‘Kupanda kwa Kusudi la Ukweli’

“Na katika fahari yako endelea mpaka kwenye fanikio; panda kwa kusudi la ukweli na unyenyekevu na uadilifu, na mkono wako wa kuume utakufundisha katika mambo ya kutia hofu.”—ZABURI 45:4, NW.

 1, 2. (a) Ni ujumbe gani uliomsisimua mtunga zaburi? (b) Kwa sababu gani ujumbe uo huo utusisimue sisi?

MWIMBAJI-MSHAIRI huyo alikuwa na shauku nyingi ya kuanza wimbo wake. Tazamio la kuja kwa serikali njema mikononi mwa mtawala asiyeweza kuwa mfisadi, mwenye uadilifu, lilikuwa jingi mno. Yeye hakuweza kukaa kimya. Kwa kushindwa kuendelea kufungia maoni yake, mtunga zaburi alibubujika kwa maneno haya: “Moyo wangu umesisimuka kwa sababu ya jambo zuri-zuri. Mimi ninasema: ‘Kazi zangu ni kuhusu mfalme fulani.’ Ulimi wangu uwe stailasi ya mnakili stadi.” (Zaburi 45:1, NW) Mwimbaji-mshairi huyo wa kwanza amekufa kitambo. Lakini wimbo wake wa kiunabii ungali hai, na kani ya wimbo huo ni yenye nguvu sasa zaidi ya wakati mwingine wo wote.—Linganisha Wakolosai 3:16.

² “Jambo zuri-zuri” hilo lililosisimua moyo wa mtunga zaburi lilikuwa nini? Linahusiana na habari njema za Ufalme wa Mungu! Ujumbe wa Ufalme ni jambo “zuri-zuri” sana hivi kwamba umestahili ‘kuhubiriwa katika dunia yote inayokaliwa na watu kwa ushuhuda kwa mataifa yote’ kabla ya “mwisho” wa mataifa hayo kuja. (Mathayo 24:14, NW) Leo, je! kichwa hicho ‘kizuri-kizuri’ cha Ufalme wa Mungu wa Kimasihi kimesisimua moyo wako? Kinapasa kufanya hivyo. Kwa sababu gani? Kwa sababu kitenzi cha Kiebrania kilichotafsiriwa “umesisimuka” (ra·chash’) kinamaanisha mwendo uliosisimuka, kama umajimaji wenye kububujika, unaochemka. Kitenzi hicho kinatoa pia wazo la ujazi. Na kumbuka, Kiongozi wetu, Yesu Kristo, alisema: “Mtu, kinywa chake hunena yale yaujazayo moyo wake.” (Luka 6:45) Hivyo, je! wewe, kama mtunga zaburi, una moyo unaofurika “jambo zuri-zuri”? Ikiwa ndivyo, basi hakuna kitu kinachoweza kukuzuia usiimbe ukweli huu ulio bora kabisa: Yesu Kristo anatawala katika Ufalme wa Mungu!

Kueneza Wimbo wa Ukweli

 3. Ni njia gani mbili kubwa za kuenezea habari njema za Ufalme leo?

³ Wimbo huo wa kifalme unaweza kuenezwaje? Ni kupitia roho takatifu kwamba ulimi wa mtunga zaburi ukawa “stailasi” mikononi mwa Yehova. (Linganisha 2 Samweli 23:2.) Maneno ya ishairi aliyoandika yaliimbwa ili waabudu wote wa kale wa Yehova wayasikie. Sisi leo tunaweza kuupigania ukweli wa Ufalme wa Mungu kwa njia mbili kama hizo. Kwanza, kwa maneno yetu yanayosikiwa katika kuhubiri peupe na, pili kwa maneno yetu yanayosomwa katika vitabu vyetu. Kwa sababu hiyo, wakati tunapogawia-gawia watu vitabu vyenye msingi wa Kibiblia, tunakuwa tukiwaambia maneno ambayo ulimi wa watu watakatifu walioongozwa na roho ya Mungu wamekwisha kusema. (2 Timotheo 3:16; 2 Petro 1:20, 21) Na leo ujumbe wa Ufalme uliopigwa chapa unazungushwa kila mahali kwa maandishi na lugha nyingi na kwa mwendo ambao haukuweza kukisiwa na mtunga zaburi. Je! wewe umekuwa na sehemu ya kawaida katika uenezaji ujumbe huo, hasa kwa kugawa-gawa majarida Mnara wa Mlinzi na Amkeni!?

