baba yangu, urithini ufalme mliowekewa tayari tangu kuumbwa ulimwengu.” (Yohana 10:16; Mathayo 25:34) Lo, ni pendeleo lenye shangwe kama nini! Kati ya hawa ambao watarithi makao ya kidunia ya Ufalme, wengi hata sasa wanakubali migawo yenye madaraka kando ya wapakwa-mafuta, kama vile Yehova alivyotabiri: “Wageni watasimama na kulisha makundi yenu, na watu wa kabila nyingine watakuwa wakulima wenu, na watunzaji wa mizabibu yenu. Bali ninyi mtaitwa makuhani wa BWANA [Yehova, NW]; watu watawaiteni wahudumu wa Mungu wetu.” Wote hawa wanajiunga na nabii wa Mungu katika kusema: “Nitafurahi sana katika BWANA [Yehova, NW], nafsi yangu itashangilia katika Mungu wangu; maana amenivika mavazi ya wokovu.”—Isaya 61:5, 6, 10.

 7. Kwa nini “siku” hii ya tangu 1914 ni ya pekee sana?

⁷ Sasa tunaishi katika siku ya pekee sana. Tangu 1914 imekuwa siku ya utawala wa Kristo akiwa Mfalme wa kimbingu, anayeelezwa kwenye Zaburi 118:24, 25: “Siku hii ndiyo aliyoifanya BWANA [Yehova, NW], tutashangilia na kuifurahia. Ee BWANA [Yehova, NW], utuokoe, twakusihi; Ee BWANA [Yehova, NW], utufanikishe, twakusihi.” Hii ndiyo siku ambayo itafikia kilele Yehova anapoleta hukumu juu ya dini ya Kibabuloni na kuunganisha bibi-arusi wa Kristo aliye ndugu 144,000 wawe pamoja na Mfalme wao wa kimbingu. Watu wote wa Mungu ‘watashangilia na kufurahia’ jambo hili. Pia watashangilia wakati Mfalme wao wa Kimesiya anapopigana kwenye Har–Magedoni kuokoa taifa lake lenye uaminifu-mshikamanifu liingie katika ulimwengu mpya wenye uadilifu. (Ufunuo 19:1-7, 11-16) Je! Yehova anawapa watu wake mafanikio wanapotangaza tumaini hili lenye shangwe? Ripoti inayofuata itaeleza.

Mpanuko wa Duniani Pote

 8. (a) Shangwe pamoja na roho takatifu inaonekanaje katika ripoti iliyo katika kurasa 18 mpaka 21 za gazeti hili? (b) Ni nini mengine ya mambo makuu ya ripoti hiyo?

⁸ Mashahidi wa Yehova wa ki-siku-hizi ‘wanakuwa na utele wa tumaini pamoja na nguvu ya roho takatifu.’ (Warumi 15:13, NW) Hii inaonyeshwa katika mchoro wa maeneo ulio katika kurasa 18 mpaka 21 za gazeti hili, ambapo ripoti ya duniani pote ya utumishi wa Ufalme kwa 1990 imepangwa kwa urefu. Tunashangilia kama nini kuona kilele kipya cha wahudumu watendaji katika shamba! Hii inatia alama ongezeko la asilimia wakati wa miaka kumi iliyopita, wakati mkusanyo wa kondoo unaposonga mbio katika nchi kuzunguka ulimwengu. Waliobatizwa walikuwa hesabu bora kabisa ya , [kilele 297,872, 1974]. Hesabu za wenye kubatizwa zilikuwa za juu isivyo kawaida kwenye mikusanyiko mingi, hasa ile iliyohudhuriwa na Mashahidi kutoka Ulaya ya Mashariki. Miongoni mwa hawa mlikuwa na vijana wengi, wakionyesha uwongo wa lile dai la kiujamaa kwamba dini ingekufa pamoja na vizee vya zamani.

 9. (a) Mazoezi ya mapema kutoka kwa wazazi yanaleta tokeo gani lenye shangwe? (b) Ni maono gani ya kwenu au mengineyo yanayoonyesha wazi jambo hili?

