-
Thamini Zawadi ya UhaiFurahia Maisha Milele!—Masomo ya Kujifunza Biblia
-
-
2. Tunawezaje kumwonyesha Yehova kwamba tunathamini zawadi ya uhai?
Tangu ulipokuwa tumboni kabla hujazaliwa, Yehova alikutunza. Katika Biblia, Daudi mtumishi wa Yehova alisali hivi: “Macho yako hata yaliniona nikiwa kiinitete.” (Zaburi 139:16) Uhai wako ni wenye thamani kubwa machoni pa Yehova. (Soma Mathayo 10:29-31.) Yehova huhuzunika sana mtu anaposababisha kimakusudi kifo cha mtu mwingine, au hata kifo chake mwenyewe.a (Kutoka 20:13) Yehova huhuzunika pia tunapohatarisha uhai wetu isivyo lazima au tunapokosa kuchukua tahadhari ili kulinda uhai wa wengine. Tunapolinda uhai wetu na kuheshimu uhai wa watu wengine, tunaonyesha kwamba tunathamini zawadi bora ya uhai.
-
-
Thamini Zawadi ya UhaiFurahia Maisha Milele!—Masomo ya Kujifunza Biblia
-
-
a Yehova anawajali sana watu waliovunjika moyo. (Zaburi 34:18) Anaelewa hisia zenye kuhuzunisha ambazo hufanya watu fulani watamani kujiua, na anataka kuwasaidia. Ili kuona jinsi anavyowasaidia watu washinde hisia hizo, soma makala “Ninataka Kufa—Je, Biblia Inaweza Kunisaidia Ikiwa Ninawazia Kujiua?” iliyo kwenye sehemu ya Chunguza Zaidi katika somo hili.
-