 4. (a) Kristo Yesu amekuwaje‘na sura ya kupendeza kuliko wana wa watu’? (b) Jamii ya mlinzi iliyopakwa mafuta inaigaje ‘upendezi wa midomo ya Kristo’?

⁴ Sura ya Mfalme wa Yehova inamsisimua mtunga zaburi kuandika hivi: “Wewe kweli kweli una sura ya kupendeza kuliko wana wa watu. Upendezi umemiminwa juu ya midomo yako. Hiyo ndiyo sababu Mungu amekubariki mpaka wakati usiojulikana.” (Zaburi 45:2, NW) Kuanzia siku ile ya kupakwa mafuta kwa roho ya Mungu, midomo ya Yesu iliendelea tu kuhubiri Ufalme bila kuacha, mpaka mawakili wa kibinadamu wa Shetani wakainyamazisha kwa muda. Kwa sababu ya ushikamanifu wa Yesu, ndipo Yehova alipombariki yeye milele kwa kumfufua kutoka kwa wafu na kumkweza juu ya viumbe wengine wote. (Wafilipi 2:8-11) Tangu utukuzo wa Yesu wa kimbungu, wakati ambao yeye akawa ‘chapa ya nafsi ya Mungu,’ yeye ni mzuri wa sura kuliko mtawala aliye na cheo kilichokwezwa zaidi ya vyote, hata kama huyo ni mtawala wa kibinadamu au wa kimalaika. (Waebrania 1:3, 4) Sasa, akiwa Mfalme aliyetawazwa, Yesu anaitia nguvu nyingi midomo ya jamii iliyopakwa mafuta ya “mlinzi” na wenzao ili Waziimbe kwa sauti kubwa ya ujasiri zile habari njema za Ufalme. Hata hivyo, huo ni wimbo wa vita pia.

 5, 6. (a) Ni wazo gani linalotokezwa na jambo la kwamba Kristo ‘anapanda kwa kusudi la ukweli’? (b) Jamii ya mlinzi inatumiaje Mnara wa Mlinzi na Amkeni!?

⁵ Halafu mtunga zaburi anapaaza sauti akimwambia Mfalme anayetawala hivi: “Fungilia upanga wako juu ya paja lako, Ee mwenye nguvu, pamoja na adhama yako na fahari yako. Na katika fahari yako endelea mpaka kwenye fanikio, panda kwa kusudi la ukweli na unyenyekevu na uadilifu, na mkono wako wa kuume utakufundisha katika mambo ya kutia hofu.” (Zaburi 45:3, 4, NW) Tangu 1914 Kristo anapanda farasi wa vita, tayari kutenda. (Ufunuo 6:1, 2) Kristo amejifungilia upanga —ishara ya vita na pia ya mamlaka na nguvu nyingi kutoka kwa Mungu za kuyafisha mataifa yanayopinga. Kristo tayari amekwisha kupigana na Shetani na mashetani wake, akawavurumisha chini kutoka kwenye mbingu na kuwazuilia kwenye ujirani wa dunia.—Ufunuo 12:1-13.

⁶ Ijapokuwa hivyo, kabla amani haijarudishwa, mambo yaliyo ya kugutusha kuliko hilo yatafanywa na mkono wa kuume wa Mfalme wakati ‘anapopanda kwa kusudi la ukweli’ kwenye Har–Magedoni ili kuharibu adui wote wa Mungu duniani. (Zaburi 45:4, NW; Ufunuo 16:14, 16; 19:17, 18) Kristo ameitia ujasiri jamii ya “mlinzi” iliyopakwa mafuta ili iimbe kwa sauti kubwa onyo hilo pia. “Mlinzi” huyo anatumia nini kukuza sauti yake? Sana-sana ni kurasa za gazeti Mnara wa Mlinzi—jarida linaloyapita mengine yote katika kutangaza Ufalme wa Yehova uliosimamishwa. Ikiwa kama jeshi la nzige-nge wanaouma, jamii ya “mlinzi” inajazwa roho ile ile inayomsukuma Kristo ‘apande kwa kusudi la ukweli.’ (Ufunuo 9:7-11) Kwa matokeo mazuri, wao wanatumia magazeti yaliyotayarishwa chini ya mwelekezo wa “mlinzi” huyo—Mnara wa Mlinzi na Amkeni!—‘kwa kusudi la ukweli.’—Mathayo 24:45; linganisha Ufunuo 9:16-19.