⁹ Umati wa vijana wanajibu mwito ulio kwenye Zaburi 32:11: “Mfurahieni BWANA [Yehova, NW]; shangilieni, enyi wenye haki. Pigeni vigelegele vya furaha; ninyi nyote mlio wanyofu wa moyo.” Inaonekana kwamba wazazi wengi wanatumia shauri la kuzoeza watoto wao “tangu utoto.” (2 Timotheo 3:15) Vitabu na kanda za kaseti zinazotolewa kwa wenye umri mchanga vinatumiwa vizuri. Vijana hawa wanapoingia shule, upesi wanatoa ushahidi mzuri, kama yule msichana Mjapani wa miaka minane aliyeripoti hivi: “Baada ya likizo la kiangazi, nilifikia mwalimu wangu wa kike nikamwomba hivi: ‘Je! ulitembelea kaburi la baba yako wakati wa likizo?’ Akajibu: ‘Ndiyo, baba yangu alikuwa kipenzi sana, nami huwa ninatembelea kaburi lake kila mwaka.’ Nikasema: ‘Ukijifunza Biblia na kufuata mafundisho ya Mungu, utaweza kumwona baba yako mwenye upendo katika paradiso ya kidunia.’ Halafu nikampa Kitabu Changu cha Hadithi za Biblia. Sasa mwalimu wetu anasomea darasa zima sura moja ya kitabu hiki kila juma wakati wa chakula cha mchana.”

10. Ni kusudi gani jema limetimizwa na kitabu Young People Ask, na kuna mifano gani ya hilo?

¹⁰ Vijana-matineja wametumia vizuri kitabu Questions Young People Ask—Answers That Work, kwa funzo la kipekee na pia katika kutolea ushahidi vijana wengine. Wazazi pia wamethamini kitabu hiki. Dada mmoja katika Uswisi, aliyeandikishwa kuwa painia msaidizi, aliamua kutembelea wazazi wa wanashule wenzi wa mtoto wake. Hii ilitoa nafasi ya mazungumzo mazuri pamoja na wazazi wengi, na vitabu 20 (sana-sana Young People Ask) na magazeti 27 yakaachwa nao. Msichana mmoja wa shule katika Trinidad alipoangushia mwalimu wake kitabu hiki shuleni, mama yake alifuatisha jambo hilo, akigawanya nakala 25 miongoni mwa wafanya kazi ambao ni 36. Aliendelea mpaka mwezi uliofuata akielekeza uangalifu wa pekee kwa wazazi aliowajua kibinafsi, akigawanya vitabu vingine 92 na kuanzisha mafunzo mapya ya Biblia nyumbani. Katika Korea mwalimu mmoja wa shule ya madarasa ya kati alitumia kitabu Young People Ask katika kutoa mahubiri mafupi juu ya vichwa kama “Naweza Kufanyiaje Maendeleo Viwango Vyangu vya Mtihani?” na “Nawezaje Kupatana na Mwalimu Wangu” halafu akatoa kitabu hicho. Baada ya wanafunzi kukubali vitabu 39, wazazi fulani walianza kulalamika. Lakini mwalimu msimamizi akachunguza nakala moja, akaijulisha wazi kuwa “nzuri ajabu,” na kuagiza moja kwa ajili ya binti yake mwenyewe.

Elimu Iliyo Bora Zaidi

11, 12. Ni nini nyingine za shuhuda za uhakika wa kwamba vichapo vya Watch Tower Society vinatoa elimu nzuri sana?

¹¹ Thamani ya elimu katika magazeti inashukuriwa na wengi pia, kwa mfano kama ile shule ya United States iliyoagiza nakala 1,200 za Amkeni! (la Kiingereza) la Julai 22, 1990 (lenye kufichua utumizi mbaya wa dawa ya kulevya ya kraki) ili litumiwe katika madarasa yake. Zaidi ya hilo, mwenendo wa kuweka mfano mwema wa watoto wa Mashahidi wa Yehova unaendelea kuvutia. Katika darasa moja lenye makelele katika Thailand, mwalimu wa kike alimwita Racha wa miaka 11 mbele ya darasa akampongeza kwa mwenendo wake mwema, akisema hivi: “Kwa nini nyinyi nyote msifuate mfano wake? Yeye ana bidii ya uendelevu katika masomo yake na anajiendesha vema.” Halafu mwalimu akaongezea hivi: “Basi, mimi naona ingekuwa lazima mwe Mashahidi wa Yehova kama Racha ili kufanyia maendeleo mwenendo wenu.”—Linganisha Mithali 1:8; 23:22, 23.