‘Kupanda kwa Ajili ya Ukweli’

 7. Ni kwa njia gani ya ushambulizi magazeti Mnara wa Mlinzi na Amkeni! yanaendeleza ukweli wa Biblia?

⁷ Kwa miaka zaidi ya 100 gazeti Mnara wa Mlinzi limekuwa likipigania ‘kusudi la ukweli wa Ufalme.’ Hilo linatumia kwa ustadi Neno la Mungu kama upanga katika kuondoa matabaka ya makosa yaliyofungiliwa kuzunguka mafundisho ya dini ya uwongo. (Linganisha Waefeso 6:17; Waebrania 4:12.) Gazeti Amkeni! pia linatetea kusudi la ukweli. Kwa habari ya matukio ya kisasa, gazeti Amkeni! linapasua kibandiko cha udanganyifu kinachofunika nadharia za kisayansi zinazopunguzia Biblia sifa, pia maelekeo ya kijamii na kiadili yaliyo hatari. Sisi tunaweza kufanya nini kuyatia magazeti hayo mikononi mwa watu zaidi wanaoweza kuusikia ujumbe wa Ufalme unaokoa uhai?

 8, 9. Kutumia kanuni ya Waefeso 5:16 kuhusu kusoma Mnara wa Mlinzi na Amkeni! kunaweza kukusaidiaje ‘usisimuke’ ili kushiriki kutoa ushahidi wa magazeti? Toa mifano.

⁸ Wote wanaopenda ukweli wanapaswa ‘wasisimuke’ kwa sababu ya ujumbe yalio nao majarida Mnara wa Mlinzi na Amkeni!. (Zaburi 45:1, NW) Jinsi gani? Mbona usiyasome mara tu ukiyapokea? “Mimi niliamua kutosoma gazeti wala kitabu cho chote cha kilimwengu mpaka kwanza niwe nimemaliza kuyasoma magazeti yetu,” akajiambia Lillian miaka kumi iliyopita. Yeye angali mwaminifu kwa azimio hilo. (Mathayo 6:33) Wewe unaweza kufanya nini baada ya kuyasoma? Ongea na wengine juu ya yaliyomo—jamaa na washiriki wenzako kundini. Kufanya hivyo kunapasa pia kukuwashe juhudi ya kutoa ushahidi kwa kutumia magazeti hayo ili upate kuambia jirani zako juu ya mambo mema ambayo umesoma. Bila shaka utataka kushiriki katika kutoa ushahidi wa magazeti kila juma, ukiyapeleka magazeti haya kwenye nyumba za jirani zako. Jambo hilo linaweza kulinganishwa na njia ambayo mtume Paulo ‘alitoa ushahidi kikamili.’—Matendo 20:20, 21, NW.

⁹ Petro na Petra mkeye wamekuwa wakitumikia kama wamisionari katika nchi moja ya Kiafrika kwa miaka minne iliyopita. Gazeti Mnara wa Mlinzi na Amkeni! ni kimoja cha vyanzo vyao vikuu vya kupata nguvu ya kiroho. “Gazeti Mnara wa Mlinzi linatutia uhai tuendelee kuwa chonjo kiroho katika eneo letu,” anasema Petra. “Sisi tunapata kitia-moyo na nguvu kutokana na kila toleo la Mnara wa Mlinzi na Amkeni!,” Petro anaongeza, “na kila wakati magazeti hayo yanapofika, inaelekea kwetu kama kwamba sisi tunapokea barua kutoka nyumbani.” (Linganisha Zaburi 46:1.) Je! wewe una uthamini uo huo wenye kina kirefu kwa majarida yetu, na je! una shauku ya kuyasoma kama Petro na Petra? Roho ya aina hiyo itakuharakisha utolee wengine magazeti hayo kwa ukawaida ili wao pia wayasome.

10. Ni mwelekeo wa namna gani unaohitajiwa ili kutoa ushuhuda wa magazeti kwa matokeo mazuri, na ni manufaa gani zinazoweza kutokezwa na mwelekeo huo?

¹⁰ Wahubiri wa Ufalme wanapaswa wawe na mwelekeo mzuri kuhusu ushahidi wa kutoa magazeti. Watu wanaofuata dini kwa moyo mweupe wangali wanakaribisha habari zenye msingi wa Kibiblia zilizomo katika majarida yetu. (Linganisha Matendo 10:15, 30-33.) Kwa sababu gani? Kwa sababu hawawezi kupata habari hizo kutokana na chanzo kinginecho chote. Katika Uswedi, zaidi ya miaka 45 iliyopita Lars alipata kirundo cha magazeti Mnara wa Mlinzi kutoka kwa mwajiriwa-kazi mmoja. “Yanasikika kuwa na maana,” yeye akamwambia mkeye baada ya kuyasoma. “Yanayosemwa na Biblia, ndiyo yanayosemwa na Mnara wa Mlinzi.” Mambo aliyoyasoma Lars yalimfanya afikie ubatizo—Machi 1940. Fikiria mfano mwingine. Wahudumu wawili mapainia kutoka kusini mwa United States walisema hivi:

“Mwanamke mmoja alikutwa katika kazi ya magazeti. Yeye ndiye mweka-hazina wa kanisa kubwa la Kibaptisti naye ni mwanafunzi wa Biblia anayejifunza kwa uzito sana. Yeye aliposoma mfululizo wa kichwa cha habari iliyohusu Har–Magedoni katika matoleo ya Mnara wa Mlinzi ya Juni 1 mpaka Julai 15, 1985, alifurahi sana. Alikuwa ametumia saa nyingi akichunguza-chunguza habari hiyo asipate jambo lo lote isipokuwa andiko lililo kwenye Ufunuo 16:16. Hapo kwanza, yeye alikuwa amemwuliza mhudumu wake hivi: ‘Har–Magedoni ni nini? Unaweza kueleza ilivyo?’ Mwanamume huyo alimtazama na kusema, ‘Hiyo ni habari yenye kina kirefu,’ na kwenda zake. Mwanamke yule alisema kwamba, kwa upande ule mwingine, gazeti Mnara wa Mlinzi lilijibu kila swali lake na kwamba hicho tu ndicho chanzo alichopata kikiwa na maandiko yaliyohitajiwa juu ya habari ya Har–Magedoni.”

11. (a) Kwa sababu gani upange ratiba ya kutoa ushuhuda wa magazeti, na mara nyingi kadiri gani? (b) Je! utumishi wa magazeti unaweza kusaidia kazi ya mafunzo ya Biblia? Eleza. (c) Unaweza kuangushaje magazeti Mnara wa Mlinzi na Amkeni!? Ona sanduku.

¹¹ Je! wewe unaweza kupanga angalau siku moja kwa ajili ya kutoa ushuhuda wa magazeti kila juma, ukifanya jambo hilo liwe sehemu ya kawaida yako ya kiroho? (Linganisha Wafilipi 3:16, NW.) “Wahubiri, na mapainia pia, hawatumii wakati wa kutosha katika kazi ya magazeti,” tawi la Naijeria la Sosaiti ya Mnara wa Mlinzi linaonelea hivyo. Lakini je! ni kwamba sasa ushahidi wa magazeti uifunike kazi ya kufanya wanafunzi? Tofauti na hivyo, ripoti kutoka matawi ya Sosaiti ya Australia na Brazili zinaonyesha kwamba kuangusha magazeti kunaweza kuwa ndiyo hatua ya kwanza katika kufanya watu wengi waanze kujifunza Biblia. “Kutokana na maangusho yangu ya kwanza-kwanza ya magazeti, mafunzo matatu yalianzishwa,” anasema dada mmoja wa Australia. Ni kwa njia gani wewe unaweza kuangusha magazeti ambayo huenda yakaongoza kwenye funzo la Biblia? Tazama sanduku lenye kichwa “Kuangusha Magazeti” ili upate madokezo.