¹² Dada mchanga katika Jamhuri ya Dominika anaandika hivi: “Nilipokuwa na miaka minne tu, nilikuwa karibu kumaliza darasa la kidini la kutangulia kwenda shule, ambako nilijifunza kusoma na kuandika. Ili kutoa zawadi, nilimpa mtawa wa kike aliyekuwa mwalimu wangu kitabu Unaweza Kuishi Milele Katika Paradiso Duniani pamoja na ujumbe huu: “Nina shukrani sana kwamba wewe ulinifundisha kusoma na kuandika. Naona ingefaa wewe uielewe imani yangu pia na upate kuwa na tumaini langu la kuishi milele katika dunia hii itakapofanywa paradiso.’ Kwa kufanya hivyo niliondoshwa shuleni. Miaka minane baadaye nilikutana tena na mwalimu huyu. Alisimulia jinsi alivyoweza kusoma kitabu hicho, ijapokuwa alipingwa sana na padri. Alihamia mji mkuu, ambako aliweza kujifunza Biblia na Shahidi mmoja. Alikuwa mwenye kubatizwa pamoja na mimi kwenye ‘Lugha Iliyo Safi.’” Kama ilivyosemwa kwa unabii, hekima inaweza kutoka kwenye “vinywa vya watoto wachanga”!—Mathayo 21:16; Zaburi 8:1, 2.

13. Matineja wengi wanaitikiaje shauri la Sulemani, na hilo linaonekanaje katika ripoti ya ulimwenguni pote?

¹³ Sulemani alitoa shauri hili lenye kutia moyo: “Wewe, kijana, uufurahie ujana wako, na moyo wako ukuchangamshe siku za ujana wako, ukaziendee njia za moyo wako.” (Mhubiri 11:9) Ni upendezo leo kuona watoto wengi sana wa Mashahidi wa Yehova wakitumia maneno haya, wakitumia miaka yao ya utineja kujitayarisha kwa ajili ya maisha ya kutumikia Yehova wakati wote na kuingia katika kazi-maisha hii iliyo bora kuliko zote wanapomaliza shule. Hesabu za mapainia zinaendelea kuongezeka kwa haraka sana, kukiwa na 821,108 wenye kuriporti mwakani. Pamoja na wale ndugu na dada 11,092 waliotumikia katikaBetheli, hiyo inawakilisha asilimia 21 ya jumla ya wahubiri!

14. Ni mchango gani ambao dada zetu wanafanya, nao wanastahili pongezi gani?

¹⁴ Ni jambo la kupendeza kwamba katika nchi nyingi, kama vile United States, karibu asilimia 75 ya wahubiri wote mapainia ni akina dada, hiyo ikitilia nguvu maneno ya Zaburi 68:11: “Bwana [Yehova, NW] analitoa neno lake; wanawake watangazao habari ni jeshi kubwa.” Dada zetu wanapasa kupongezwa kwa sababu ndio wanaofanya sehemu kubwa zaidi ya kazi ya shamba. Kufundisha kwao kwa ustadi kwenye mafunzo ya Biblia nyumbani kunaongoza wengi kwenye ukweli, na dada waliofunga ndoa ambao kwa uaminifu-mshikamanifu wanawaunga mkono waume zao wenye wajibu mwingi wa kundi wanapasa kusifiwa kwa uchangamfu pia.—Mithali 31:10-12; Waefeso 5:21-25, 33.

Elimu ya Biblia Inasitawi Sana

15. (a) Nchi fulani ambazo zimepangwa orodhani katika ripoti ya ulimwenguni pote zimekuwaje bora zaidi katika utendaji wa mafunzo ya Biblia nyumbani? (b) Wewe unaweza kusimulia maono gani, kuonyesha jinsi mafunzo ya Biblia yanavyoweza kuzaa matunda?

¹⁵ Kazi ya elimu ya Biblia inasitawi sana, mafunzo yakiongozwa ulimwenguni pote katika mahali ambapo kwa wastani ni kila mwezi. Ukweli wa Biblia unaweza kubadili utu, kama vile ripoti moja kutoka kule chini inavyoonyesha. Mapema katika Januari 1987, mwanamume mmoja aliondoshwa rasmi katika Australia kupelekwa New Zealand baada ya kutumika kifungo cha miezi 25 kwa wizi na kujitambulisha kwa uwongo. Alikuwa amezoea dawa za kulevya na pia akaziuza kwa miaka zaidi ya 17. Mwaka uliofuata mke wake alianza kujifunza Biblia na Mashahidi wa Yehova, na maarifa yake yalipokuwa yakiongezeka, aliona badiliko kubwa katika mwenendo wa mke. Akawa mke na mama bora. Kwa kuhimizwa-himizwa na mke wake, mwanamume huyo alihudhuria kusanyiko la mzunguko katika Juni 1989. Sasa akakubali funzo la Biblia nyumbani, na mabadiliko makubwa yakaanza kuonwa katika sura na mtindo-maisha wake. Washiriki wote saba wa familia wakaanza kuhudhuria mikutano. Yeye alibatizwa katika Januari 1990 akiwa mmoja aliyekuwa amefuata shauri bora kabisa la Paulo kwenye Waefeso 4:17-24.

16. (a) Ni jinsi gani ripoti za Ukumbusho wa 1990 zilivyo chanzo cha shangwe? (b) Ni uharaka gani unaopasa kuonwa, na ni jitihada gani ambayo sisi tunapaswa kufanya ili kusaidia?

¹⁶ Sehemu ya kutokeza ya ripoti ya mwaka ni lile hudhurio lisilopata kuwako la kwenye mwadhimisho wa Ukumbusho, uliofanywa Jumanne, Aprili 10, 1990. Zaidi ya 70 kati nchi 212 ziliripoti mahudhurio yaliyokuwa mara tatu zaidi ya kilele chao cha wahubiri! Kwa mfano, ijapokuwa vizuizi, nchi saba za Kiafrika zenye kilele kilichounganishwa cha wahubiri 62,712 ziliripoti hudhurio la Ukumbusho la 204,356. Wale wahubiri 1,914 wa Liberia yenye kujaa ugomvi walishangilia kuwa na 7,811 kwenye Ukumbusho. Haiti, ikiwa na kilele cha wahubiri 6,427 iliripoti 36,551. Wale wahubiri 886 walio katika visiwa vilivyotapakaa vya Micronesia wakawa na 3,958. Wahubrii 1,298 wa Sri Lanka waliripoti 4,521, na Zambia, ikiwa wa wahubiri 73,729, ilikuwa na 326,991 wenye kuhudhuria Ukumbusho, uwiano wa mtu mmoja kwa 25 wa idadi ya wakaaji wa Zambia. Ripoti ya duniani pote inafunua tena kwamba kuna mamilioni ya watu wenye mioyo myeupe wanaongoja kukusanywa kuingia katika zizi la kondoo. Lakini weupe wa moyo hautoshi. Je! tunaweza kuongeza na kuendeleza ubora wa kazi yetu ya mafunzo ya Biblia nyumbani, ili kujenga imani imara zaidi katika hawa wenye kupendezwa? Tunawataka wawe waandamani wetu watendaji, wenye kusifu Yehova. Hiyo inahusu maisha zao zenyewe!—Zaburi 148:12, 13; Yohana 17:3; 1 Yohana 2:15-17.