Je! Wewe Umeyajaribu Madokezo Haya?

12. Ni madokezo gani ambayo yalithibitika kuwa ni yenye msaada kwa mhubiri mmoja?

¹² Huduma ya Ufalme Yetu ya Aprili 1984, ilikuwa na nyongeza yenye kurasa nne kuhusu kutoa ushuhuda wa magazeti. Je! wewe umeyajaribu madokezo iliyoyatoa? Wahubiri wa Ufalme wangefanya vema kuisoma tena nyongeza hiyo na kutumia mashauri yayo katika utumishi wa shambani. Dada mmoja kutoka United States alifanya hivyo; alishangaa kupata matokeo yaliyofurahisha. Yeye anaandika hivi:

“Nimekuwa nikiyazoea mambo yaliyoorodheshwa katika nyongeza ya Huduma ya Ufalme ya Aprili 1984 juu ya maangusho ya magazeti, na kuna mafanikio! Mwishoni mwa 1983 nilikuwa nimeangusha magazeti 36 tu mwaka mzima! Sikuwa na furaha, hasa si kwa sababu ya hesabu nilizoandika katika ripoti, bali kwa sababu nilikuwa nimeshindwa kuzitia habari hizi zenye uzima mikononi mwa watu wanaozihitaji. Nilimpelekea Yehova sala juu ya jambo hilo na nikapiga moyo konde nijitahidi zaidi kuangusha Mnara wa Mlinzi na Amkeni! Nilitumia madokezo yale yanayohusu kujiwekea mradi wa kibinafsi unaohusu maangusho, nikitumia utoaji mfupi unaokazia gazeti moja, huku nikienda katika utumishi wa shambani kwa ukawaida siku ya magazeti, na kuwa na mwelekeo wa kutazamia mazuri. Sasa wakati mwenye nyumba anapokataa toleo lile la kawaida, mimi nasema: ‘Basi, nitakuachia matoleo ya karibuni zaidi ya Mnara wa Mlinzi na Amkeni! kwa shilingi 6.’ Mambo hayo yanakuwa na mafanikio kweli kweli kwa sababu katika muda wa miezi minne iliyopita nimeweza kuwa na wastani wa magazeti 14 kwa mwezi!”

13. Ni shauri gani lililochapishwa katika 1888 ambalo lingali lenye mafaa leo?

¹³ Katika toleo la Desemba 1888 la Mnara wa Mlinzi wa Sayuni, chini ya kichwa “Dokezo kwa Wavunaji,” shauri hili lilitolewa: “Ugumu mkubwa zaidi kwa upande wa wengi unaelekea kuwa kwamba mioyo yao imejawa sana na habari njema hivi kwamba wanashawishwa kueleza mambo ambayo kidogo yanapita kiasi kuhusu Mpango wa Mungu.” Je! shauri hilo lingali linaweza kutumiwa? Alipoulizwa wahubiri wanaweza kufanya nini waongeze maangusho ya magazeti, mwangalizi wa mzunguko mmoja kutoka Ufaransa alijibu: “Sema kifupi. Fikia maana bila kukawia.”

14, 15. Picha zilizo katika Mnara wa Mlinzi na Amkeni! zinaweza kutumiwaje katika kutoa ushuhuda? Toa mifano.

¹⁴ Picha za kuvutia za rangi nne zimeongezea nguvu za kuvuta za ujumbe wa Ufalme unapofikia namna tofauti-tofauti za watu katika nyingi za lugha ambazo magazeti yanatokea. Tangu toleo la Januari 8, 1987 gazeti Amkeni! limejiunga na Mnara wa Mlinzi katika kupigwa chapa katika rangi nne katika nyingi za lugha zile kubwa-kubwa. Je! wewe unazitumia picha zile za kuchorwa na za kupigwa zilizo katika magazeti hayo kama mambo ya kufanyia maongezi? Wengi wamefanya hivyo, kwa matokeo mema. Theresa, mmisionari mmoja katika Mashariki ya Mbali tangu 1976, amefanya hivyo. Yeye anagawa magazeti 260 kwa mwezi. “Mimi nazitumia picha kukazia jambo kuu la utoaji wangu,” yeye anasema. “Nyakati nyingi ninaonyesha mwenye nyumba jalada tu na kutaja kichwa cha mazungumzo, na gazeti lile ni kama linajiangusha lenyewe.”

¹⁵ Kay, mmisionari mmoja katika nchi ya Suriname, ana ono kama hilo. Yeye na mumeye wamekuwa kule kwa miaka 10, nao wanaziona picha kuwa zenye matokeo mazuri wanapotoa ushahidi, hasa kwa wale walio na imani ya Kihindu. Kwa sababu gani? Kay anaeleza hivi:

“Dini ya Kihindu ni dini ya picha. Kwenye mlango mmoja, mimi niliuliza mwanamke mmoja: ‘Tafadhali niambie jina la miungu yenu iliyo katika picha zenu.’

‘Huyo ni Shiva,’ yeye akajibu.

‘Sasa, ni yupi aliye mungu wa juu zaidi ya wote?’ mimi nikauliza halafu. Hakuna jibu. ‘Tusome Yeremia 10:10-12? Ni Mungu yupi anayeweza kufanya dai la kuwa ndiye Muumba? Yehova peke yake. Sisi tunajua ninyi mnapenda picha. Je! picha hizi zilizo katika Mnara wa Mlinzi na Amkeni! si nzuri na za kupendeza? Je! wewe hungeipenda furaha ya kujifunza zinamaanisha nini?’”

Mbona usijaribu kuzihusisha picha hizo katika maongezi yako wakati ule mwingine utakapokuwa katika utumishi wa magazeti?

16. Ni madokezo gani kutoka kwa mhubiri mmoja katika Hong Kong ambayo huenda wewe ukayaona kuwa yenye msaada?

¹⁶ Alipokuwa akitumikia katika Hong Kong, Gene alikuwa na wastani wa maangusho ya magazeti zaidi ya 300 kwa mwezi. Yeye alifanyaje hivyo? Anaeleza hivi:

“Kwanza, sali uombe baraka za Yehova juu ya ushahidi wako wa magazeti. Pili, uwe na mwelekeo wa kutazamia mazuri, uwe mwenye kutabasamu, na mwenye urafiki. Tatu, uwe mwenye kubadilikana na mwenye kukubali na utafute msingi wa ujumla wa kukubaliana na mwenye nyumba. Nne, agiza magazeti ya kutosha kwa mwezi mzima. Mimi nina agizo kubwa, kwa kuwa agizo la namna hiyo linanipa kichocheo cha ziada. Tano, weka kando jioni moja kwa juma kwa ajili ya utumishi wa magazeti, kwa kuwa watu wengi zaidi wako nyumbani na wako katika hali ya kustarehe. Sita, anzisha ukawaida wa kupelekea watu magazeti, hata kama ni wachache.”

Kuanzisha Ukawaida wa Kupelekea Watu Magazeti

17. (a) Kanuni ya Matendo 15:36 inaweza kutumiwa kuhusu jambo gani la ushuhuda wetu wa magazeti? (b) Katika nchi zisizo na utumishi mzuri sana wa usafirishaji barua, ni ipi njia moja ambayo wahubiri wanaweza kuangusha magazeti?

¹⁷ “Kuweka maandishi sahihi ya mahali ambako magazeti yanaangushwa, ndipo urudie kwa ukawaida ni njia moja ya kuongeza ugawaji wa magazeti,” anasema Ollie, ambaye ametumikia katika nchi ya Kiafrika ya Burkina Faso. “Mimi nimekuwa na watu 15 ninaopelekea magazeti kwa ukawaida. Kwa kuwa Burkina Faso si tawi la uchapaji na usafirishaji barua hautegemeki, Mashahidi mara nyingi wanapokea magazeti yao ya ugawaji yakiwa vifurushi-vifurushi, labda matoleo manne au matano kwa wakati mmoja.” Je! hivyo ndivyo ilivyo kuhusu nchi yako pia? Ikiwa ndivyo, ni jambo gani linaloweza kufanywa ili kushinda mwito huu wa ushindani wa maangusho ya magazeti? “Unaweza kushika nakala za kila toleo na kuyasambaza magazeti hayo mvuringo yakiwa mkononi na kuacha mwenye kupendezwa achague ni jipi angependa kusoma,” anadokeza Ollie. “Kwa kawaida, atachukua yote.”