Ujazo wa Shangwe

17. Ni mifano gani ya karne ya kwanza inapasa kusaidia kuimarisha hali yetu ya kuazimia kushikilia sana shangwe yetu?

¹⁷ Hata yawe ni majaribu gani yanayotuelekea, acheni tuazimie kushikilia sana shangwe yetu. Labda haitakuwa lazima tupite katika ono gumu sana kama lile la Stefano, hata hivyo mfano wake unaweza kutuimarisha. Akiwa chini ya shtaka, aliweza kudumisha utulivu wake wenye shangwe. Adui zake “wakamwona uso wake kuwa kama uso wa malaika.” Mungu alisimama upande wake wakati wa shida yake kubwa. Yeye alitoa ushahidi kijasiri, akiwa ‘amejaa roho takatifu’ mpaka kwenye kifo chake cha kufia imani. Paulo na Barnaba walipogeukia mataifa katika kuhubiri kwao, hawa pia ‘walianza kushangilia na kutukuza neno la Yehova.’ Mateso yalitokea tena. Lakini hayakutisha wale walioamini. “Wanafunzi waliendelea kujawa na shangwe na roho takatifu.” (Matendo 6:15; 7:55; 13:48-52, NW) Hata adui zetu watutende nini, hata majaribu yetu maishani yawe nini kila siku, ni lazima tusiache kamwe shangwe yetu ya roho takatifu izimishwe. Paulo anashauri hivi: “Kwa tumaini, mkifurahi; katika dhiki, mkisubiri; katika kusali, mkidumu.”—Warumi 12:12.

18. (a) Yerusalemu Mpya ni nini, na kwa nini watu wa Mungu wanapaswa kushangilia pamoja naye? (b) “Mbingu mpya na dunia mpya” zitabarikije ainabinadamu?

¹⁸ Tumaini hilo ni zuri kama nini! Kwa watu wake wote, Yehova anajulisha rasmi hivi: “Maana, tazama, mimi ninaumba mbingu mpya na dunia mpya, na maneno ya kwanza hayatakumbukwa, wala hayataingia moyoni. Lakini mufurahi, na mushangilie daima, kwa ajili ya hivi ninavyoumba.” Kristo yule Bwana pamoja na “Yerusalemu Mpya” (ambalo sasa ni jiji kuu la tengenezo la kimbingu la Mungu, “Yerusalemu wa juu”) na jamii ya ulimwengu mpya duniani wataletea ainabinadamu shangwe tele. (Wagalatia 4:26) Kufufuliwa kwa wafu wa kibinadamu, kuinuliwa kwa watiifu wote wafikie uhai wa milele katika ukamilifu wa kibinadamu, umilele wa maisha yenye mafaa na yenye kujaa uchangamfu katika dunia-paradiso—lo, hilo ni tumaini na sababu bora kama nini ya kufurahi sana! Kama vile Yehova mwenyewe ‘anavyoshangilia Yerusalemu na kufurahia watu wake,’ ndivyo nabii wake anavyotolea watu wa Mungu mwito huu zaidi: “Furahini pamoja na Yerusalemu, shangilieni kwa ajili yake, ninyi nyote mmpendao; furahini pamoja naye kwa furaha.” (Isaya 65:17-19, ZSB; 66:10; Ufunuo 14:1; 20:12, 13; 21:2-4, UV) Sikuzote na tujawe na shangwe na roho takatifu tunapotii onyo la upole la Paulo: “Furahini katika Bwana sikuzote; tena nasema, Furahini.”—Wafilipi 4:4.

Kufanya Muhtasari wa Shangwe Yetu:

◻ Yesu ametuachia kiolezo gani cha uvumilivu wenye shangwe?

◻ Vikundi viwili vilivyojiweka wakfu vina sababu gani za kushangilia?

◻ Vijana na wazee leo wanashangiliaje katika ukweli?

◻ Kwa kuipitia ripoti ya 1990, ni jibu gani ambalo sasa linapewa kwa ile sala, ‘Yehova, utufanikishe, twakusihi’?

◻ Ni wakati gani na jinsi gani ujazo wa shangwe utapatikana?

[Chati katika ukurasa wa 18-21]

RIPOTI YA MWAKA WA UTUMISHI WA 1990 WA MASHAHIDI WA YEHOVA ULIMWENGUNI POTE

(Ona buku lililojalidiwa)

[Picha katika ukurasa wa 16]

Malaika wa Yehova alitangaza uzaliwa wa Kristo yule Bwana kuwa ‘habari njema za shangwe kubwa’