‘Endelea Kusisimuka kwa Sababu ya Jambo Zuri-zuri’

18. Ni upande gani wa ripoti za utumishi wa shambani za hivi majuzi zinazostahili sifa hasa, na ni nini tungeweza kukazia fikira kubwa zaidi?

¹⁸ Ninyi wahubiri wa Ufalme mmesaidia kuinua sana maandikisho ya magazeti yote mawili. Mnastalili sifa kwa juhudi yenu katika kuzieneza habari njema kwa njia hiyo. Unaosifika pia ni mwinuko katika jumla ya magazeti yaliyoangushwa. Ingawa hivyo, labda tunaweza kuelekeza fikira nyingi zaidi kwenye maangusho ya magazeti yetu tukiwa watu mmoja mmoja. Kwa kuwa eneo linafanyiwa kazi kwa kadiri kubwa zaidi, maangusho ya magazeti kwa kila mhubiri yamepungua. Kwa kuwa tunaishi ndani sana ya wakati wa mwisho, je! tunaweza ‘kusisimuka zaidi kwa sababu ya jambo zuri-zuri’ la Ufalme kupitia ushahidi wa magazeti?—Zaburi 45:1, NW; 1 Petro 4:7.

19. Ni kwa njia gani mbili sisi tunaweza kuupigania ukweli wa Ufalme?

¹⁹ Kristo akiwa katika fahari ya Ufalme anapanda ili akapate fanikio la kuondoa malawama juu ya jina takatifu la Babaye na kuitegemeza enzi kuu Yake ya ulimwengu wote mzima. (Ufunuo 6:2) Acheni sisi tutumie ndimi zetu na ukurasa uliochapwa ili kutangaza kufika kwake. Na tuziinue kwa ushikamanifu sauti zetu pamoja na jamii ya “mlinzi” aliyepakwa mafuta wakati anapojiunga pamoja na Kristo katika kuupigania ukweli wa Ufalme wa Mungu wa Kimasihi uliosimamishwa. Ndiyo, acheni tugawe kote kote Mnara wa Mlinzi na Amkeni!—magazeti ambayo yanatimiza fungu muhimu wakati Mfalme wetu ‘anapopanda kwa kusudi la ukweli.’—Zaburi 45:4, NW.

Je! Wewe Unakumbuka?

◻ Ni nini lile “jambo zuri-zuri” linalopasa kusisimua moyo wako?

◻ Ni matokeo gani yanayoletwa na ‘kupanda kwa Kristo kwa kusudi la ukweli’?

◻ Ni katika maana gani magazeti Mnara wa Mlinzi na Amkeni! yanatumikia “kwa kusudi la ukweli”?

◻ Ni jinsi gani sisi tunaweza kuelekeza fikira zaidi kwenye kutoa ushuhuda wa magazeti?

[Sanduku/​Picha katika ukurasa wa 18]

KUANGUSHA MAGAZETI

Je! Wewe Umejaribu?—

◆ Ushuhuda wa nyumba kwa nyumba

◆ Ushuhuda wa barabarani

◆ Ushuhuda wa eneo la kibiashara

◆ Ushuhuda wa ukawaida wa kupelekea watu magazeti

◆ Ushuhuda wa jioni

◆ Wakati toleo la kitabu linapokataliwa

◆ Wakati unapofanya ziara za kurudia

◆ Kutembelea waliokuwa wanafunzi wako wa Biblia

◆ Wakati unaposafiri au kununua vitu dukani

◆ Wakati unapoongea na watu wa ukoo, wafanya kazi wenzako, majirani, wanashule wenzako, au walimu